كلبت عيوني ورجعت لوره
احلام:-الضاهر صاير شي بينج وبينه صاير شي لو سوالج شي
قطوف:-ما سوه شي
احلام:-جا شبيج ماده بوزج علينه، اجت كعدت يمي وخلت راسي على جتفها
احلام:-احجي حبيبه
قطوف:-ابنج مزعلني وغالط عليه
احلام:- شمسويه من مصيبه يغلط عليج بدون ما تسوين شي
قطوف:-يكلي ليش ما تشتغلين والبنيه مكانها المطبخ ويقهر بيه ترضين هيج
احلام:-وانتِ شنو رديتي عليه
دنكت وانا ساكته
احلام:- معناها كايله اله كلمه جبيره
مارديت عليها اباوع الايدي، دخل بدر علينه وكال انو راح نطلع حضرت نفسي ومشينه ركبنه انا ورا وعمتي كدام
وصلنه للبيت نزلنه كبل رحت ونمت اي طاقه بعد مابيه... مر تقريباً اسبوع والحمدلله ايدي صارت احسن من قبل بس بعدني لافتها
وبدر هل فتره مايحجي وياي نهائي كلك عود زعلان ومادري شنو عفته براحته وماحجيت ويا، بس بدر ماكاعد يخليني البس اسود على امي واذا شافني لابسه اسود يهجم البيت على روسنه عود ما هو زين على الطفل
وحتى عمتي ود واسيل واكفات وياه، صرت اخلي بدر يطلع والبس اسود ومن يرجع انزعه امي مستحيل مالبس اسود عليها
من عرف انو البس اسود من وراه گلب البيت فوگ جوه
جنت بالمطبخ ويه البنات اسوي زلاطه وانا كاعده لان مايخلني اشتغل ولابسه اسود لان بدر بره ومايرجع الحد 2 الظهر
خلصت وطلعت اذب الزباله بالحاويه واسمع صوت ارفع راسي واشوفه بدر واكف باب السياج يحجي ويه عمتي وما انتبه الي
وسعت عيوني من شفته گبل رحت دخلت غسلت ايدي وصعدت فوك ركضت غيرت ملابسي ونزلت بسرعه وبس دخلت هوا دخل من الباب الثاني
هوا سلم وانا اعدل بنفسي
باوعلي وكال
بدر:-شبي شكلج مبهذل؟
قطوف:-هاا، لا مو هاي شسمه.. لان جنت اساعد البنات
بدر:-شكتلج انا مو كتلج لا تسوين شي
قطوف:-لعد شلون اكعد واسكت
بدر:- اي تكعدين وتسكتين
قطوف:-ومنو هذاك اليوم الي يكول ماتشتغلين والبنيه مكانها المطبخ لو تبدل الحجي
بدر:-مالج علاقه احجي الي اريده
تقرب مني وعدل ملابس وشد حزام الدشداشة ابتسملي وطلع كلبت عيوني وانا اعدل بشعري وكعدت اكمل وياهن
أنت تقرأ
قطوف
خيال علميآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
