قطوف:- كعدت الصبح على صوت صياح جوه
فتحت عيوني وانا وبدر واحد يباوع لثاني واحنه مانعرف شصاير
نزلنه انا وبدر واحنه نركض دخلنه الصاله وشفت ود بصاله تبجي وصرخ
من شافتني اجت وركضت الي
ود:-قطوف قطوف امي تخربطت وماعرف شبيها فدوه تعالو خل ناخذها للمستشفى
بدر:-اهدي ع كيفج هسه ابدل ونروح ناخذها
راح بدر وصعد فوك وانا احتاريت شسوي امي طايحه وفوكها عندي دوام
نزل بدر بسرعه
بدر:-يله خويه
قطوف:-اروح وياكم
بدر:-شسوين ترحين ابقي هنا وماكو روحه
قطوف:-والله ما اروح امي هيه
بدر:-كلت ماكو
ود:-خويه خليها تروح اريدها وياي
بدر:-امري لله تعالي بس لبسي عبايه جبه لبسج يخزي
خزرته واخذت الجاكيت ماله ولبسته وطلعنه بالسياره
بدر يسوق بكل سرعته همزين ما سوينه حادث وانا ود ادينه ع كلبنه من الخوف دك تلفونه وكف السياره ورد علي هز راسه وفصله ورجع يكمل سياقه عاديه
وصلنه المستشفى ودخلنه وسألنا عليها
ودلتنه الممرضه عليها
رحنه للغرفه شفنه اسيل وسيف واكفين باب الغرفه ومتوترين وخايفين
بدر:-هااا سيف شكو شصاير
سيف:-مادري كالو حالتها خطره ولازم ندخلها للعمليه وهسه هيه داخل بالعمليه دعواتكم الها
بقينه على اعصابنا والتوتر والخوف ياكل بينه
انا واخواتي كاعدين ع كراسي ود حاضنتنه انا واسيل الدنيا صارت ضهر وماكو
بعد ساعات طلعوها من غرفه العمليات ودخلوها الغرفه ثانيه بس ماخلونه ندخل
حطوه وطلعو حجينه ويه الدكتور وكال
:-امكم وضعها خطير وبيها مرض خطير وحالتها متأخره وهذا خطأ ولازم تبدي علاج حالياً هيه هسه وضعها احسن دعواتكم
بقينه برا ساعتين وماخلونه ندخل ونشوفها
رادو يروحون بس انا رفضت اني اروح واصريت ابقى لحد ماتفتح عيونها
كال بدر:-سيف اخذ البنات وروحو انا ابقى وياها
هز راسه وراحو وبقينه بس انا وبدر
انا دموعي تصب بصمت ماكدر اوكف خايفه يصير لامي شي صحيح جانت تضلمنا بس مهما يكون هذي امي
راح بدر يجيب ماي وجانت المستشفى فارغه مابيها ناس بس الممرضات والدكاتره
حسيت الهوى انكطع مني
كمت طلعت برا بالحديقة واخذت نفس قوي
كعدت على كرسي وانا صافنه والدنيا بارده عضامي صرت اسمعهن يطكطكن من البرد
حسيت بشخص غطاني
باوعتله لكيته بدر غطاني بالحاف خفيف اخذ من المستشفى غطاني وكعد يمي انطاني علاكه فتحتها لكيته جايبلي لفات وياها عصير
وعصير اخضر كزاز
طلعت لفه واكلت لان من الصبح ما ماكله
اكل واباوع لـ بدر ودموعي مستمره تنزل
كملت اكل وشربت عصير
حطيت راسي ع چتف بدر
بدر:-بويه كافي تبجين مو عيونج راحن
قطوف:-ماكدر بدر ماكدر
أنت تقرأ
قطوف
Ciencia Ficciónآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
