وشاء ان تحميني

البارت الأول 🔥

(الخامس من يناير 4:30pm )

- - ها ؟ وصل الباسبورت؟
- اه، وصل( يوسف مجيباً بعد اغلاق الخط)
- اوففف طب الحمدلله ، دلوقتي بقت كل حاجه تمام
- آمال متوتر ليه ؟ ( يوسف مستفزا صاحبه)

ليتأفأف رامي بانزعاج : بلاش رخامه مش وقتك
يوسف بأبتسامه هادئة: متخفش كل حاجه هتبقا تمام وتحت السيطرة.

- الحكاية مش متوتر وانما قلبي متوغوش شويه انا مش ضامن ياسين ممكن يعمل ايه لو عرف

ليرفع امير رأسه من من خلف الحاسوب بدهشه لما سمع: لا لحظة وحده انا اول مره اسمعك بتقول كده يا ريس! هو انت عيان ولا ايه دا احنا بنخطط من تلات سنين!!
-يووو ما انتم مش فاهمين

يوسف وهو يحذف امير بأحد الملفات: اسكت انت، رامي الخطه ماشيه صح وكله تمام ، يبني ده احنا فريق عمليات خاصة وعملنا عمليات كبرى ، مش هتيجي ع دي خلي املك بربنا قوي واحنا معاك لاخر نفس

رامي مازحاً: ايه دا انت اخدت اسطوانتي؟ واللا انا الكبير وده دوري عيب عليك ..

ليسكت للحظة وعلى ثغرة ابتسامة فرحة حاول السيطرة عليها: بجد شكراً يا شباب لانكم معايا بكل خطوة...

--------------------------------------------

- ها عملتي ايه؟
- متوقع ايه يعني؟ مسحت فيهم البلاط..

ليضحك مقهقها على نبرتها الواثقة: واتوقع ايه غير كده، انا عايز اعرف وصلنا للقمه ولا لاء ؟؟

- ههههههه ما احنه دخلنا القمة من سنتين عايز اكتر من كده ايه يا راجل!!

-لأ مش كفاية انا عايز اكتر من كده يا حلوه
-المهم مفيش فايده من الكلام معاك خد الملف ده فيه كل تفاصيل الصفقة مع العقود الموقعة زي ما كنا مخططين..

قالت جملتها الاخير بثقة وهي تهم بالذهاب...
زيد مناديا خلفها بتذكر: ايه ده تعالي هنا انا ازاي نسيت!!

- في ايه ؟
- تعالي خدي ده
ليمد يده لدرج المكتب ويخرج ظرفاً مستطيل الشكل مزين ويناولها اياه
لتستفهم هي بابتسامه مشاكسة: وايه مناسبة الهدية ؟

ليرفع حاجبة: ده مش ليكي يا هبلة دي هدية عيد ميلاد حلا تلات بطايق لمبارات بكرا مقاعد فيرست كلاس مع حجز مطعم ليها هي وصاحباتها قبل المبارات

- ايه كل ده! هطلع عين البت بدلعك الزايد وع فكره انا صحبتك مش حلا ه انت مكلفتش نفسك وجبت دلفري ع للمكتب واحد الفريدو باستا كـ شكر ع تعبي معاك انت وشركتك دي
- في ايه يا بت يا جاحده ده انا كاتبلك خمسة وعشرين بالمية من اسهم الشركه باسمك عيد ميلادك الي فات ودلوقتي زعلانه علشان طبق باستا !!
حور وهي تتخصر امامه بدلال وثقه: اولا الخمسة وعشرين بالميه دول استحقاقي وانت عارف كده كويس وتانيا ده مش عذر علشان تدلع حلا اكتر مني!