قطوف:-اسيل امي، لا مو الي بالي
اسييييييييييييل...
صرخت على اسيل وانا اشوفها مغمى عليها بحضني، ركضو عليها جروها من حضني ويكعدون بيها، شالها سيف واخذها للطوارئ
استوعبت كل الي صار مو معقوله امي ماتت لا اكيد الي بالي غلط
اجت عمتي وكالتلي
احلام:-يمه قطوف لاتبقين ساكته ترحمي الها
صرخت وبجيت طلعت كل الي بكلبي، انهاريت من البجي وصرت اكول مستحيل هيه بعدهي عايشه اي عايشه اجه بدر يحاول يهديني بس دفعته عني وماجنت اريد احد يتقربلي بس بدر ماعافني لزمني من ايدي وحضني وصار يمسد على راسي وانا بس ابجي واشهك ابجي بحركه واتنفس سريع
قطوف:-اخذوني الها اريد اشوفها
بدر:-راح عدنان ويوسف الها لا تخافين بعدين يجيبوها هنا
هذا اليوم جان من اسوء الايام بحياتي،
جابو كبر امي للبيت خواتي نامن عليه بس انا ماكدرت اريد اروح واحضنها لاخر مره بس ماكدرت خواتي يصيحن عليه بس ماكدرت امشي خطوه
تقرب مني بدر وكال
بدر:- بنيتي ادري صعب عليج بس ودعيها اخر مره ترا راح تندمين والله يله امشي
ماكدرت امشي اروح لامي، صار بدر يقربني من الكبر، كعدني يمه وكام صار وراي، حطيت راسي على الكبر وصرت ابجي من كل كلبي
واكول، انا لله وانا اليه راجعون، واقرا ايات على كبرها
اجو رادو يشيلون الكبر تمسكت بي وما خليتهم بس همه سحبوني واخذو، صرخت وبجيت واصوات البجي ماليه المكان خواتي يردن يسكتني ماكدرن اصرخ رجعولي امي
كمت لزمت ايد بدر واترجاه..
قطوف:-عفيه بدر لا تخليهم ياخذونها خلوها شوي الله يخليك
بدر يبجي على بجيي ماكدر يحجي كلمه وانا اصرخ عليهم، اخذو امي وطلعوها من البيت، بدر لازمني وانا بس اريد افك نفسي والحكهم بس ما خلاني
عاط بدر وكال...
بدر:-خاااايب شبيجن صافنات تعالن لزمنها يمه تعالي هديها غسلي وجها سولها اي شي
لزمني البنات ويهدن بيه اجت عمتي وتهدي بيه راح بدر ركب وياهم وطلعو، بالكوه سحبت نفسي ورحت وكفت بالباب وشفتهم راحو صارو بعيد
كعدت على الارض وابجي منهاره، خواتي من شافني هيج انهارن بجي وياي
طبعاً دفنوها ورجعو، مرت ايام الفاتحه وانا مو مستوعبه انو امي خلاص ماتت خواتي بدن يتقبلن الوضع بس ما اتقبلن غياب امي يعني هيج فجأه بيوم وليله نفقد امي
مر ثلاثه اسابيع على وفاه امي، كل خميس نسوي الها ثواب من ورا الفاتحه
البيت مخبوص واليوم خميس ولازم طبخ وهوسه، سوينه الثواب بيت امي، اليوم كله وانا دموع
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
