قطوف:-كعدت الصبح ع صوت ود وهيه تكعدني فتحت عيوني وباوعت و شفت ود واكفه فوك راسي وامي بـ باب تصفك وتهلهل
كمت ورحت للمطبخ و هنه وراي
لزمتني ود وكعدتني على الكرسي وكالت
ود:-انتي اليوم عروس مايصير تسوين شي
قطوف بصوت مو مسموع:-عروس تعيسه
ود:- شنوو
قطوف:-ماكو شي
سوت ود الي ريوك وحطنه كدامي كمت اتريك وهنه يتريكن وياي وكل دقيقه يهوسن
احاول ابين اني فرحانه بس انا من داخل مالي فرحانه
المفروض اني بهذا اليوم افرح بس احس نفسي مقهوره مو فرحانه
كمت غسلت لان نسدت نفسي رحت للغرفه اجت ود وراي
ود:-يله حضري نفسج ع مود نروح للصالون
هزيت راسي بـ اي
بدلت هیه وطلعت وانا کمت وبدلت کملت وکعدت ع چربایه وبعیني الدمعه
اختنکت احس نفسي مقهوره بخاطري اخرب کل شي بس خلاص فات الاوان
دخلت ود علیه وشافتني كاعده كالت
ود:- شبيج كومي يله السايق برا ينتضر
هنا انا ماتحملت اكثر انفجرت بوجهه بجي
اجت حضنتني وتسمي عليه وتمسد على راسي
ود:-قطوف شبيج اسم الله عليج بيج شي
قطوف:-ود ماريد ماريد الله يخليج حبابه روحي خليهم يلغون العرس فدوه ماريد
ود:-قطوف بعد ماكدر لا انا ولا انتي نلغي ونخرب كل شي لو بيدي جا كدرت اخلصج بس مو بيدي
قطوف:-بس انا ماريد اعوفج حبابه كليلهم ماريد
ود:-حتى انا ماريد اعوفج بس هاذي قسمتج لا تكطعين كلبي
كومي يله ينتضرونه برا لا نتأخر
باوعت ل ود ومسحت دموعي وكمت طلعنه انا وياه وركبنه بل سياره ورا وامي كدام
مشينه ورحنا للصالون الطريق كله دايره وجهي وما باوعت الي يسوق بس من صوته مبين سيف لان جان يسولف وي امي واسمعهم
وصلنه ونزلنه دخلنه للصالون صعدنه للطابق الثاني استقبلني عاملات ودخلني بغرفه سولي مساج ل وجهي ونضفنه ونوب بدن يحطلي مكياج
حطلي مكياج حلو وطلبته بسيط مو يترسن وجهي ترس حتى الحمره طلبتها خفيفه
لبست خلصت المكياج وسولي شعري هم طلبتها تكون بسيطه ومو اوفر خلصن المكياج وشعري ورحت لبست البدله جانت تجنن عرفت هوا مختارها
جان تصميمها مثل فستان الاميره سندرلا بس لون ابيض
خلصت الساعه 3 العصر لبسني بركع لان الزفه على وصول وانطني المسكه و لزمتها
سمعت صوت هورنات واغاني برا كامت ود تصيح اجت الزفه اجت امي وساعدتني اكوم طلعنه من الصالون وحسيته لزم ايدي رفعت البركع لان ماشوف بسببه
شفت سيارات هواي وبنات يركصن
هوا شال ايده ونزل البركع بحيث كل شي ماشوف
لزمني من ايدي وكام يمشي ركبنه بـ سياره وتحرکو
اسمع الهورنات والصیاح والهلاهل
وهوا یسوق ویغني ویهلهل وي هلاهل نسوان
وکفت السیاره ونزل هوا واجه فتحلي الباب ومد ایده
لزمت ایده ونزلت رفعت البركع اريد اشوف وين احنه
المكان عباره عن ورود بل ارض وبالون هم واكع بالارض واكو مثل المرجوحه بيها ورد
وقوس على شكل قلب وحاط اسمي واسمه بخط جبير كلش وبي اضاءه
باوعتله وابتسمت هوا خزرني استوعبت ودنكت راسي دخلنه المكان
وبدينه نصور والمصوره هواي تتشرط سوي هيج وهيج دوختني
الحمدلله خلصنه تصوير ورجعنه للسياره وكملنه طريقنه
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
