Unicode
သူဆေးရုံတက်ရတဲ့ တစ်လျှောက်လုံးကျွန်မအိမ်မပြန်ဘဲစောင့်ပေးခဲ့သည်။
သူ့ရဲ့ မေမေနဲ့တောင် ကျွန်မအတော်အသင့်ရင်းနှီးနေပါပြီ။
မေမေလည်းကျွန်မတို့ကိစ္စကိုသိသွားခဲ့ပြီ။
မေမေကတော့ ကောင်းသည်ဆိုးသည်
ဘာမှမပြောခဲ့ပါ။ မေမေသိမှတော့ဖေဖေ့ကိုလည်းပြောပြီးလောက်ပြီဟု ကျွန်မထင်သသည်။ကျွန်မအဖေသည် လူအေးသမားဖြစ်သဖြင့် ထိုကိစ္စအား ဘာမှပြောလိမ့်မည်မဟုတ်ပါ။ အရင်ကတည်းက ကျွန်မတို့၏စိတ်ဆန္ဒကိုသာ ဦးစားပေးခဲ့တာများသည်။
"ဟိတ်..ကောင်မလေး"
ကျွန်မအတွေးစတို့သည် ထိုအသံလေးတစ်ခုကြောင့် ပျက်ပြယ်သွားခဲ့သည်။
"ရှင်...ဘယ်လိုရောက်နေတာ"
လက်ပိုက်ကာ စတိုင်ကျကျရပ်နေပုံက ကျွန်မမျက်လုံးထဲတွင်ဆွဲဆောင်မှုရှိလိုက်တာ။ကမ္ဘာမြေ၏အဖိုးတန် အလှအပများစွာထဲတွင် ကျွန်မသည် ထိုအလှအပကိုအနှစ်သက်ဆုံးဖြစ်သည်။
ဘေးနားမှာလည်း ကောင်ကလေးတွေရှိေနသည်မို့ ကျွန်မသူ့ကိုသဝန်တိုလာမိသည်။
သူ့မျက်ဝနိးညိုညိုလေးတွေနဲ့ တစ်ယောက်ယောက်ကိုများကြည့်လိုက်လို့စွဲလမ်းသွားရင်ဘယ်လိုလုပ်မလဲ။မျက်ခုံးအလယ်ကမှည့်လေးကို သူတို့တွေသဘောကျသွားရင်ဘယ်လိုလုပ်မလဲ။သေချာပေါက် ကျွန်မပဲ စိတ်မောရမယ်မဟုတ်ပါလား ။
မဖြစ်ချေတော့။ ဒီမိန်းမကို ကျွန်မဝှက်ထားမှဖြစ်တော့မည်။
"ပြန်ဖြေဦးလေ ရှင်ရယ်..ကျွန်မမေးနေတဲ့ဟာကို"
"လာကြိုတာပါကွယ်..ကောင်မလေးကိုစိတ်မချလို့လာကြိုတာပါ"
ပြုံးစစအကြည့်နှင့်မခို့တရို့ရယ်နေပုံက
ရင်ခုန်ချင်စရာကောင်းလိုက်တာ။
အခုမှ သူ့ရဲ့အရင်ပုံစံလေးကိုပြန်မြင်လာရတော့သည်။
"စိတ်မချစရာဘာရှိလို့လဲ ရှင်ရဲ့"
"ကောင်လေးတွေကောင်မလေးတွေနဲ့ စိတ်မချလို့လေရှင်"
"ကျွန်မမှာရှင်ကလွဲပြီး ဘယ်သူမှမရှိတာသိရဲ့သားနဲ့"
"ဒီမှာ...အခုမရှိလည်းရှိလာမှာစိုးလို့လေ..တကယ်ပါပဲ သဝန်တိုနေတာကိုအလိုက်ကန်းစိုးမသိဘူး"
YOU ARE READING
ရှင့်ကို ချစ်တယ်(သို့)အချစ် ဒီရေလှိုင်း
Romantizmသိပ်ချစ်တာပဲ ရှင်ရယ်.... ရှင့်ရဲ့ မျက်ဝန်းညိုလေးတွေကိုသိပ်ချစ်တာပဲ ရှင့်ရဲ့စကားပြောဟန်လေးကို သိပ်ချစ်တာပဲ ရှင့်ရဲ့အမူအရာလေးတွေကိုသိပ်ချစ်တာပဲ နှလုံးသားမှာနှစ်ဝင်သွားတဲ့ ဆူးတစ်ချောင်းဟာ ရှင်ပါပဲ ရှင်ရယ် .. ရှင့်ကိုလေ သိပ်ချစ်တာပဲ...သိပ်ချစ်မိတာပဲရှင...
