وشاء ان تحميني

🌨️البارت السادس عشر🌨️

مرام وهي تسحب دفتر ملاحظاتها منه بغضب: انت بتعمل ايه هنا مين سمحلك تدخل اصلا !!
ليرد وليد بلامبالاة وهو يلتفت للأرنب: جاي اشوف الشغل ماشي ازاي ..

لتضيق عينيها بتركيز لما يرمي إليه: قصدك ايه؟
لينحني بجذعه العلوي نحو الأمام كي يصبح بمستواها ويضيق عينيه بنفس نظرتها: مقصديش .. انا عايز ابتدي شغل بس منتظر حضرتك تكملي الجرعات .. واضح انك ذكية بس الي مخوفني انك جبانه، خايف لا تتغابي ونروح كلنا في داهية معاكي .. فأشتغلي كويس يا دكتورا .. وياريت تبدي من دلوقتي ..

خف توتر مرام قليلا بعد ان ادركت انه لم يقرأ ملاحظاتها واحرازها تقدم في صناعة تلك الجرعات لكن هذا لا ينفي مصيرها الحتمي في انهاء ذلك العقار ..

مرام ببرود : طب تفضل اطلع خليني اشوف شغلي بدل ما كل شويه واحد داخل يهزئني ع التأخير ..

ليبتسم لها ابتسامة جانبية قبل ان يتجه للخروج: طب قبل ما اخرج عايز اعرف سر التأخير دا ؟

مرام: انا واخدة الأذن من أمجد ... أقصد أمجد بيه ان اول خمسة ايام هي فترة علاج للحالة علشان متحصلش مضاعفات بسبب الأصابة الي عنده ..

وليد بتفكير: مش عارف ليه حاسك متعاطفة من الحالة؟ خايف لا تكوني بتكراشي عليه ؟
لتحدجه بنظرة باردة ودون مقدمات : ملكش دعوه ...

صفقت الباب في وجهه لتتخلص من ثرثرته وتدخله ..

مرام وهي تحدث نفسها بغضب بينما تحضر بعض المواد: قال بكراش عليه ايه العبط انسان فاضي وليه نفس يهزر وسط كل الي بنعمله دا قلبو ميت بصحيح كل الي هنا كده اصلا .. مجانين .. انا هخلص الي عليا انقذ نفسي وابويا ونعيش مع بعض للأبد .. انا مش هقدر اساعدك يا رامي ولا هقدر اوقف شغل ولازم اكمل اتمنى اكون اخليت مسؤوليتي خلاص كده ..

لتترك ما بيدها وتسكت ودموعها تنهمر بصمت وجمود ضميري سوف يذبحني كل يوم حتى اخر يومٍ في حياتي ...

_____________________________

طرقات على الباب تلاها صوت أمير من وسط اورقه : تفضل ..

ليقف من خلف مكتبه ويؤدي التحية العسكرية بأحترام: فاروق بيه .. تفضل ..

فاروق وهو يجلس على المقعد المقابل ويتفحص بنظره هيئة أمير الغريبة: حاسك مش على بعضك يا مقدم أمير؟

أمير وهو يعتدل في جلسته بهدوء: انا تمام يا بيه مشتغلش بالك .. تحب أخدمك بايه؟

فاروق: كنت عايز يوسف وقالو محضرش النهاردة؟
أمير بدهاء وأتقان للدور: قال عنده مهمة حضرتك وكلتها ليه ومأفصحش عن باقي التفاصيل ..

لينظر له فاروق بتفكير واقتناع ثم هم بالوقوف: طيب .. لما يخلص معاد الدوام الرسمي متخركش وتعالي المكتب ..