من شافني حسيته انصدم بقه يباوعلي والصدمه مبينه على وجهه
عاط بدر:-نززززززززلوو روسكم
كبل فاروق نزل عينه وهوا يرجف
باوعت لبدر وانا خايفه، همس بأذني....
بدر:- سايرتج وعاملتج بلطف بس اجه الوكت اطلعلج وجهي الثاني
كال كلامه وباوعلي وضحك بصوت عالي
بديت ارجف واخاف من كلامه اول مره اسمعه يحجي بهل نبره واعرف بدر يسوي الشي بدون مايسمع الاحد
بدر:-يله حبايب نشوف شغلنا
جابو الحراس كرسي وخلوه وراي ، وكف بدر وراي ولزمني من اجتافي وكعدني ع الكرسي وجاب كلبشات ربط بيهن ايدي، وكف وراي وهوا لازم اجتافي
كامو الحراس يضربون بيهم بدون رحمه وشفقه، بدر يبتسم يضغط على جتفي، فاروق جانو ثلاثه ملتمين عليه ويضربونه، تذكرت الي سواها بيه وحتى حركني وضربني وجان يلحكني
اشوف شريط حياتي كدامي اذكر من جانت امي تضربنا وشلون چنا نختل بحضن ود
بهذيج اللحظه كرهت بدر وتمنيت اني ما عرفته
قطوف:-كااااافي
همس بأذني
بدر:- شايفتهم شلون ينضربون هذولي تخطو حدودهم ولعبو ويه الشخص الغلط وخصوصاً فاروق كلش تخطى حدوده
يضربون بيهم بدون رحمه حسيت نفسي بعد ما اكدر اشوف اكثر،اصرخ عليه ومايسمع آلي ومستمتع بلي يشوفه
قطوف:-بدرررر كاااااافي كااااافي كاعد اكلك كافي ماتحس على روحك
حقيررررررر فكنيييي
ما تسمع شني انطرشتتتت
ابن الـ*** فكني
بدر:-اووووكفووو
وخرو منهم وكفو صفوف، اجه بدر وكف كدامي ونزل المستواي، صار وجهي بوجهه
اتنفس بسرعه وبقوه، وعيوني بعيونه اباوعله بتحدي
بدر:-راح تندمين على هاي كلمتج، وشفتي شلون ينضربون اي غلط منج اسوي بيج مثل ما سويت بيهم وخصوصاً الـ*کو** فاروق
فك ايدي من الكلبشات وجرني من ايدي وطلعنه من المكان
ركبنه بالسيارة ورجعنه للبيت، اول ماشفت البيت تنهدت، نزل بدر كبل قفلت الباب من جهتي، اجه هوا من جهتي يريد يفتح الباب بس ماكدر، خزرني وجتف اديه دك الجامه مال سياره وكال
بدر:-فتحي الباب
قطوف:-ما ماريد انزل
بدر:-فتحي الباب اكول
قطوف:-وانا كلت ما افتح
بدر:-اوكَ براحتج
ضغط على سويج السياره وفتح الباب وشالني ونزلني، قفل باب السياره وجرني ودخلنه لبيت
كعدت بالصالة وتمددت على التخم بدر راح طلع، كل تفكيري بلي سواه بدر ، وشوصل فاروق لبدر ،وبشنو بدر يفكر شراح يسوي هل مره
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
