شقائق النعمان

Bart 32

ود:- فتحت عيوني راسي ثكلان ومادري انا وين، غرفه متربه الدنيا ضلمه يادوب اكو ضوء خفيف،

كمت اتلفت حولي اريد اعرف وين انا ليش انا هنا؟ حسيت بصوت باب انفتح، صار ضوه بعيوني

سمعت خطوات تتقرب مني، انفاسي صارت سريعه ويه كل خطوه يزيد خوفي ودكات كلبي تتسارع

انسد الباب وسمعت صوت انفاس زفير وشميت ريحه دخان

:- كعدتي ودادي

ود:- م.. من..منو انتَ؟

:- انا! مو مهم تعرفين منو انا المهم هسه انتِ كدامي

ود:-شتريد مني رجعني لبيتنه اذا تريد فلوس انطيك والقرأن وام البنين انطيك بس رجعني

:- انا ماريد فلوس انا اريدج انتِ ودادي

ود:- شسوي بيه ما افيدك والله

:- لاا منو كلج جا ليش خطفتج

كمت ابجي الخوف متملكني رجليه وحده اطك بالثانيه من الخوف

حسيت بأيد تتحسس وجهي رجعت راسي لوره لزمت من حنجي وانجريت

ود:-ابوس ايدك عوفني

:- يله بوسي

صفنت عليه هذا شيحجي، مابين شي من وجهه بس يعني اكدر اشوف جسمه وحركاته

:- بوسي شبيج

ود:- كل عقلك

:- لا نصه

بقيت ساكته ما رديت عليه، صار كل همي اريد اعرف منو هذا وشيريد مني

حسيت بشي انحط على حلكي، صرخت بس صوتي انكتم وماكدرت احرك نفسي واغمى عليه

قطوف:- رحت لبيت ابوي واستقبلني بحضن

:-يا بعد روح ابوج انتِ شلونج

قطوف:- بخير بابا مادام انتَ يمي

:- مشتاقلج بويه، صار هواي ما شايفج من ماتت المرحومه وانا كطعتم، احححح يا بويه

قطوف:- لا تكول هيج بابا هسه انا يمك وابقى يمك

:- قطوف احجيلي شصاير؟

قطوف:-بابا.... بدر طلكني

:-شنووو، ليش طلكج