Unicode
"နေတို့တောင်ပြန်လာတော့မယ်နော်...တို့ ဆွေးနဲ့ခွဲရတော့မှာပေါ့နော်"
သူ့မျက်ဝန်းလေးများသည် ညှိုးငယ်နေသည်။
"ကျွန်မအိမ်ကိုပြန်သွားရုံပဲကို...ရှင် လာတွေ့လည်းရနေတာပဲ"
"လာတွေ့မှာက ဟုတ်ပါတယ်...ဒါပေမဲ့ တို့အိမ်မှာပဲအမြဲထားချင်မိနေတာကို"
ကျွန်မ သူ့ကိုမျက်စောင်းထိုးလိုက်သည်။
သူစကားတတ်တိုင်း သိပ်ပြောတာပဲ။
"ရှင်နော် ဘာလုပ်တာလဲ"
"နမ်းတာလေ နမ်းတာ"
ကျွန်မပါးကိုသူ့နှုတ်ခမ်းနဲ့ မထိတထိလာလာစနေသည်။
"ဘာလဲ မရဘူးလား"
"ကျွန်မကိုအသားယူဖို့ပဲစဉ်းစားမနေနဲ့နော်...အတည်ယူဖို့လည်းစဉ်းစားဦး"
"ဟုတ်ပါပြီ"
သူသည် ရုတ်တရက် ကားအရှိန်ကိုမြှင့်လိုက်၏။ကျွန်မ ခပ်ကြောင်ကြောင်ဖြစ်သွားမိသည်။သူ့ကွေ့သွားတဲ့လမ်းက သူ့အိမ်ကိုသွားနေတဲ့လမ်းမဟုတ်တော့။
"ဘာလို့ကားကို အဲ့ဒီလောက်ထိမြန်အောင်မောင်းနေရတာလဲ ရှင်ရဲ့"
"မင်းကိုခိုးပြေးမလို့"
"ဟမ်"
ကျွန်မ ကြောင်တောင်တောင်ဖြစ်သွားရပြန်သည်။သူ့ပုံစံက နောက်နေတဲ့ပုံလည်းမပေါ်ပါ။
သူတဇွတ်ထိုးဆန်တာသိသည်မို့ ကျွန်မစိတ်ထဲ တကယ်များလားဟု ထင်သွားမိသည်။
"ရှင် အဲ့ဒီလိုလုပ်လို့မရဘူးလေ"
"ဘာလို့မရတာလဲ ပြောပါဦး"
"ရှင်တကယ်ပြောနေတာလား"
"တကယ်ပေါ့ နောက်နေစရာလား"
ပြောနေပုံကမုန်းချင်စရာကောင်းလိုက်တာ။စိတ်ရှိလက်ရှိသာ ထုရိုက်ပစ်ချင်တော့သည်။
"ကျွန်မအသက်ကငယ်သေးတယ်လေ ဘယ်လိုလုပ်ပြီးခိုးပြေးလို့ဖြစ်မှာလဲ"
"မင်း၁၈နှစ်ပြည့်ပြီးပြီပဲ..ဘာကိုကြောက်နေတာလဲ ကလေးရဲ့"
"မရဘူးလေ အဲ့ဒီလိုလုပ်လို့"
YOU ARE READING
ရှင့်ကို ချစ်တယ်(သို့)အချစ် ဒီရေလှိုင်း
Любовные романыသိပ်ချစ်တာပဲ ရှင်ရယ်.... ရှင့်ရဲ့ မျက်ဝန်းညိုလေးတွေကိုသိပ်ချစ်တာပဲ ရှင့်ရဲ့စကားပြောဟန်လေးကို သိပ်ချစ်တာပဲ ရှင့်ရဲ့အမူအရာလေးတွေကိုသိပ်ချစ်တာပဲ နှလုံးသားမှာနှစ်ဝင်သွားတဲ့ ဆူးတစ်ချောင်းဟာ ရှင်ပါပဲ ရှင်ရယ် .. ရှင့်ကိုလေ သိပ်ချစ်တာပဲ...သိပ်ချစ်မိတာပဲရှင...
