قطوف:-كعدنه الفجر ع صوت صياح قوي واصوات كلش عاليه
كمنه انا وبدر بخوف طلعنه برا
عمتي تصيح والولد واكفين وكل واحد لازم سلا*ح
من شفتهم وكع كلبي بأيدي من الخوف
شصاير وليش لازمين اسلـ*ـحه
كعدت يم عمتي وانا ماعرف شنو صاير
وبدر يحجي ويه الولد
راح بدر شوي ورجع لازم سلا*ح
من شفته خفت عليه اكثر من امه الي من شافته كامت تصرخ عليهم انو مايطلعون
راحو كلهم باسو راس امهم وطلعو
كمت ركض وكفت كدام بدر وانا عيوني كلها دموع وخوف
باوعلي ولزم وجهي وهو يباوع بعيوني
بدر:-لا تخافين راح ارجع
باسني براسي وطلع
عيوني تغركت من الدموع رحت ع الشباك وفتحته
شفتهم طلعو وسدو الباب
كعدت وانا كلي خوف حاسه راح يصير شي ما مرتاحه
كمت ادعي انو يرجعون كلهم سالمين وما يصير شي الهم
شويه وسمعنه صوت الرمي وقوي
عمتي تخربطت من سمعت صوت فقدت لا حركه ولا شي كامن البنات يصرخن ويرشن ماي بارد عليها بس هيه ماكو
انا سديت اذني وغمضت عيوني
استمر صوت الرمي يعله اكثر واكثر
خفت فوك ما انا خايفه
الساعه صارت 5:00 الفجر واحنه هاي وضعيتنه
الرمي مستمر ونوب سمعنه صوت صياح برا
عمتي حالتها سيئه جداً
كامن البنات واخذنها الغرفتها
انا بمكاني ماكدرت اتحرك بشلعان الكلب كمت ورحت وراهن
صعدت فوك دخلت الغرفه رحت فرشت سجادتي وصليت
اصلي وصوت الرمي برا وماعرف شنو كاعد يصير
دعيت الهم وانو يرجعون النه سالمين
كمت وجبت قرأن وكعدت اقرا قرأن
بعد ماخلصت سديته وبسته وحطيته ع كصتي
كمت وطلعت برا نزلت جوه وانا مدنكه خايفه اتصاب طلقه
دخلت الغرفه عمتي لكيتهن نفسي الحاله
وكف صوت الرمي والساعه 6:00
متخيلين انو صوت الرمي استمر من الساعه
4:00 لحد الساعه 6:00
الولد ماكو وما ندري وين راحو
انا بحضن اسيل خايفه واسمي بكلبي
حسيت بنعاس وعيوني تغوش من النعاس بس احاول اقاومه وما انام
بس نمت بمكاني وانا مادري بروحي
كعدت ع صوت صرخه قويه كلش
طلعت برا الغرفه اشوف شنو صاير
احلام:-يمه رااااااح ابني راح
عدنان:-هدي يمه ع كيفج لا يصير بيج شي وخاف مرته تسمع
طلعت وكفت كدامهم كلهم سكتو ودنكو رووسهم
اباعلهم كلهم موجودين اله بدر وسيف كلبي انقبض من شفتهم
قطوف:-شصاير
محد رد عليه والكل ساكت
قطوف:-شصااااااايررر
عدنان:- خويه مصاير شي
قطوف:-لعد وين بدر ها بدر وين
سكت ومارد عليه
صرخت عليه ع مود يرد
قطوف:-لا تسكت كول شي وينه بدر
الله عليك كول وين بدر ليش مارجع وياكم صاير شي اله كول الله عليك
كمت ابجي واشهك وهمه مايردون عليه
تقربت من عدنان اهز بجتفه
قطوف:-وووووين بدررر كلي وين راح
اصرخ بهستيريه وابجي وما منتبها ع روحي
أنت تقرأ
قطوف
Fiksi Ilmiahآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
