وشاء ان تحميني

💗💀البارت الثالث عشر💀💗

ايمن وهو يعرف ردة فعل صغيريه: احنه هنرجع السكندرية .....

ليقول كل من ريم وسيف بأعتراض وصدمة: نعععععممممم !!!!!!!

سيف: مسسستحيل يا بااابااا انااا لسه مخلصتش مدرسة وانا ثانوية عامة وملتزم بأساتذة وصحابي هنا و وو وحاجات كتيرة اوي !!!!

أمير بسخرية ومراوغة: ملكش دعوه بيه يا باشمهندس ده مش عايزي يسيب البنوته بتاعته مش دراسة ولا نيلة ..

سيف ببجاحة وابتسامة واسعة: الله ينور عليك يا شيخ هو كده انا مش عايز اسيب حلاوتي ..
مها بعيون مصدومة: انت بتقول ايه يا اخرت صبري !! حلاوت ايه دي !!

امير: ده حاط عينه على حلا اخت حور وهي مش معبراه من الاساس..
ياسمين بعيون مفتوحه: نعمم!! انت تقصد حلا الي هي حلا الي اعرفها؟!!

مها : وتبقا مين حور دي هي الاخرى!!
ياسمين: البنات الي حكتلك عنهم يا ماما
سيف بسعادة مضحكة: ايه دا ايا سمسم انتي بتعرفي حلا!!

امير بجدية وهو يضحك عليه: انت بتقول ايه دي الانتيم بتاعتها
سيف وهو يستدير نحو ياسمين: طب قولي والنبي..
ياسمين وهي تحاول السيطرة على ضحكتها: طب اهده شويه ومتتحمسش اوي كده علشان حلا فصلوها من المدرسة بعد الي حصل.. وهتنقل لغيرها

مها وهي تضرب على فخذيها: لاا وجايبلي وحدا سوابق منك لله يا سيف يا اخرت صبري ..!!
لتقاطعهم ريم وغضب وصدمة: ياااا عالم سيبكووو من كل دهه وركزززووو في المفاجئة الحلووة الي قالها الباشمهندس !!! ممكن تفهمنيي يا بابا ايه مناسبة القرار ده!!!

ايمن بهدوء: الكلام مش موجه ليكي يا ريم انتي هتفضلي هنا انا وامك وخوكي بس الي هنرجع علشان امسك الشركة هناك ..

يوسف بدهشة بعد ان كان يجلس بهدوء: نعم؟! انت مقلتليش ان ريم هتفضل هنا! و تسيبها ليه من الأساس!!

ريم: الله! ايه يا يوسف انت الاخر هو انا منبوذة للدرجادي ما تهدو شويه اناا شغلي في الشركة هناا مستحيل اسيبه ...

ادم بأستفزاز: اهو قولتيها امال بتعيطي من الصبح ليه علشان تيجي السكندرية انتِ عندك شيزوفرينيا ياريم..

ريم وهي تحاول الهجوم عليه بغيض لولا ياسمين التي تمسكها بصعوبة: يبني دول حايشنك مني بالعافية اتقي شري وخليني ساكته ..

يوسف بشك وتحذير لأدم: عملتلها ايه علشان تعصب عليك بالشكل ده؟
ادم: والله معملتش حاجة دي اختك وانت اعرف بجنانها .....لااا لا بهزر والله، انت متتحملش الهزار ولا ايه يا كبير ..

قالها بتراجع ما ان وجد يوسف يهم بالوقوف بتهديد
لتفض مها النزاع وهي تقول : سيبكم من كل الكلام الفارغ الي بتقولوه وكل واحد يروح يشوف شغله انا صدعت و هاخذ بُنياتي دول واسهر معاهم ..