قطوف: كعدت الصبح كمت ورحت للمطبخ رحت للثلاجه لكيتها فارغه عرفتها حركات امي عود تمنعنه عن الاكل رحت اخذت نص خبزه واكلتها الحمدلله على الاقل اكو خبز
طلعت مادري وين اروح رحت للصاله لكيت امي كاعده تباوع تلفزيون رحت كعدت بعيد عليها
سمر: كومي سويلي جاي اريد اريح راسي شويه
قطوف: باوعتلها وكمت رحت للمطبخ اسوي جاي سويته ورحت انطيتها خذته وشربت منه وباوعتلي بخزره وشمرت الكلاص عليه والجاي جان حار كلش
رأستن كمزت من مكاني وانا لازمه ايدي لان كلش توجعني
سمر: الله يطيح حضج هوا هذا هم جاي
قطوف: ليش شنو بي
سمر: بنيه شكدتج شكبرج ماتعرفين تسوين جاي ولي ولي من من يمي
شفت امي شلون معصبه وتصيح رحت بدون كلام وانا الدمعه بطرف عيني
دخلت للغرفه وقفلت الباب وكعدت ابجي واشهك ابجي من الوجع من ضيم امي الي كل همها الفلوس ماهمها بناتها
الوجع مال حرك موتني هيه بس ايدي وبطني شويه محتركه
ود ماموجوده بل بيت وين اروح ياربي
بقيت على وضعي انتضر ود تنقذني لان مالي غيراها
مادري بروحي ونمت. كعدت مادري بيش الساعه باوعت من الشباك الشمس ماكو بس نهار على ليل
اندكت الباب مال غرفه كمت فتحت الباب لان اعرف ود ترجع هيج وكت كمت فتحت وفعلا طلعت ود
حضنتها بدون ماكول شي هيه شافت ايدي وشهكت من منضرها الي يخوف صايره كلها حمره
ود: قطوف شنو هاي ايدج توجعج يروحي امشي نروح للمستشفى
قطوف: ماريد اريدج انتي
ود: حبيبتي انا يمج بس امشي نروح نطمن عليج
قطوف: بس..
ود: شنو بس
قطوف: شلون دفعين تكاليف المستشفى
ود: انتي معليج بس خلي نروح
قطوف: خاف يسويلي عمليه
ود: ولج مايسولج بس امشي
قطوف: جرتني من ايدي وطلعنه بره البيت الي قهرني انو امي ولا هتمت اصلا كاعده بصاله وحاطه رجل على رجل وتباوعلنه لحد ماطلعنه بره البيت
اخذتني ود للمستشفى دخلنه راحت ود كعدتني على كرسي من الكراسي ورادت تروح ماخليتها لازمه ايدها حيل
ود: قطوف لاتخافين بس اروح احجز ورجع بس عوفي ايدي
قطوف: ماا ماا اخاف فدوه لاتعوفيني
ود: والله ماعوفج بس عوفي ايدي
قطوف: عفت ايد ود وراحت بقيت اباوع وخايفه
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
