قطوف:-فتحت الباب وشفت زلمه استغربت منو هذا
كتله تفضل
:- انتِ قطوف؟
قطوف:-اي نعم
:- ممكن طلعين شويه احجي وياج
قطوف:-ليش ماتحجي هنا؟
:- مو لازم طلعين اكو شخص منتضرج برا
ما ارتاحيت اله باوعتله بخوف وانا ارجع خطوات لوره، نضراته الي غريبه وتخوف للحضه حسيته كأنه بدر
من الخوف سديت الباب بوجهه وقفلته، هوا كام يدك بالباب وبقوه خلاني اخاف ركضت اخذت تلفوني واتصلت على ابوي
قطوف:-الووو بابا تعال الحكلي اكو شخص غريب برا وكاعد يدك بالباب راح يكسره
:-شنووو اقفلي الباب ولاتخلينه يوصل الج هذا واحد من جماعه بدرر
وانا احجي ويه ابوي صرت اسمع صوت الرمي محاوطني من كل مكان
سمعت ركعت الباب واربع زلم دخلو، جيت اصعد فوك بس حسيت بشي انحط على خشمي وحسيت براسي صار ثكييل
بعدها ماحسيت
فتحت عيوني شوي شوي استوعب وين انا وشصار
الغرفه مألوفه عليه بس شجابني انا هنا
دخلت مره رفعت عيني وشفتها انصدمت،
قطوف:- خاله ام علي؟
رفعت عيونها بدون اي كلمه وطلعت، انهاريت معقوله انا هسه بيت بدر، كمت اكسر كلشي بالغرفه من قهري وحركت كلبي، الغراض الي على الميز كسرتهن ماخليت شي، شلت المزهريه وشمرتها على المرايه سويتها كل قطعه بجهه،
كعدت على الجربايه ولميت رجلي الصدري و
بديت ابجي، خلاص بعد مستحيل اكدر انفذ من ايد بدر شنو راح يسويلي كلشي اتوقعه منه، اتذكرت ابوي جيت اتصل بس مالكيت تلفوني الي اشتراه ابوي الي طلع هم ماخذه
بقيت هيج لحد ما الدنيا ضلمت وانا ماشفته ولا سمعت اي صوت اله
نمت بمكاني من التعب
سمعت فتحت الباب عرفته هوا، جنت بين النايمه والكاعده، سمعت صوت المفتاح قفل الباب، صار صمت لمده خمس دقايق
حسيت بخطواته قريبه مني، انجريت من شعري، فزيت بخوف وانا موجوعه
بدر:- كعدي اميرتي مو وكت نوم وكت حساب
قطوف:-حساب شنووو ما كفاااك الييي سويته بيههه
بدر:-جؤ حسابج عسير وياي يا قطوف خليتيني اتعذب 8 شهور وانتِ عايشه حياتج ومرتاحه
قطوف:-ارتاح لان بعيده عنككك وما اشووووف وجهكك
بدر:- راح اندمج واخليج تتمنين الموت راح تترجيني وتتوسلين بيه اعوفج
قطوف:- بعمري ماشفت نذل مثلك
عاف شعري وحجه وهو يفتر بالغرفه وحاط اديه بجيوبه
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
