Unicode
"ဆွေး..တို့ဒီအစင်နဲ့လိုက်မှာလား"
သူပြတဲ့အစင်လေးသည်နို့နှစ်ရောင်လေးကိုမှ နှင်းဆီအနီပွင့်လေးများခပ်စိတ်စိတ်ဖောက်ထားသည်။သူနဲ့ဆိုလိုက်ဖက်တာထက်ပိုနေမှာသေချာသည်။
"ရှင်ကဘာဝတ်ဝတ်လှမှာပဲဟာ"
"ဟုတ်လား...မင်းမျက်လုံးထဲမှာတို့ကိုလှတယ်လို့ထင်တယ်ပေါ့"
မျက်နှာကပြုံးစစရယ်နှင့်။အောက်နှုတ်ခမ်းတစ်ဖက်ကိုကိုက်ကာ ကျွန်မကို ညှိ့သလိုမျက်ဝန်းများနှင့်ကြည့်လာသည်။
'ဘုရားရေ...နှုတ်ခမ်းကိုက်တာလည်းတတ်တာပဲလားရှင်ရယ်...'
"ရှင်ဘာလုပ်လုပ်လှနေတော့တာပဲ"
သွားပြီ။အသံထွက်သွားခဲ့ပြီ။တကယ်တော့ စကားနှစ်ခွန်းစလုံးကို စိတ်ထဲမှ ပြောလိုက်ခြင်းသာဖြစ်သည်။သို့သော် နောက်တစ်ခွန်းကိုတော့ စိတ်ထဲတွင်မထိန်းချုပ်လိုက်နိုင်ခဲ့ပါ။
ဘာပဲဖြစ်ဖြစ် မသိချင်ယောင်ဆောင်ရတော့မယ်မဟုတ်လား။သူလည်း သူ့အထည်သူအာရုံရနေတာနဲ့ကြားမှာမဟုတ်လောက်ဘူးမလား။သို့သော်...
"တို့ဘာလုပ်လုပ်လှတာလား"
"ရှင် ရွေးပြီးပြီလား"
သူပြောတာကိုမကြားဟန်ဆောင်လိုက်သည်။သူပြောတာကလည်းခပ်တိုးတိုးမို့ မကြားဟန်ဆောင်ရတာ ပီပြင်သွားသည်ထင်ပါရဲ့။သူလည်းထိုကိစ္စကိုတော့ဆက်မမေးတော့ပါ။
"ခဏတော့ စောင့်ပါဦး..တို့ကတစ်ထည်တည်းဝယ်မှာမှမဟုတ်တာ"
"ကျွန်မကူရွေးပေးရဦးမလား..."
"စေတနာရှိရင်ပေါ့"
"ရွေးပေးတာပဲ ဘာစေတနာထည့်စရာလိုတာမှတ်လို့"
"လိုတာပေါ့ဆွေးရဲ့...မင်းကတို့ကိုလှစေချင်တဲ့စိတ်လေးနဲ့ရွေးပေးတော့ စေတနာဖြစ်သွားတာပေါ့"
"မင်းကတို့ကိုတော့စေတနာရှိလောက်မှာပါ"
ဈေးရောင်းနေတဲ့ ကောင်မလေးတွေတောင် သူ့စကားကြောင့်ကြိတ်ပြီးရယ်နေကြသည်။သူကတော့ ဘာမှခံစားရပုံမပေါ်ပါ။ရုပ်တည်ကြီးနဲ့ သူ့အလုပ်သူလုပ်နေသည်။ကျွန်မမှာသာမျက်နှာဘယ်ထားရမယ်မသိဖြစ်နေရသည်။
YOU ARE READING
ရှင့်ကို ချစ်တယ်(သို့)အချစ် ဒီရေလှိုင်း
Romanceသိပ်ချစ်တာပဲ ရှင်ရယ်.... ရှင့်ရဲ့ မျက်ဝန်းညိုလေးတွေကိုသိပ်ချစ်တာပဲ ရှင့်ရဲ့စကားပြောဟန်လေးကို သိပ်ချစ်တာပဲ ရှင့်ရဲ့အမူအရာလေးတွေကိုသိပ်ချစ်တာပဲ နှလုံးသားမှာနှစ်ဝင်သွားတဲ့ ဆူးတစ်ချောင်းဟာ ရှင်ပါပဲ ရှင်ရယ် .. ရှင့်ကိုလေ သိပ်ချစ်တာပဲ...သိပ်ချစ်မိတာပဲရှင...
