قطوف:-سمعت اصوات برا رحت للصاله اشوف الكاميرات مثل ما كلي ابوي
وشفت ابوي وبدر من شفته حسيت بخوف مو طبيعي حسيته انو راح يدخل ويشوفني معقوله هذا بدر بشحمه ولحمه
سمعت قفل الباب انفك الدم جمد بعروگي ماعرفت شنو اسوي ركضت وصعدت فوك دخلت للغرفه الي ابوي كالي عليها دخلت وختلت بيها
اسمعهم يحجون على الشغل وصوت بدر جان عالي عبالك يعرف بوجودي
اتنفس بسرعه من الخوف فجأه اصواتهم هدت عبالي راحو بس اجتني رساله من ابوي
:-لا اطلعين بدر موجود
رديت عليه وانا بالكوه لازمه نفسي والتلفون من الخوف
قطوف:-بابا انتم طلعتو؟
:-لااا بعدنه انا رحت اجيبله ماي واضيفه انتِ ابد لا اطلعين وديري بالج اطلعين صوت لان هوا حاليا مركز على كلشي بالبيت
قطوف:-تمام بابا بس فدوه طلعه بسرعه
:-ماشي هسه لازم اروح
سديته من ابوي وحطيت ايدي عالميز اسند بنفسي وكعت بالغلط مزهريه وطلعت صوت قوي كلش
محمد:- جيت اخذ الماي والجاي البدر بس وكفني صوت المزهريه الي انكسر فوك الي جاي من الغرفه الي قطوف بيها
عفت كلشي ورحت ركض لبدر لان اعرفه يريد حجه على مود يكوم يفتر بالبيت
رحت للصاله مالكيته عقل مابقه براسي طلعت ركض ورحت اركض لفوك
شفت بدر طالع من باب المطبخ
محمد:-هذا انتَ
بدر:-اي انا عبالي كسرت شي وجيت الك لو مفكر شي ثاني
محمد:-لا ماكو مصار شي
بدر:-للحضه الصوت جاي من فوك تعال خلينه نشوفه
محمد:-لاااا مو هاي شسمه، بزونتي اي انا عندي بزونه مخليها فوك علمود اتونس بيها تعرف انا وحدي
بدر:-ولو عمي بس خاف بزووونتتك تاذت
محمد:- انا اروح اشوفها روح انتَ ارتاح
بدر:- لا عمي شلون اعوفك اروح وياك واريد اشوف البزونه مالتك حلوه لو لا بس عمي ليش احسك خايف
محمد:-ليش عمي من شنو خايف هااااا
بدر:-مادري احسك متوتر خايف من شي شنو شعندك؟
محمد:-مو عيب عليك تكول هذا الكلام العمك وبعدين تكلي خايف ترا ما خاف بس من الي خلقني افتهمت لو لا
بدر:-اعصابك عمي ترا مو زين عليك
محمد:- راح اصعد انا وانتَ روح ارتاح ماريد اتعبك
بدر:-ولو تعبك راحه عمي
جان يحجي بأستفزاز وحاول ابوي يقنع بي يكله مايصير انتَ هنا جاي الي خطار ماريد اتعبك بس هوا ميبس راسه اله ويصعد
أنت تقرأ
قطوف
Science Fictionآنهـآ آلنهـآيـه بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً وٌلَکْنِيِّ لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ
