يا ملاذ الحاكم ، يا بِكر الفارس🤎

بارت ٢٠

بارت ؛431
'
‎-فَلا تاركًا قَلبي الأسير وشأنهُ
‏ولا جامعًا شملي فَمِنكَ تُقَربُ
'
وقّف شعر رآسه بذهول وسرعان ما إرتجفت إيده بـ رُعب وهو يضمها وأنظاره على فخذها من أغمى عليها ، صار الجُو شِبه نُور لإن وقت الفجر دخل من زمان والشمس على وجه شُروق ~
حـاكم برعب وهو بيجنّ من إرتباكه وخوفه ؛ تنزفين إنت تنزفين ، تنزفين !
زفّر سيـف وهو يوقف بعيد ويشتت أنظاره ،فهم من شيخة وبنات عمّاته إن حاكم يغار على ملاذ حتى من ظلّها كيف لا شافه بجنبها ، يخاف من حاكم وشكله المرعب بهاللحظة كثير ، إرتمى بتّال مباشرة جنبهم وهو يشوف حاكم حاضنها مو راضيّ يفكها ابد ، مسك إيدها بذهولّ وسرعان ما تغيرت ملامحه ؛ حـاكم لازم المستشفى ، النزيف يزيد بسرعه !
تغيّرت ملامح حاكم بـ أكملها وكأنه توه يستوعب ، لف أنظاره لـ فخذها بذهولّ وهو تو ينتبه للنِزيف وكَثرته، جاء فارس بإستعجال وهو يشوف حاكم ينزع جاكيته العسكّري يغطيها فيه ؛ إعجل !
إنحنى بتّال قبل حاكم اللي رجله مجروحه وهو يشيلها بين إيديه يركض فيها للسيارة ، وقِف شعر رآس سيف من شافهم يركضّون للسيارات وسرعان ما غمّض عيونه بـ ألم من كفّ من حاكم لفّ وجه الشخص يلي جنبّـه ~
لف حاكم وهو مو مستوعب شيءّ الا إنه شاف الشخصِ يلي طرحه بـ الرصاصة برجلهّ يستّرد نفسه ووعيه ، ضربه مباشرة بـ قفى إيده وهو يناظره بحدّة ويوقف ؛ حق اللي يلمس حرمي قتل ، ما برحمك !
سيِـف بتردد ؛ حـاكـ
بِتـر كلمته مباشرة وهو يلف وجهه بسرعة من مسك حاكم طرفِ سلاحه وهو يضّرب هالشخصّ على فكه بكل قوة هشّمته بـ أكمله ، لفّ سيف أنظاره بذهول وهو كان يسمع بالقسوة والصلابة الشديدة لكن ما شافها الا الحيِن بـ حاكم اللي ترك هالشخص ينزف وراه من رجله وفكّه وراح يركضّ لـ سيارته ~
ماهيّ الا ثُواني وإمتلت الساحة عسكر وسيارات وسيف مذهول تماماً وهو يشوف أشخاص مرتمين بـ كل طرف ، الدم إختلط بالتراب وكأن مجزرة صارت هنا ~
هُـذام وهو يشِد شعره لثوانيّ بذهول ؛ كيف تركته ما أدري !
سعـود وهو يناظر الأشخاص يليّ ع الأرض ؛ حاكم ما كان لحاله ! كانت معه حرمه !
هُذام وهو يزفِر لثوانيّ ؛ كانت معه ووقت أخذوها منه شف وش سوا !
سـعودّ وهو يميّل شفايفه لثواني ويناظر الأطراف والأشخاص اللي ع الأرض ؛ نتكلم عن حاكم ، ماهيِ غريبه عليه !
ضحك هُذام وسطّ توتره غصب بعكس سيـف الليّ من سماعه للحوار وقّف شعر راسه ، يعنيّ هالرجال اللي طايحين كلهم حاكم لحاله طرحهم ، وهالشِبه مجزرة يليّ صارت هنا كانت من حاكم لحاله !
_
وقـف على حيله رغم انه مهدود الحِـيل ، يحسّ نفسه عاجز وكامل أنظاره على...
_بارت ؛432
'
‎-إن كان حُبك قربانٌ ونافلة
فإنّ حُب غيرك ذنبٌ غير مغفور
'
وقـف على حيله رغم انه مهدود الحِـيل ، يحسّ نفسه عاجز وكامل أنظاره على الدم وتجمعه بـ ايديه اللي تغيّر لونها من كثر الضرب ، حمّرت محاجره من غرابة الشُعور وفضاعته ، إعتراف ملاذ له بحملها كسِر فيه سبعين ضلع ما تكسّروا ضرب تكسّروا من كلمة ، نبرتها ما كانت إعتراف إنما رجاء ، تترجاه لا يِروح منهم ، قطعه منه وفيها لا يسلبونها منهم ~
تعزّ الدنيا بـ عينه وتهون كثير لجلها، ملاذه ما تهون ولا عمرها هانت بـ قلبه ~
لف أنظاره لـ فارس اللي تلثّـم بشماغه لجلّ ما احدّ يشوفه ، ما أحد يشوف ضعفه ودموعه المتجمّعة بمحاجره ، أما عن شعور حاكم الداخلي حاضر جسد وغايب روح وعقل ، يشوف لكن ما يحسّ ، ما يحسّ بـ شيء من اللي حوله كله ولا ودّه يحس ، ماودّه يحس الا بـ إيدها بين كفوفه تضِيع ، رآسها بـ حُضنه وشعرها اللي يتناثر حُولها كل ما حضِنته ، ريحة المِسك الليِ ترتبط فيه كل ما قربّها ، وريحة عِطرها الليّ حتى لو يحاول يِمسك نفسه عنها عبّث ، وده يحسّ بـ نحرها وعنقها يلي دائماً يكونون ساحات حربه ومساحته وياوجع قلبه الحِين ~
، تراجعت لـ ذاكرته ليلة الذيب ، وهالليلة ، بالمرة الأولى كانت مجروحة بـ ذراعها ، وهو إنجرح بـ سهم توسط قلبه من عيِونها ورموشها ، الحِين هيّ فخذها ينزف ، نحرها مخدوش وعُنقها أحمر ، أثر كفّ بـ خدّها وإحتماليه كبيرة تفقِد طفلهم ، أما هُو ما يهتم لـ جروحه بـ هاللحظة ، عُنقه النازف ، إيده المتجرحة ، ورجله اللي إنطعن فيها بـ سكين صغيرة وكلهم يهونون عليه ونُقطة من بحر المصايب اللي صابته طول الـ ٣٤ سنة بس جرح قلبه ما يهون ، جلسّ بـ ضعف يحتّله وهو يغطي وجهه بـ ايديه ما عدا عيِـونه ، رفعها بـ ضعفّ وهو يحس ظهره ينكسر من شدة العواصف بداخله ، لا طاح نهيّـان قال " ياربّ ظهري " ، الحِين اللي طاحت ملاذه ، قلبه وظهره وعينه وموطنه ومستودعه ، رفع عيِونه بهمسّ مرتجف وهو يحسّ تجمعت أثقال بعيونه ؛ ياربّ ملاذي ، ياربّ !
_
« بـ المُــخيـم »
دخل سيـف وهو يشوفّ نهيّـان واقف بغضب ويحاكي بـ الجوال ، كان بيدخل خيمته لحدّ ما شاف أصايل واقفة بعيِـد بدون جلاّل ولا شيء ، مُجرد شماغ رابطته بـ رآسها ويحاوط عُنقها ؛ دشي داخل
لفت أنظارها له لثوانيّ وهي تميل شفايفها بهدوء ؛ مافيه حد
رفع حواجبه بإستغراب من شكلها ، تُوشك على البكيِ أو بِكت وإنتهت ما يدري ، مشى بهدوء وهو يوقف بجنبها ، يعتبرها إخته ولا يدري عن شعورها ، من صغرهم متربين سوا ولا يغطّون عن بعض ابداً ~
مّيـلت شفايفها لثواني بهدوء ؛...
_بارت ؛433
'
‎-مُدَّ لي يدَ اللقاءِ وكُفَّ عني هذا البُعد واذاه.
'
مّيـلت شفايفها لثواني بهدوء ؛ شو إستوى هناك ؟
سيـف بهدوء ؛ تدعين ما تشوفين شيء منه ،شو بلاج ؟
هزت رآسها بالنفيّ بهدوء وهي ترسم ع التراب برجلها ، كتفّت إيديها سوا وهي ما تناظره ابداً بعكسه ~
سيِـف بهدوء ؛ أصـايل
جمّعت شفايفها سوا بهدوء وهيّ تشتت أنظارها بعيد ؛ مافيه شيء
سِكـت بدون لا يتكلمّ وهو يسمع صُوت جوالها ، خرّجته من جيبها وهيّ تشوف الإسم يلي يبغضه قلبها كثير " باسل " ، رفع حواجبه بهدوء وهو يشوفها تسكّر وترجعه لـ جيبها ، تبغضه وتكرهه وزاد كُرهها له من طلبه الغريب ، يبيها ترجع الإمارات الحين ~
تنحنح سيف بهدوء من شاف سعود وهذام جايين لكنهم ما يرفعون أنظارهم ابد وعيونهم بجوالاتهم ؛ دشيّ
رفِعت عيونها بهدوء وهي تشوفهم جايين وبالفعل أعطته ظهرها وهي تدخل خيمتها ، لأول مره يستغرب منها لهالقد لكنه ما إهتم طبعاً ~
،
_
« بـ المُسـتشفـى »
شِحبت ملامح فارس بـ أكملها من معرفته بـ حملها ، ما قِدر يفرح لإنه بنفس اللحظة يليّ عرف بحملها عرف إنها فقِدته ، عرفّ انها مو بوعيها ، وإنها من نزيف فخذها والضربه اللي على ظهرها فِقدت نصّف حيلها ، ومع سُقوط جنينها ما عاد فيها حيّل أبد ~
وقِف حاكم وهو مو قادر يسِتوعب ابداً ، أخذ نفس خفيف وهو يناظر الدكتورة ؛بدخل عندها
الدكتورة بتردد ؛ما بتحسّ فيك !
حـاكم بحدة ؛ تحسّ !
مسكه ابوه مباشرة وهو يهمس له ؛ بتدخل عندها ، لا تعصب
كان بيهاوش الا إنه سِكت مباشرة وهو يشوف نهيّـان يمشي لناحيِـته ، بجنبه الفريق أول محمد جايين له ، وخلفهم سعود وهذام ~
تغيّرت ملامح نهيّـان كلها وهو يشوف وجه حاكمّ وملامحه ومِتعب يليّ ماسكه ، حسّ برعب لثوانيّ وهو يشوف فارس مغطي وجهه بـ الشماغ وما يهتّز فيه غير كتوفه توضّح انه يبكي ، وبتّال اللي جالس ع الأرض قدام ركُب ابوه وهو يحاول يهديّه ،
نهيّـان وهو يشوف حاكم بينفجر من غضبه :...
_بارت ؛434
'
‎-فلا تسأليني عن حالي ‏فحالي من حالِ قلبي ‏
وحالُ قلبي من حالِك.
'
نهيّـان وهو يشوف حاكم بينفجر من غضبه : قل لا إله الا الله !
زفّـر حاكم من فرط غضبه وهو يبعد عن أبوه ، ناظر بـ الفريق أول بنبرة غريبة ؛صحّار وعياله وفيصل وهالسلق كلهم ليّ !
الفريق أول بهدوء وهو يعرفّ إن حاكم بيحرق الدنيا وإستحالة يجادله هالوقت : لك اللي تبيه ، سمّ وأشر ونقول لبيه !
سِكت حاكم وهو يمشي يدخل عند ملاذ اللي راحت لـ غُرفة خاصة فيها ، فِتح البابّ وسرعان ما إرتجفت كل مشاعره ، كان معصّب ، بينفجر ، يفكّر بمليون شيء وتلاشى هذا كِله من قرّب لحدها ~
مشِى لناحيِتها وهو يحسّ ما عادت العواطف سليمة ، ولا جت العواقب هينّة ، هالمرة ماهي " الله يجيب العواطف سليمة " ، هالمرة يجِزم إنها عواقب كثيرة و"يارب سلّم " ما فارقت لسانه ~
إرتجفت إيده لثوانيّ من شافها ، على خدها لصق وتحت عيِونها إحمرار ما يعرف مصدره، نفس إحمرار عُنقها بالزبط ~
جلس عندها بإرتجاف وهو يحسّ روحه بعيده عنه ، مد إيده لـ إيدها وسرعان ما تغيّرت كامل ملامحه وهو يحس بـ ايدها قطعة ثلج بـ كفوفه ؛ تبردين ؟
إنتظرها ترد ، ما كان منها ردّت فعل ولا حتى شدّت على إيده وهالشيء ماهو عادتها ، يجيها مكسور وتضمّه حتى لو كانت زعلانه منه ، يمسّك ايدها ولا عُمرها ما شدّت عليه والحين ما تشِد ابد ~
حمّرت ملامح وجهه وهو يناظرها لدقايق طويلة ،صارت ساعات وهو يتأملها بدون ردة فعل غيِر إحمرار ملامحه وعيونه الليّ يحسها تِحترق من كبحه لدموعه ، حنى رآسه عند إيدها وسرعان ما إهتز جسده بـ أكمله من بكى ، باس إيدها لمره ، والثانية ، واللي بعدها وهو يحسّ إختنق لآخر حد ممكن يوصله ~
مسح على وجهه وهو يغطيّه وأنظاره عليها ، ما تحّركت لـ جزء من الثانيه وهو يزفّر ، خِشنت نبرته وهو يحاول يمسك نفسه ؛ والله إن ما يبقى منهم أحد ، والله !
خرج من عندها وإرتفعت كل الأنظار له ، أحمر الوجه والعيِون ومعقّد الحواجب ، حسّ الفريق أول إنه بيتهور وهو يحاكيه مباشرة ؛ سلاحك مو مرخص !
حاكم بهدوء وشبه سخرية ؛ الفريق أول ولا أبو ماهر ؟
الفريق أول بهدوء ؛ أبو ماهر يا حاكم ، لو كنت الفريق أول بهاللحظه سحبتك لحدّ ما تعتدل !
__
« بـ المُـخيـم ، قبل الفجر بـ ساعات »
هزّت رآسها بالنفي الشديد ؛ هذام لا
زفّر وهو يبعثر شعره ويمسك إيدها ؛ يا تجين معي يا أرميك للذيابه !
وسّعت عيونها بذهول لثواني ؛ خسي وانا بنت سامي !!
ضحك وهو يقربّ منها ؛ ترى أمشي من عندك ؟
ناظرته لثوانيّ بِمكابر ؛ الله معاك
قام وهو يقربّ بيخرج وسرعان ما زفّرت بـإستسلام وهي توقف ؛..
_بارت ؛435
'
‎-إنَّ العيونَ التي سلّت لواحظها
‏لم تدرِ عن مغرمٍ أودى بهِ النظر
'
ضحك وهو يقربّ منها ؛ ترى أمشي من عندك ؟
قام وهو يقربّ بيخرج وسرعان ما زفّرت بـإستسلام وهي توقف ؛ بجي معاك ، حيوان
ضحك غصبّ عنه وهو يعدل شعره ، لها يومين خايفه من يلي صار لـ ملاذ وحاكم وأصوات الكلاب والذياب ترعبها ، ما تظّل لوحدها دقيقة ونُومها عكس البنات لهالسبب يجلس هذام معاها ~
دخلها تحت ذراعه وهم يخرجون يمشون وسط خُوفها كل ما إعتلت أصواتهم ، سِكتت بدون لا تتكلم وهي تتمسك بتيشيرته برجاء ؛ خلينا نرجع
إبتسم بهدوء وهو يحاوط ظهرها ؛ تدرين يوم رحِت لعمامي وش قال عميّ الكبير ؟
هزت رآسها بالنفي وهي تشتت أنظارها بعيِد :للحين ماجلسنا نسولف ،ما قلت لي
إبتسم بخفيف وهو ينزل أنظاره لعندها : ما قال شيء ، إجلسي
هزت رآسها بالنفي وهو تركها وجلس ،زفّرت بحُنق وهي تجلس بجنبه ؛ نرجع بيتنا ويصير خير ، وش صار مع حاكم وملاذ ؟
زفّر هذام وهو يخلل ايده بشعره ؛ما ودك تعرفين ، يومين وحاكم أحرق القاصي والداني وشكله ما إكتفى
هتـان بتردد ؛ وللحين ملاذ ما صحيت ؟
هز رآسه بالنفي بتزفيرة ؛ ولا لحظة
زمّت شفايفها بحِزن وهي تشتت أنظارها بعيد ، من بعد الحادثة اللي صارت ما تركوا المخيم وظلّوا فيه لكن نفسياتهم تبدلت للحزن والخُوف فقط ، بعكسّ الرجال اللي زادو صلابة وقوة غريبة ~
-
« عـنـد حـاكم »
جـلس بسيـارته بغضب وهو يدخّن بشدة يحاول التخفيف عن نفسه ، أحرق صحّار وعياله داخل ولا إكتفى منهم أبد بعد ما عِرف ان الجماعة اللي إعتدت عليه منهم ، واللي كان يستفزه بـ " خربّنا ليلتك يافريق ؟ " ما كان الاّ ساري قليل الأخلاق وعديم الرجولة ~
صحّـار مريض ويتوهم إن أبوه الصقر للحين عايش ، وبينتقم من آل سليمان كلهم وأولهم نهيّـان اللي خربّ عليه شغله بالمداهمة وقتّل رجاله وقِتله ، للحين مقتنع إن أبوه عايش ولا إنقتل بالمداهمة وبيرجع ينتقم من نهيّـان ، مرضّ صحّار إشتد حتى وصل لعياله وبـ وقت غفلة العسكري يلي عندهم سحب سلاحه منه وأطلق على أديب ولده بـ رجله ، السبب ؟ لجل يحسّ أبوه الصقر ويجي ~
غير عن فيصل الليّ توه يصحى من غيبوبته بعد المداهمة ومباشرة إنرمى بالسجن لجل عمايله الكثيرة ~
أخذ نفس من سيجارته وهو يحسّ نفسه تحترق قبل السيجارة اللي بفمه ، نظرات خاله المحروقة على فيصل صعبة لكن لـ كُل مجرم حسابه ولو كان عزيز ~
رمى سيجارته بعيِد وسرعان ما تحّرك شعور غريب بداخله ، أغربّ من الغرابة كلها وكِل دعواته ورغبات قلبه توجّهت لـ شيء واحد ولإنسانة وحدة ، ملاذه
_
« بـ المُـستشـفى »
جلس...
_بارت ؛436
'
‏-كأنّما السهمَ عيناها رمتهُ بنا
‏فشقَّ قلبًا بهِ من فعلِها أثرُ .
'
_
« بـ المُـستشـفى »
جلس بتّال عندها وهو يتأملها ، رغم إنه أصغر منها إلا إن دايماً يبين العكس الا وقت يخطي ، تصير مثل أبوه بالزبط بكلامها ، إبتسم غصبّ عنه من أفواج ذكريات غريبة مرّت عليه ، مره قال لها " لا تسّوين دور الإخت الكبيرة عليّ " وتأثرت كثير ، قالها بنبرة غريبة وبطريقة دفشة مو مثل مزحهم وزِعلت كثير ، حتى بمرسمها شافها تبكي وقتها ، بعد فترة من الزمن ووقت رجعت "تتسلط" عليه وتاخذ مفتاحه وتمنعه يخرج وتتضارب معه ، كان يسكت ويضحك معاها بس ، مو خوف منها ولا رهبة من أبوه إنما لأنه يحبّها ، يحبّها تحس بـ قوتها وكلامها مسموع حتى لو كان عليه ~
فِتحت عيونها ببطء وهي تحسّ رآسها بينفجر ، شدت على الإيد اللي بـ ايدها بقوة وهي تحس بـ صداع مو طبيعي بـ رآسها ~
بتـال بذهول وهو يحاول يهدّيها من شاف كل ملامحها تتغيّر وتنشد ؛ بشويش ، بشويش
مسك وجّهها بسرعة وهو يسميّ عليها ، ابتسم غصب عنه بإرتباك وبهاللحظة كأنه أبوه بالزبط ، لأول مره يهديّ أحد ويسميّ عليه بهالشكل ~
أخذ المويا من جنبها وهو يشّربها بشويش ويحس إرتباك الدنيا كله فيه ، دِخلت الممرضة وهي تناظرها بإبتسامة خفيفة ؛ صباح النور
لفّت مـلاذ وهي تناظرها بتمعّن وسرعان ما إحتدت نبرتها ؛ إخـرجي برا !
بتّال بإستغراب وذهول ؛ ملاذ !
تجمّعت الدموع بمحاجرها غصب وهي تشوف الممرضة واقفة قدامها للحين ، صرخت بغضب مباشرة ؛ قـلت إخـرجي برا !!
كان يمشي بالممر بهدوء جايّ لـ غُرفتها وسرعان ما بردت ملامحه من سمع صُوتها ، ركِض لناحية غُرفتها بذهول ؛ مـلاذ !
خِرجت الممرضة مباشرة من جاء حاكم وهي شبه مذهولة من الشيء يلي صار الحين ، حاكم بذهول وهو يشوفها تبكي بحضن بتّال ؛ مـلاذ !!
إنهارت بكيّ تماماً وهي تعرف هالممرضة ، رفع بتّال عيونه لحاكم مباشرة وهو مذهول تماماً ويهمس له ؛ ما يصلح لها تنفعل !
مشى لناحيتهم وهو يجلسّ بجنبها ، مدّ إيده لـ إيدها وهو يمسكها بخفيف : مـلاذ ؟
ناظِرته لثوانيّ وهي تحس إنها مو بوعيها أبد ، شدت على إيده بتمتمه ؛ لا تتركها تقرّبني !
رفع عيونه مباشرة لـ بتّال اللي يناظره مذهول، بتّال بذهول وهو يشوف حاكم قام ؛ يمكن تهلوس !
حـاكم بحده وهو يوقف ؛ ما تهلوس من فراغ ، خلّك عندها !
_
« بـيـت جـابر »
إبتسـمت حنين وهيّ تتأمـل بنتها " وسـن " ؛ حلوة مثلي لو مثل أبوك ؟
دخـل جابر وهو يدندن ؛ مثل أبوها أكيد !
شهق بذهولّ من شافها فِتحت عيونها ؛يا هلا يا هلا ياهلا ! ما بغينا تقومين !
ضحكت حنين بذهول من..
_بارت ؛437
'
‎-‏فأجملُ من كلِّ هذا الحديثْ حديثُ يديْكِ
'
ضحكت حنين بذهول من عفّست وسن ملامحها وبِكت مباشرة ؛ بكيتها !
ضحك جابر وهو يجلس ؛ هاتيها ، تسكت بحضن ابوها الحين
كشرت حنين مباشرة بطقطقة ؛ بتزيد بكي ما تسكت !
جابر وهو يناظرها بعبط ؛ امها تسكت هي ما تسكت ؟
ميّلت شفايفها بعدم رضى وهي تشيل وسن ؛ نام وفكّ عنا ، لا أشوفك تقّرب من بنتي !
وسّع عيونه بذهول وهو يفزّ من السرير خلفها من خِرجت من الغرفة ، راح يومهم وهو يحاول يآخذ وسن منها وتمنعه عناداً فيِه ~
_
« بـ المُســتشـفى »
دخـل عناد وسرعان ما رفِع حواجبه وهو يشوف مجموعة دكاترة وممرضين يتحاورون مع شخص واحد ، يعرفه عدل وزين من ظهره فقط ~
الدكتور بهدوء وهو يناظر الممرضة : إيش سبب خوفها ؟ ليه منّك بالذات ؟
رفِعت أكتافها بعدم معرفة وهي تناظر حاكم بعيونه بتحديّ ، تِعرف حاكم وتِعرف ملاذ لكن ما كانت تعِرف إنها ما تتحمل المُنومات ، كانت ملاذ بـ اليومين يليّ راحو تصحى فجأة بـ أوقات متفرقة ، ومو مناسبة لمخططات هالممرضة " مروة " اللي ودها تشِوف نهيّـان وقت أطول ، أوهمت الكِل إن ملاذ نايمة نومة غريبة ،بدايات غيبوبة أو شيء ثانيّ وأصّرت ع الكل إنها تكون مسؤولة عنها فقط ، كل ما تصحى ملاذ تِرجع تعطيها منّوم على أمل يجي نهيّـان ويزورها لكن زوارها واضحين وأكثر شيء فارس وبتّال وحاكم وعناد ~
زفّر حاكم وهو يناظرها لثوانيّ ، لاحظ بطاقتها يليّ مغطيتها بالطرحة بهدوء ؛ أشوف البطاقة
مـروة بإستغراب ؛ مافهمت
الدكتور وهو يشوف ملامح حاكم تغيرت بإستعجال ؛ بطاقتك التعريفية ، إبعدي الطرحة يا مروة
أبعدتها بتردد وسرعان ما ضحك حاكم بشبه سخرية وهو يبعّد خطواته للخلف من شاف إسمها " مروة بنت صحار بن .. " : والخيـبة
ناظرته لثوانيّ بحده رغم إرتجافها بعكس نظراته ، مِشى حاكم مباشرة لـ جناح ملاذ وهو يشِوفها نايمة ، لف أنظاره لعناد بهدوء ؛ إجلس عندها ، أنا راجع
هز رآسه بـ زين وهو يدخل لعندها وصعد حاكم مباشرة لـ غُرفة الكـاميرات وهو يشِوف التسجيلات الخاصة بـ الممر يلي عند غرفة ملاذ فقط ، من الطاقم الطبي كله بس هالممرضة يليّ تدخل لعندها والدكتور فقط ، ضربّ إيده بالطاولة وهو يخرج ؛ إبشري يا بنت صحار !
،
دخِل على أمل إنها صاحية لكن للأسف مِثل ما توقع ، مو بوعيها وبتال وعناد جالسين عندها بكل بهدوء ، رِفع عناد عيونه لحاكم بهمس ؛ على وشك تصحى ، إحنا ماشيين
هز رآسه بـ زين وهو يجلس عندها ، تنهدّ بهدوء ومِد إيده لـ إيدها وهو يمسكها ، يتمسّك فيها من عواصف مشاعره بهاللحظة ~
من أول ما طاحت كان...
_بارت ؛438
'
-كُفِّي القتالَ وفُكِّي قيدَ أسراكِ
‏يكفيكِ ما فعلَت بالنّاسِ عيناكِ
'
من أول ما طاحت كان خايف عليها ويستحضر كل شيء ما ينفع لها بعقله ، توجه لـ مكتب الدكتور المسؤول عن حالتها وهو ينزف وقال له عن المنّومات وإنها ما تتحملها وطمّنه الدكتور إنه بيعطيها كمية بسيطة تضِمن نومها والتخدير فقط لكن ما بتكون جرعة كاملة ، حسّ إنه تطمن عليها شوي لكنها صِدمته بخوفها من الممرضة ولا يدريّ وش السبب ابداً ، اللي يعرفه إن ملاذ ما تهلوس عبث ولا تخاف عبث وهذا الشيء يليّ حيّره ~
فِتحـت عيِـونها بخفيف وهي تحاولّ تميِز المكان ، شافته حاني رآسه وإنظاره على إيدها وهي تشد عليه بهمس ؛ حـاكـم
ناظرها لثوانيّ بهدوء وهو يشِوفها إنطفت تماماً ،ذِبلت وهيّ تحس مِعدتها تِقلب فوق تحت من الألم ، قوّمها بهدوء وهو يشِوف وجها أحمر ؛ بشويش
دخلت الحمّام - الله يكرمكم - وزفّر حاكم وهو يحس نفسه ينِحرق ، أثر المنّوم عليها بهالشكل ، ترجّع ورآسها كله يصير يوجعها ، خِرجت وهيّ تحس ما عاد فيها حيِل أكثر وسرعان ما مسكها بذهول من ترنّح جسدها ، مِسكته وهيّ تحس بتِفقد وعيها ؛ ما بظلّ هنا !
هز رآسه بـ زين مباشرة وهو يسندها ؛ على راسي !
جِلست وإضطر يجلس بـ جنبها من ما فكّته ابداً ، إبتسم بهدوء وهو إشتاق لها بشكل مو معقول وزاد شُوقه أكثر من حركتها بهاللحظة ، جالس على سريرها وهيّ بـ حُضنه ، إيد ماسكه تيشيرته والثانية بـ إيده والواضِح إنها بتغفى ~
مـلاذ وهيّ تشِد على إيده ؛ ما أبغى أنـام
مد إيده يليّ خلف ظهرها لجنبها وهو يرفع طرف لبِسها ، تُوجهت كامل أنظاره على فخذها يليّ ملفوف بالشاش وملامحه تعبّر عن عشرين شعور ، مدت إيدها بإرتجاف وهي ترجعه للأسفل وتبِعد عنه بخفيف ؛ هيّـا
هز رآسه بـ زين وهو يبعد شعرها عن وجّها ، وقف وهو يشوفها تغطيّ نصِف وجها بـ ايدها تحاول تِصحصح ومباشرة إنحنى وهو يقبّل رآسها ~
،
خرج من عِـندها يجهّز أوراق الخُروج الا إنه تراجع مباشرة ، ما بيتركها لوحدها كِذا حتى لو كان أمن هنا ~
فِـتح الباب وهو يناظرها تِلبس ملابسها ؛ أساعدك ؟
كـانت بتكابر وبتِرفض الا إنها ما قِدرت ابداً ، مِشى لعندها وهو يناظِر بعيونها وهي بالمثل ، ساعدها بالتِيشيرت وسرعان ما حمّرت محاجرها من لمِست ايده بطنها ، نزل أنظاره للأرض بهدوء ؛ ملاذ
شتت أنظارها بالمِثل وهيّ تحس نفسها وصِلت لـ آخر مرحلة تِقدر تتحمل فيها ، مسِك وجها بهدوء وهو يقبّل خدها ويهمس لها ؛ إنتِ تهميني
رفِعت إيدها لـ إيده وهي تحاول ما تِرجف ، أبعدت عنه وهِي...
_بارت ؛439
'
‎-اخلقي اعذارًا لتأتيني ‏قولي سلامٌ الله، يكفيني
‏فالسلام بكِ والله مهما قتلتيني
'
رفِعت إيدها لـ إيده وهي تحاول ما تِرجف ، أبعدت عنه وهِي تلبس عبايتها وهو شال أغراضها وخرج ينتظرها ، إبتسم بسخرية وهو يشِوف بِـنت صحّار ومجموعة دكاترة وسط مُحققين من الجهة المسوؤلة عن مكافحة الفساد بالمُستشفيات ~
إبتسم بهدوء وهو يشِوف " إيهاب " متوجه لعنده ~
إيهاب وهو يصافحه ؛ الفريق حاكم ، تآمر بشيء ؟
إبتسـم حاكم بهدوء ؛ نتيجة التحقيق يا إيهاب
إبتسم إيهاب وهو يشوف الباب خلف حاكم ينفتح ؛ تبشر بها ، فمان الله
خِرجت وهيّ تِمشي بجنبه ، كان بينهي أوراق الخُروج لكن أنهاها لهم عناد قبل ، زفّر بهدوء وهو فِهم نصّف الموضوع من بعد ما عرف إنها بنت صحّار ، إحتمالين حطّهم بـ باله ومن بعد وضع ملاذ وحالتها تأكد إنه الإحتمال الثاني ، الأول كان إنّ بنت صحار أذّتها بالقول لكن ملاذ ما صِحيت ، الثانيّ إن بنت صحّار تحطّ لها منّوم وهذا اللي تأكد منه ~
ما كان يعرف بـ أثار المنوم عليها بالزبط لكنه من بعد أول ليلة لهم شكّ بـ إنها تتأثر منه وتأكد وقت تِعبت وإرتفعت حرارتها وقالت له " خلصّت مُنوماتك ؟ " - بارت 266 - وبعد تحريّات مطولة تأكد إنها تتحسس منه ، ما عاتبته وهو ما فِتح معاها الموضوع لإنه إنشغل بـ ألف شيء لكِن من قلبه نِدم على أول يوم وإنه أذاها حتى لو ماكان متقصّد ~
،
رِكبـت بجنبه وهي ترجع جسدها للخلف وتحسّ تأذت بما فيه الكفاية وهو بالمِثل ؛ لا تروح مكان
مد إيده لـ إيدها وهو يناظرها بتفحصّ ؛بظلّ معاك
غمضّت عيونها وهي تِستوعب إنها بالرياض ، ماهم بالديرة ولا المُخيم ابداً وهذا يكفيّ إنه يسعدها ~
زفّر غصب عنه وهو صار يِلمح شيبات بسيطة تتخلل شعره ، لو الشيّب يشِتعل براسه ما ينلام ومستغرب إنه للحين ما شيّب من كثر همومه والضغط يلي عليه ~
غمّضت ملاذ عيِونها وهي تنـزل معاه لـ البيت ،فزّت مباشرة وهي تمسك حاكم من جات لعندها رحمة ومباشرة شدّ عليها ؛ هذي رحمة ، لا تخافين
فِتحت عيونها بخفيف وهي تشوفها رحمه فعلاً ، أشّر لها حاكم تِروح وبالفعل راحت وهو صعد مع ملاذ لـ جناحهم ~
نـزلت عبايتها وهيّ تتمدد ع السرير بعكسه ،ظلّ يتأملها من بعيِد ثم إنسدح جنبها ~
زمّت شفايفها لثوانيّ وهي ترفع عيِونها لناحيته بهدوء ؛ كـنت
فهم قصدها مباشرة ، إنها طيّحت البيبي وإنها كانت حامل ، همس بهدوء وهو يمسك إيدها ؛ يتعوضّ
هزت رآسها بالنفيّ مباشرة وهي تجمّع شفايفها ؛ ....
_بارت ؛440
'
‎-‏وقد يجمعُ اللهُ الشتيتَينِ بعدما ‎
يَظُنّانِ كُلَّ الظَنِّ أن لا تلاقِيا.
'
هم قصدها مباشرة ، إنها طيّحت البيبي وإنها كانت حامل ، همس بهدوء وهو يمسك إيدها ؛ يتعوضّ
هزت رآسها بالنفيّ مباشرة وهي تجمّع شفايفها ؛ يمكن
رفِع إيدها لعِند شفايفه بهدوء وهو يحسّ حَرقة قلبها وصِلته ، أكدت له الدكتورة إن الجنين طاح لأنه مو ثابت وأصل هالحمل كان فيه خطر خفيف عليها وممكن يزيد لأن مقاومة جسدها ضعيفة ، مسكت إيده وهي تحضنها بـ ايديها ؛ ببدل
ناظرها لثوانيّ وهو يشوفها تجلس ، كانت تحاول ما تبكي وتمنع نفسها بـ اي شيء ، همست بخفيف وهي تقوم ؛ بآخـذ شاور
قام مباشرة من الطرف الآخر للسرير وهو يوقف عندها ، مسك إيدها وهو يناظر عِيونها ؛ سميّ اللي تبينه ويجيك ، لا تكتمين
شدّت على إيده بخفيف وهي تبعد عنه للحمام - الله يكرمكم - ، زفّر وهو يخلل إيده بشعره ويدور بالغرفة لدقايق ، فزّ بسرعة من سمع صوت شيء يطيح ؛ ملاذ !
زفرت مـلاذ وهي ترفع شعرها عن عيِونها تشوف وش الشي يلي طاح ، رجعت تغمضها بهدوء ؛ المناديل
رجع يجلس وهو يِنتظر صوت المويا ينقطع ، طوّلت وهي تتحمم وراحت الساعة الأولى ونِصف الثانية وما بعد خِرجت ، كانت تصارع عُواطف قلبها بهاللحظة ، تصارع نفسها وذاتها وتستحضر كل حياتها هي وحاكم ، خِرجت وهي تشوفه كان بيدق الباب وإبتسم بإرتباك من شافها ، جِلست ع السرير وهو جاب الشاش بتردد ؛ ببدله لك
هزّت رآسها بـ زين وسرعان ما تُوردت ملامحها من ابعد المنشفة عن فخذها ، فِتح الشاش ورفع أنظاره لها مباشرة قبل يشيله ؛ لا تشوفين
هزت رآسها بالنفّي بتُوتر وسرعان ماتغيّرت ملامحها وهي تشِوف أثر جرح طُويل وخياطة بـ وسط فخذها الأيسر ، رفع عيِونه لها وهو يشِوفها جامدة تماماً ، تراجعت لها ذاكرتها وكيِف صرخت من غرس السِكين يلي كانت بـ ايده بفخذها ومررها عليه ، جرح عميق كثِير عليها ولا تحمّلته وقتها ~
لفّ حاكم الشـاش من جديد وهو يناظرها ، ما إستوعبت للحين الا إنه رفع ايديه لوجها ؛ تنامين ؟
هزّت رآسها بالنفيّ مباشرة وهي تهمس ؛ تعبت من النوم !
هز رآسه بـ زين وهو يقِوم عند الدولاب يطّلع لها ملابس ، حررت شعرها من المنشِفة يليّ تحاوطه وهي تأشر لحاكم على تيشيرت أسـود ؛ هذا
ميّل شفايفه لثواني وهذا حّقـه مو حقها ، فهم رغبتها مباشرة وهو ياخذه لعندها تلبسه ~
إبتسـم بهدوء وهو يناظرها ، حتى بعزّ الجروح تحيي قلبه ، ملامِحها شبه بشوشة رغم إحمرارها ، يحسّ هالمرة جالسه غيِر قدامه ~
مـلاذ وهي تشبّك ايديها سوا ؛ خليـنا نبعـد -بارت ؛441
'
‎-‏وأعتنق البشاشة حين تغدو
‏قريبًا من فؤادي يا فؤادي .
'
مـلاذ وهي تشبّك ايديها سوا ؛ خليـنا نبعـد
ناظرها لثوانيّ ويتمنى يكون قصدها يبعدون عن الناس فقط مو عن بعض ، مِسك ايدها بهدوء ؛ نبعد ؟
ناظرته وسط عيِونه وهيّ تحس رُوحها تحترق ، ما تبي تبِعد عنه ابداً ولا البُعد ينفع لهم وهذا اللي عِرفته ، مدت إيدها لـ وجهه ، لـ ذقنه وهي تتحسس شيِبات قليلة بـ عوارضه ؛ عن الكِل
إبتسم بهدوء وهو يمسِك إيدها ، قبّل باطنها وهو يوقف بدون لا يتِكلم ، وِقف بمكانه من وصلته نبرتها المترددة ؛ تخالفني ؟
حـاكم وهو يعدلّ خاتمه بـ إيده ويناظر إنعكاسها بالمرآيا : وجهك ماهو وجه إختلافات ومعارض ، وجهك وجه لبيّه وتم وعلى خشمي !
تُوردت ملامِحها غصّب وهي تحاول ما تِبتسم ، إبتسم وهو يناظرها وسرعان ما إبتسمت غصبّ من إنعكاس وجهه وإبتسامته ، رِجع لعندها وهو يتمدد وجات هِي بحضنه ،تتمنّى تمِر هالفترة فقط مو شيء ثاني ~
حـاكم وهو يقبّل رآسها بهدوء ؛ ما ودِك تحكين ؟
هزت رآسها بالنفي وهي تمد إيدها لفوق صدره ؛ تعب الحكيّ منا ، حتى المصايب تعبّت منا ، تأثرت وكثيِر بس أعرف إنك بتآخذ حقي ، وحقّنا كلنا من الكل ، عرفت بالحمل بـ وقِت بـُعدنا ، ما كان أحد يِعرف وحللت بالبيِت وكذّبته ، ما إهتميت عدل لحدّ ما قالت لي أمي فاطمة إن الحرّ والبرد يلي يصيبني يمكن يكون حمل
حـاكم وهو يضمّها لناحيته ؛ ما قِلتي لي
رفعت رآسها عن حُضنه وهيّ تحس عيِونها إحترقت من كثر الدموع المحبوسة داخلها ؛ رجعت تأكدت وإحنا بالمخيّم ، وقت سِمعت الأصوات وطلعت كِنت عارفة إنك موجود ، كِنت محتارة كيف أحاكيك وإحنا تبعادنا عن بعض ، ووقت تراضينا قِلت عند السيارة نتحاكى ، نروح نتأكد سوا ونتطمن مع بعض بس أ
إعتدل بجلسته بخفيف من بِكت وهي يحضنها ؛ إشش ! الولد يتعّوض وبداله عشر وما بعد تعلقنّا فيه عدل ، رحمة لنا يا بنتي !
تِمسكت فيه وهيّ تغيّر كل تفكيرها ، لو كانت على نفسيتها القديمة يمكن دخِلت بـ إكتئاب حاد ورجّعت اللوم على نفسها وعلى حاكم ، بـ وحده من صحياتها كان القُران شغّال ، ما قِدرت تمسك منه الا آيه وحدة فقط {قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ } ، جتّ هالآيه بالذات كنّها غيث عليها وضِربت وتر حساس بقلبها ، لهالسبب ما جِزعت ولا إنفعلت كثير ، وتحّول كل تفكيرها لـ إن كل الأمور بحياتها لو إحتارت فيها خيِر لو شر ، بتصيّر بدل الحيرة خيرة ، وسلّمت كل أمرها هنا ، للي أكرم منها ومن حاكم ومن الدنيا كلها ~
_بارت : 442
'
-‏أهواهُ سِراً مُنذُ أيامٍ طِوال ‏أماتَ صدري بالحنِين وأغرقه,
'
_
« بيـت أبـو حـاكم ، الصبـاح »
تمددت والكُل رجع من المُخيم وأخيراً ، كانت تحاكي لؤي عن مواضيّع كثيرة لحد ما تغيّرت ملامحها تماماً ، جِـلست وهي مصدومة ؛ لؤي بشويش
لؤي بتزفيرة وهو متنرفز بشكل غير معقول ؛ أنا حمار يلي دخلت ، حمار
ريِـف وهي تكبت ضحكتها ؛ محشوم ،فهمّني الموضوع عدل ؟
لؤي بسخرية ؛ ياحلوتي ياقلبي ، الوالد جالس يطلب مني أمسك الشركة اللي مدري وين لكنها بالخارج ، فيها مشروع وشركة استثمار ثانية والمخطط لـجل يكتمل المشروع سنتين ، يقول لي تروح بـ لمح البصر !
ريِـف بذهول ؛ يعني يبيك تروح هناك !
هز رآسه بـ إيه وهو يزفّر ؛ بما إني مدري شلون صرت المدير التنفيذي بـ الفرع يلي هناك ، ايه !
ضِحكت بعبط وهيّ ترجع تتمدد ؛ إسمع تمام ، السنتين صحيح تروح بلمح البصر لا تخاف ، متى أودّعك ؟
لؤي بذهول ؛ خسي والله إن تجين معي !
ضِحكت غصب وهي تِحضن مخدتها بعبط ؛ خسي إنت ، ترى ضحكت كثير معاك خلاص يكفي
لؤي وهو يوقف ؛ عميّ متعب كريم وما يقصر ، إصبري لي يابنته
ريِف بإستغراب ؛ وش بتسوي ؟
إبتسم لؤي بعبط ؛ أحبّ نبرتك هذي ، أحبها كثير
تُوردت ملامحها مباشرة وهي تسكر بوجهه ، ضحك غصب عنه وهو ينزل لأبوه بالأسفل وريّف ظلّت تفكر وش بيسوي ~
،
طـرف آخـر من بيـت أبو حاكم ، جالس يِتقهوى مع
أمه وأبوه وتدور مواضيع كثيرة بينهم ، إبتسم غصب عنه وهو يشِوف أمه بشكل غير ، غير عن كِل الـ ٢٩ سنه يليّ شافها فيها ، تبتسم من قلبها وتِضحك بشكل ما وراه هموم ولا أي شيء يعكّر صفوها ، قام من مكانه مباشرة وهو يقبّل رآسها ويرجع يجلس ~
أم حاكم بإستغراب وهي للحين مبتسمة ؛ فزاع ؟
إبتسم وهو يجلس بـ جنبها بعبط ؛ شِـفت أبوي ما يشيل عيّونه عنك ، قلت نذكّره اني هنا
ضحك أبوحاكم غصب عنه ؛ كذوب ، جاته مشاعر ياعلياء وعيالك من زود الوقار والإحترام ما يعرفون غير بوسة الرأس يعبرون فيها !
فزّاع وهو يحك حواجبه ؛ شِفت حاكم بالمسجد ، مشيّب الغالي
ضحك أبو حاكم لثوانيّ وهو يناظره ؛ مثِل جدّك ، ما دخل الإربعين الا والشِيب ماليّ وجهه !
فـزّاع وهو يعدل شنبه ؛ وحنّا كذا ؟
هز رآسه بالنفي وهو يأشر على شعر رآسه ؛ أنا ما فينيّ شيب ، تطلع مثلي ان شاء الله
ضحكت أم حاكم وهي تصّب لهم الشاهي ، إبتسم مِتعب بترحيب وهو يشوف ريِـف جايه ؛ يا هـلا بالعروسة !
وسّعت عيونها بذهول وتعالت ضحكاتهم مباشرة ، جِلست جنب فزاع وهيّ تسمع أبوها ، وأم حاكم يتحاورون عن أبو لؤي يلي توه إتصل وقال لهم يبون الملكة بأسرع وقت ~
_بارت ؛443
'
‎-اتَقنص الأعذار طمعاً في جدال
‏وارتجِي منهُ الحديث وأسرقَه.
'
_
« بيـت هُـذام »
غيّـروا مكانهم من الشُقـة لـ هالبيت ، كانوا يتحاورون عن رغباتها بالجامعة وقالت له إنها "تِحب كل التخصصات " ، قالتها مزح لكنه ما إستعبط بهالموضوع ابد ، حاول فيها تعرف رغبتها لكنها قالت له بعد التحضيري تقرر وتركها على راحتها ، رفع حواجبه وهو يشِوفها تعدّل لبسها وسرعان ما ضحكت من جاء خلفها وهو يحاوطها ~
هتّـان وهي تناظر إنعاكسهم بـ المرايا ؛ بروح مع صحباتي ، ما أبغى إعتراض
رفع حواجبه لثوانيّ وهو يناظرها ؛ هالحزة ؟
هزت رآسها بـ إيه ؛ بنفطر سوا ، وبرجع
رفِع حواجبـه لثواني وهو يناظرها ، ميّل شفايفه بعدم رضى وهو يقبّل عُنقها بدون لا يتكلم ~
إبتسمت بخفيف لثواني وهيّ تلف عليه ؛ الحِين مو إنت تقول حقّ الجمال عليك أن تزهو به ؟
هز رآسه بـ ايه وهو يرفع حواجبه ؛ إيه ؟
إبتسمت بعبط وهي تبعد عنه ؛ بروح أوريهم جمالي وأرجع
هز رآسه بالنفي مباشرة ؛ هذا الحكي ما يعجبني ، قلنا لي بس !
مِيلت شفايفها لثوانيّ وهي تآخذ عبايتها ؛ بس جهزت ، بتكسرني ؟
هز رآسه بالنفي وهو ينزع تيشيرته ويتوجه للدولاب ؛ ما نكسرك ، ماهيّ حلوه حركتك تخبّريني بعد ما تجهزين
مِشيت لعنده بدون لا تتكلم وهي تناظره بتفحصّ ؛ زعلت ؟
لفّ أنظاره لـ وسط عِيونها مباشرة ، إرتعبت لثواني ولأول مره يركزّ عيونه بعيونها ، تلعثمت مباشرة بذهول ؛ بس هذام
ظلّ يناظر بعيِونها يمكن تفهم مقصده وبالفِعل فهمته الا إنها ترددت مباشرة ، بكلّ مره يقربها تخاف شوي لكنها تِرجع طبيعية ، وده يزِيل هالخوف كله وينتظر منها جُزء مبادر ~
هُـذام بهدوء ؛ لا تترددين ، قربيّ
إنحنى لعِندها بهدوء وهو يحسّ فيها تقربّ لوجهه ، قبلّته بخفيف وكانت بتِبعد لكن إيده حاوطت خصرها ، أبعد بخفيف وهو يناظرها ؛ هالمرة بس
تُوردت ملامحها غصب عنها من حسّت فيه يسكر أزرار عبايتها الأولى لحدّ ما وصل قريب خصرها وهو يرفع أنظاره لها ، أخذ تيشيرته بهدوء ؛ أنا بالسيارة !
خرج ونظراتها خلفه بذهول منه ، غريب هالمرة لكنه دائماً وابداً لطيف ، إبتسمت بتوتر وهي تلبس نقابها بسرعة وتنزل لعنده ركض ~
_
« مـركز التحـقيق »
خـرج إيهاب والمـلف بـ إيده وهو متردد يتصل على حاكم أو لا ، يعّرف إن حاكم بـ إجازة هالفترة ومستحيل يكون صاحي هالوقت ؛ نجرّب
إتصل عليه وسرعان ما وصله صوته وإبتسم ؛ سيادة الفريق
حـاكم وهو يشرب قهوته وأنظاره على ملاذ النايمة ؛ سمّ يا إيهاب
إبتسم بهدوء وهو يمّيل شفايفه ؛ ملف التحقيق معي
حـاكم بإبتسامة خفيفة ؛ ....
_بارت ؛444
'
‎-"جوادٌ، عزيزُ النَّفس، بالحُبِّ صادقٌ
‏وبالوجدِ والأشواقِ والعشقِ .. شاعِرُ ".
'
إبتسم بهدوء وهو يمّيل شفايفه ؛ ملف التحقيق معي
حـاكم بإبتسامة خفيفة ؛ أنتـظرك !
فِتحت عيونها ببطء وهي تشوفه قدامها ، غطّت وجها مباشرة بإستغراب وذهول وهي ترجع تناظره ؛ حـاكم ؟
إبتسم بهدوء وهو يترك الكُوب على الطاولة ؛ نامي ، توّ الوقت
زفرت لثواني وهي تضمّ المخدة لعندها وسرعان ما رفعت نفسها مباشرة من سكّر الأنوار والباب وهو يخرج بإستغراب ، قامت مباشرة لناحية الشباك وهي تشوف شخص إستغربت ملامحه كثير وما عِرفته لكن فهمت إنه بـ مجال قريب من حاكم لكن الواضح تّوه صغير من إرتباكه ووقفته المتوترة قدام حاكم ~
،
بـ الأسـفل ، كان إيهاب متوتر بشكل مو معقول ، أكثر من اللازم بكثير لكن ما قِد صادف حاكم الاّ على أوقات غضبه ،آخر مصادفة كانت عنـد صحار وعياله قبل يومين تقريباً ، كان حاكم بـ أوج غضبه وقُوته وهو يسخر بـ صحّار لحد ما خلاّه يجن ويضرب الجدران من نفسه ، كان يستفزه بـ حقائق واقعية لـ فشله وعدم قدرته على إنجاز شيء ، يبين له ضعفه وعجزه وهالشيء يلي جننّه كثير ، جنّ صحار وصار يضرب نفسه والجدار ونهايه الحوار كانت ضحكة ساخرة من حاكم وهو يخرج من عنده ، إنتهى عهد صحّار بالنسبة لـ حاكم وآل سليمان كلهم ~
مـد حاكم إيده وهو يصافحه ؛ ما تقصّر
إبتسم إيهاب لثواني بـ إعتزاز : بالخدمة طال عمرك
قلبّ حاكم بـ الأوراق بهدوء وميّل شفايفه لثواني ، إيهاب بابتسِامة خفيفة ؛ المُختصر طال عمرك ؟
هز حاكم رآسه بـ إيه وهو يناظره مباشرة ، توتر إيهاب بشكل غريب وهو يحاوره ؛ طال عمرك إعترفت إنها تحط منومات ، صحيت طويلة العمر حدود الـخمس مرات بـ هاليومين لكن كل مرة كانت تعطيها منوم ، على أمل إنه جدّك يجي المستشفى
رفع حواجبه بإستغراب وسرعان ما تربطّت الخيوط بـ عقله مباشرة ؛ لجلّ تنتقم منه بخصوص أبوها ؟
ضحك إيهاب مباشرة بتوتر ؛ حضرة الفريق ما تحتاج ملفّ ، ولا توضيح ماشاءالله
ضحك حـاكم غصب وهو يضربّ على كتفه ؛ الله يعزّك يا إيهاب !
إبتسم بتوتر مباشرة وهو يأشر على صدره ؛ بالخدمة طال عمرك
إبتسم حاكم بهدوء وهو يودّع إيهاب ويجلس بـ الحديقة ، إستغرب من نزولها ومباشرة قام ؛ ملاذ
شّدت الوشاح عليها بإستغراب وهي تناظره ؛ وش صار ؟
_بارت ؛445
'
‎-‏أما كفاني ما ألقاهُ من زمني حتى أُغالب فيكَ الشوق والزمنَ .
'
شدّت الوشاح عليها وهي تناظره ؛ وش صار
كان بيخبيّ ، لكنه بالأمس وعدها ، وتواعدوا ما تكون بينهم أسرار ولا خبايا : ملف التحقيق ، لـ الممرضة
ناظرته لثوانيّ بتردد مباشرة ، زفّر بهدوء ؛ إسمها مروة بنت صحّار ، أظنك تعرفينه
هزت رآسها بـ إيه مباشرة ؛ اللي يكره جدي ، واللي ضدك !
هزّ رآسه بـ ايه وهو يجلس ؛ واللي بالسجن الحين ، كل اللي سوته من انها تنوّمك كان لجل يجي نهيان وتشوفه ، او تنتقم منه بالأصح
جِلست بجنبه وهي تناظره ؛ أبوها بالسجن ؟
هز رآسه بـ إيه وهو يعتدل ؛ تذكرين المهمة ، بـ رمضان ؟
ناظرته مباشرة وأخيراً بِيفصح عنها ، أخيراً بيتحكى معاها بخصوص هالمهمة المجهولة ؛ كانت لأجل ابوها ، لجل نمسكه
ناظرته مباشرة وبِدأ حاكم يحكيّ لها ، عن صحّار وكيف مسكوه ، ما كان يبي يقول لها أبداً لأنها تتأثر كثير ،قال لها عن فيصل ، وإن الطعنة يلي ببطنه كانت منه ، قال لها عن غيابه عن الوعي لـ إسبوعين ، وقال لها إن الفريق أول كان يأمره يتخبى لفترة لكنه رفض وأول عواقب رفضه ، كانت هالحادثة اللي صارت لهم سوا ~
ابعدت عنه مباشرة بذهول وهي تناظره ، صعبه عليها كل هالأشياء تستوعبها ؛ أول العواقب ! باقي غيرهم !
هز رآسه بالنفيّ بهدوء وهو يمسك وجها ؛ ما باقي أحد ، ولو باقي أنا ما أتركه ، ما توثقين ؟
رفِعت عيونها لعيونه مباشرة بتردد ؛ وفيصل ؟
حـاكم بهدوء وعدم إهتمام ؛ برأيك ؟ أول اخطائه إغتصاب ، وثانيها تعاون مع أشخاص ضد الدولة ، ثالثها محاولته لـ أشياء تصعب عليك ، ورابعها طعن لـ رجل دولة ، برأيك وش مصيره ؟
مـلاذ بذهول ؛ بسّ يظّل ولد خالك وخالي !
شّد على وجها مباشرة وهو يناظرها وسرعان ما تركها من تجمعت الدموع بمحاجرها وهو يمشي خطوات بعيدة شوي ؛ خالنا ، الله يعوّضه
وقِفت بمكانها لـ ثواني لحدّ ما إستوعبت ، بـ الفترة يلي كانت تِموت من شوقها هو كان يصارع المُوت ، الطعنة يلي سهّرته وأوجعته كانت من فيصل ، مسِكت وشاحها مباشرة وهّي تركض للأعـلى ؛ حـاكم
_
« بيـت نهيّــان ، العشـاء »
كـان واقف قِدام البـاب مع زايد يتحاكون وسرعان ما إبتسم من شاف سعود جاي ؛ يا هـلا بـ سعود
إبتسم سـعود بخفيف وهو يسلم عليهم ، واضح إنه متوتر لكن ليه ما يدري ~
سـعود بابتِسامة خفيفة ؛ جيِـت لـ فزاع طال عمرك
نهيّـان بإبتسامة ؛ تلاقيه داخل ، البيت بيتك
إبتسم سعود بتردد وهو يحس مستحيل يدخل : هو يخرج الحين
ضحك نهيّـان مباشرة ؛ يا سعود فزاع بالمجلس ، تدله ؟
إنحرج وهو يفرك حواجبه ويدخل بتردد ...
_بارت ؛446
'
‎-فإذا نظرتُ فأنتِ غايةُ نظرتِي ‏
وإذا كتبتُ فأنتِ .. أنتِ قَصيدتِي
'
إنحرج وهو يفرك حواجبه ويدخل بتردد ، سِمع أصوات البنات وإرتبك مباشرة وهو يتنحنح ويمشي بـ إستعجال لـ المجلس ~
تراجع للخلف مباشرة بتردد من سمع صوت فاطمة ، تلثّمت بـ جلالها بإبتسامة خفيفة ؛ سعود ؟
توتّر مباشرة وهو يحس نفسه مرتبك بشكل مو معقول ؛ أنا طال عمرك
إبتسمت بخفيف مباشرة ؛ كيِف حالك يا ولدي ؟
سـعود بابتِسامة مرتبكة وعيِونه ما تحّركت عن الأرض ؛ بخير الله يسلمك وانتِ ؟
فاطمة بإبتسامة خفيفة ؛ بخير ، البيت بيتك ياسعود !
إبتسم بإحراج مباشرة وهو يدخل لـ المجلس ، كل هالموقف كان تحت أنظار شيخة وشمّا اللي خلف فاطمة كانوا ~
شيخة بفضول ؛ شو يصير ؟
إبتسمت فاطمة وهي تمشي ، بكلّ معنى تحمله الكلمة قِصدت توصف فيه سعود : رجّال ، كان ظاهر الكلمة لـ شيخة وشمّا إنه غريب عنهم ، بعكس باطنها ومقصد فاطمة ~
شمّـا ؛ هذا شرا اليدار ؟
هزّت شيخة رآسها بـ ايه وهي تدخل للداخل ؛ الثور
،
دخـل سعود المجلس عند فزاع وهو يحاول يصحصح ، لأول مره يرتعب إنه يدخل بيت نهيّان والسبب هي ، ماوده يصادفها ابداً ولا يلمح طرفها ، ما منع النظر مره ما يضمن يمنعه مره ثانيه ، خوف من الله أولاً ، وثانياً إن طرفها يمسّ حاكم ويقرب له ومستحيل يتعدى نظره لـ آل سليمان ، سواءً "فرع الإمارات ولا السعودية " بنظره ~
إبتسم فزاع مباشرة وهو يسلم عليه ؛ الوحش
ضحك سعود مباشرة وهو يناظره ؛ تخليّنا عن هاللقب زمان يا فزاع !
ضحك فزاع مباشرة ؛ ما تخليّت ، اذا إنت تركته هو ما يتركك !
رِفع سعود حواجبه مباشرة وهو يشِوف فزاع يمشي لـ عند الباب يلي يطّل ع الحديقة مباشرة ؛ تعال هناك ، بحاكيك
رفع حواجبه لثواني بإستغراب وهو يمشي خلفه ~
_بارت ؛447
'
‎-قُولي أنكِ اشتقتِ
‏لأُقسم أنّني أكثر
' '
لـ عند الباب يلي يطّل ع الحديقة مباشرة ؛ تعال هناك ، بحاكيك
رفع حواجبه لثواني بإستغراب وهو يمشي خلفه ~
فـزاع بتردد ؛ سـعود ، إنت الوحش والسيِف والرعد صح ؟
هز راسه بـ ايه بهدوء ؛ كِـنت
فـزاع وهو يفرك حواجبه : وللحين
سـعود بهدوء وهو يناظره ويشتت أنظاره بعيد ؛ أنا الحين عسكري بس ، ويمكن أميل للعجز بعد يا فزاع ، زمان أول تحوّل
فـزاع بهدوء ؛ وإذا قلت لك طرف الموضوع يضرّ حاكم ؟
تغيّـرت ملامحه مباشرة وهو يناظره بشِبه حدة ما يدري كيف خِرجت منه ؛ وش الموضوع ؟
فـزاع بهدوء ؛ نبشّـت بملفات كثير ، من الماضي والحين وفيه أشياء كثير ضد حاكم يا سعود ، هو بـ إجازه الحين صحيح ولهالسبب ما قّلت له ، لحد الحين ما عندي صلاحيات أتدخل وأكشف الموضوع كله لكن إنت تقدر !
سـعود بهدوء ؛ وش موضوعك ؟
فـزاع وهو يطلع صورة من جيبه ؛ تعرفه ؟
تغيّرت ملامح سعود مباشرة وهو يناظر الصورة ؛ مين ما يعرفه !
هزّ فـزاع رآسه بـ زين وهو يرجع الصورة لـ جيبه ؛ إيه هالشخص طال عمرك ، تعرف جماعته وتعرف أهله وتعرف كل شيء عنه أكيد ، هالشخص لقيوه مقتول بـ مستودع بـ ألمانيا قبل فترة
رفع سعـود حواجبه بهدوء وعدم إهتمام ؛ إرتاحت الأرض من شرّه !
ضحك فزاع بسخرية مباشرة وهو يناظره ؛ مُهمتكم ! يلي كانت برمضان وزورتوا سفر حاكم فيها ، كان مسافر لـ ألمانيا ولا شلون ؟
سـعود بذهول ؛ إيـه ، لـ ألمـانيا لكن وقفّنا هالعملية ! ألغينا التزوير !
هز فزاع رآسه مباشرة بالنفي وهو يناظره ؛ ما تغيّر شيء وفيه تلاعب بالصفوف ، أهله يظنون إن حاكم يلي قتله وهالظّن رجعهم هنا
أبعـد سعود مباشرة خطوات قليلة ولفّ أنظاره لـ فزاع ؛ لا تلعب معي ، من وين لك هالمعلومات !
فـزاع بهدوء ؛ أنا قلت قبل ، كلّ شيء اسويه لجل حاكم
ناظره سـعود مباشرة وهو يحسّ إرتبك ، الموضوع غريب عليه ومن زمان سعود وكّل كل الأمر لله ثم لـ حاكم ورفض يرجع لمنصبه القديم وأعماله السابقة ، حبّ يظّل بالخلف فقط ..
سـعود وهو يناظره بهدوء ؛ تعرف إني ما أقدر
فـزاع بسخرية وهو يميّل شفايفه ؛ ظنيّت إني أكلم واحد إسمه سعود الوحش يلي وقّف عمارة كاملة وترك وراه ١٧ جثة و٥ جرحى ورغم إن خلفه عسكر لكن ما إنطلقت رصاصة وحدة من رشاشاتهم ، أكمّل ؟
سعـود وهو يحسّ فزاع يلعب بـ أعصابه ؛ فـزّاع
فـزاع وهو يلعب بحواجبه ؛ كِنت بحاكي الفريق أول ، لكني قِلت يوصله العلم منك أفضل
ناظره سعود وهو بدأ يشك فيه كثير ، معلوماته صحيحة كنّه عسكري قديم متمكّن ، يعرف عن عملية سريّة ما يعرفون عنها الا...
_

- للكاتبة : ريم الاوطان🇸🇦