قطوف:- كعدت الساعه 2:00 الضهر
كمت بس واسمع الاغاني جوه
بسرعه كمت وطلعت فستاني وحطيت مكياج خفيف ولبست فستاني الاسود وسويت شعري
تجهزت بسرعه رغم تعبي بس شسوي
لازم احضر لان الخطبه ما تتفوت
طلعت من الغرفه ونزلت جوه
دخلت الصاله البنات بل وسطه يركصن والجو مشتعل
كعدت يم ود وامي الي ماكو غيرهن
ود:-ليش نزلتي انتي تعبانه
قطوف:-عادي عادي
سمر:-يمه خليها شبيج وياها
ود:-يمه ماكلت شي بس هيه تعبانه لازم ترتاح
قطوف:-لا عادي مو كلش تعبانه
ود:-وبعدين تعاي شنو هذا الفستان ولج بلكت زلم دخلو وانتي هيج لا شال ولا شي
قطوف:-شبي ترا حلو وبعدين الزفه بعد وكت عليها
ود:-جؤ روحي حطي شال
قطوف:-اي بس اروح اشوف عبير وارجع
كمت رحت للكوشه سلمت على عبير وبستها وباركت الها وطبعاً هيه طالعه جنن تخبل مكياجها ناعم وحلو
ابتسمت الها جيت اروح ماسمع بس صوت الهورنات والسيارت والكل انخبص
والبنات يصيحن اجت الزفه اجت الزفه
طبعاً الاغاني طفت ودخلو بنات كبار وصغار وعجايز ويركصن ويهلهن
كومن عبير وركصن وياها وهيه تركص
انا بس اصفك ما ركصت لان مريضه وتعبانه
شويه وطلعونه برا يردون يعقدون ويصورون
طلعنه وطولو هواي
المهم عقدو وخلصو ودخلنه بس كم وحده
وانا من بينهن
الكل تصورهم عبير طالعه تخبل والعريس هم بس عبير احلى
طبعاً لبسو المحابس وكصو الكيك وكلو بعض وبعدين العريس طلع والكل دخل
حسيت بتعب مو طبيعي بطني وجعتني
كعدت وانا لازمه بطني ود جانت يمي
ود:-شبيج قطوف
قطوف:-ما اعرف بطني وجعتني
ود:-ابقي كاعده ولا تكومين من مكانج خوش
قطوف:-تمام
بقيت كاعده يم ود واحس راسي راح ينفجر
ماتحملت وكمت طلعت من الصاله وصعدت فوك
دخلت الغرفه وشمرت نفسي ع الجربايه حتى بدون ما اغير ملابسي ولا امسح مكياجي كبل نمت
نمت نومه عميييقه اخلى شعور
فزيت ع صوت بدر
بدر:-قطوف بويه كومي يله
مغمضه عيوني بس اسمع
بدر:-قطوف يله كومي كافي نوم
قطوف:-اوف عوفني اريد اشبع نوم
بدر:-شنو تشبعين نوم راح يأذني كومي يله امشي نروح للطبيب
قطوف:-ماريد خليها لباجر
بدر:-لا وضعج مايسمح ابقيج لباجر
قطوف:-لو تموت ما اكوم
بدر:-كومي لووو.... وسكت
استغربت ليش سكت فتحت عيوني لكيته يباوعلي من فوك لجوه
غمض عيونه بعصبيه وكال بحده
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
