قطوف:- كعدت الصبح ساعه بـ 7 كمت ؏ حيلي ورحت للمطبخ تريكت وي ود واسيل
اجت امي وصبحت علينه وكعدت تريك ويانه
سمر:-قطوف.
قطوف:- هلا يمه.
سمر:-حضري نفسج بدر وامه راح يجون ياخذونج وتعقدون.
قطوف:- دنكت راسي. تمام.
كمت وغسلت ايدي لان نسدت نفسي
ورحت للغرفه كعدت ؏ فراشي وانا افكر وخايفه ومتوتره ليش وافقت عليه يمكن يطلع جذاب اوف يربي هسه شسوي
اخذت نفس وزفرته وكمت فتحت الكنتور وصفنت شلبس
بعد صفنه طويله ابتسمت ابتسامه خبيثه
انا اعلمه اله اخليه يلغي العقد
طلعت بنطرون ابيض وطلعت قميص منقسم قسمين القسم الاول ازرق والثاني ابيض لبستهن وسديت دكم القميص من فوك والجوه شديتهن فيونكه ولاكمام رفعته وصلتهن لكوعي صارن اديه نصهن طالعات من جوه
ورفعت شعري ذيل حصان
وطلعت جنطه سوده مالت ود جانت صغير
ماحطيت بيها شي خذيتها بس للكشخه
وطلعت نضارات سود حطيتهن ؏ شعري
وطلعت اخبل رحت باوعت لنفسي بل مرايه وكمت اتميلح واسوي حركات
خذيت عطر وبخيت منه بست المرايه وكلت
الله طالعه اخبل اليوم
سمعت اصوات بره عرفتهم وصلو ابتسمت وحطيت ايدي بجيوب البنطرون وطلعت
ماحطيت مكياج ولا شي طلعت وجهي صافي من المكياج
طلعت ورحت للصاله شفتهم كاعدين رحت وسلمت عليهم
وكعدت ود تباوعلي وتبتسم واشوف بدر الغضب مبين من عيونه وكام يخزر بيه وانا كاعده وحاطه رجل ؏ رجل وابتسمت باوعت لاسيل يمها جنط وغراض وهيه لابسه وكاشخه باوعلتها باستغراب
ام بدر:-يله خل نتوكل.
طلعنه وركبنه انا وامي وام بدر بسياره بدر واسيل ركبت وي سيف
سيف جان موجود ركبنه وقبل ما تتحرك السياره كلت
قطوف:-وين ود.
سمر:-ود بقت بـ البيت.
قطوف:-يمه حبابه خل تجي ويانه.
سمر:- شنو تجي ويانه عيب
امي جانت كاعده يمي وراه
قطوف:-يمه فدوه اكو مكان خل تجي خل تجي انا اريدها.
سمر:-لا حول الله امري لله خاله شوي اوكف.
بدر:-ها ناسين شي.
سمر:- لا يمه ماناسين شي بس اوكف لاتحرك السياره.
نزلت امي دخلت البيت ربع ساعه وطلعت هيه ود شكت حلكي الابتسامة ركبت ود يمي وامي ركبت
بدر:-نتوكل.
سمر: اي يمه توكل.
تحركت السياره ورحنه المحكمه طول الطريق وانا لازمه ايد ود وابتسم الها ماريد اعوفها شلون اذا تزوجت شلون راح اعوفها
وصلنه المحكمه ونزلنه كلنه ماعدا سيف واسيل بقو بسيارتهم
دخلنه للمحكمه ودخلنه مكان وكفنه انا وبدر وسئلنا القاضي مدري شسمه اذا احنه موافقين وردينه بل موافقه انطانه اوراق نوقع عليها
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
