Unicode
"ဟော..ရှင်မအိပ်ဘူးလား"
သူသည် အိပ်ပုံမရပါ။
ကျွန်မကို စူးစိုက်စံာကြည့်နေ၏။
"ဟင့်အင်"
ကျွန်မသည် အိပ်ရေးပျက်မခံနိုင်တဲ့သူမျိုးဖြစ်သည်။သူနဲ့အတူရှိချိန်လေးမို့ မအိပ်ဘဲနေရန်အားတင်းထားသော်လည်း အိပ်ငိုက်လာ၍ ခဏဆိုပြီး အိပ်လိုက်မိ၏။
ကျွန်မနိုးလာတော့ သူသည်ကျွန်မကိုငေးစိုက်ကြည့်နေသည်။
"ဘာလို့မအိပ်ရတာလဲ ရှင်ရယ်"
"မင်းနဲ့ အခုမှပြန်တွေ့ရတာလေ..တို့အိပ်လိုက်ရင် အချိန်တွေနှမြောစရာကြီးဖြစ်သွားမှာပေါ့ ဆွေးရယ်"
"ရှင်ကလည်း"
တကယ်ပဲ ကလေးဆန်လိုက်တာ။
"တို့က အချိန်အကြာကြီးလွမ်းနေခဲ့ရတာကိုကွယ် "
"ပြီးတော့"
"မင်းမျက်နှာလေးကိုကြည့်ချင်လို့ကို မအိပ်တာ"
သူက စကားတစ်လုံးချင်းကို ခွဲပြော၏။
"မလွမ်းဘူးမလား တို့ကို"
"မလွမ်းဘဲနေမလား ရှင်ရယ်"
"မယုံပါဘူးနော်"
"တကယ်လွမ်းနေတာပါ ရှင်ရဲ့...ရှင့်ကိုလွမ်းလို့ငိုခဲ့ရတာတွေရှင်မှမသိဘဲနဲ့"
တဖြေးဖြေး တိုးကပ်လာတဲ့သူ့မျက်နှာအား မရှောင်တိမ်းမိ။သူ့မျက်လုံးတွေသည် ကျွန်မရဲ့နှုတ်ခမ်းဆီအရောက်တွင်တော့ နှလုံးခုန်နှုန်းတွေ ပုံမှန်ထက်မြန်ဆန်လာတော့သည်။
"တို့ကိုလွမ်းတယ်လို့သာပြောနေတာ အခုထိ လည်းမနမ်းသေးဘူးနော်"
"ဟို..ဟို...အဲ့ဒါက"
ချက်ချင်းပင် တစ်ကိုယ်လုံး ပူသလိုလိုခံစားလာရသည်။
"ဆွေး"
"ရှင်"
"ချစ်တယ်"
စူးရှရီဝေလျက်ရှိတဲ့ အညိုရောင်မျက်ဝန်းတို့အား မျက်ကွယ်ပြုဖို့အင်အားမရှိခဲ့။
ထိုအခိုက်အတန့်သည် အညိုရောင်ကမ္ဘာမြေပေါ် ရောက်ရှိသွားသည့်နှယ် အဖိုးတန်လွန်းလို့လေ။
YOU ARE READING
ရှင့်ကို ချစ်တယ်(သို့)အချစ် ဒီရေလှိုင်း
Romanceသိပ်ချစ်တာပဲ ရှင်ရယ်.... ရှင့်ရဲ့ မျက်ဝန်းညိုလေးတွေကိုသိပ်ချစ်တာပဲ ရှင့်ရဲ့စကားပြောဟန်လေးကို သိပ်ချစ်တာပဲ ရှင့်ရဲ့အမူအရာလေးတွေကိုသိပ်ချစ်တာပဲ နှလုံးသားမှာနှစ်ဝင်သွားတဲ့ ဆူးတစ်ချောင်းဟာ ရှင်ပါပဲ ရှင်ရယ် .. ရှင့်ကိုလေ သိပ်ချစ်တာပဲ...သိပ်ချစ်မိတာပဲရှင...
