قال تعالى ﴿يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَىٰ أَنفُسِكُمْ أَوِ الْوَالِدَيْنِ وَالْأَقْرَبِينَ﴾
.
.
.
سألت عمي ـ شگلك؟ وينه هو؟
رد ـ ما حچة وياي بس دقيقتين گال آني بخير و طمن اهلي علية، و آني گتله راح اخطب و اختك راح تجي بلكي يجي يشوفكم و نگابله و نحچي وياه
سمعت صوت خطيبته يمه فگلي ـ يلا رايح اني المهم طمنتچ
شنو طمني؟ اخوي وين ما فهمت؟ ما اكو شي عرفته غير هو عايش
شجاي يسوي ؟ و ذوله العصابة يمه لو لا؟ زين إذا وصلتله الشرطة شلون؟
خابرت فقّار و حچيتله گال راح ياخذني للخطوبة و هَم يحصرون عمي زمان بلكي يعرف مكانه و نوصلله
غسلت وجهي و طلعت اتمشى بممر المدرسة شفت الطالبات يدخلون لغرفة الحاسوب و اكو ناس غربة واگفين بالباب
ادنيت على مُدرسة الحاسوب و سألتها ـ شنو الموضوع
جاوبتني ـ ندوة بحقوق الانسان يردون يقدموها افراد جمعية
انصدمت من شفت نفس الرجال صاحب المنشورات الي هددني واگف و ينصب الداتا شو
سألت المُدرسة ـ منو جابهم ذوله؟
جاوبتني ـ هم قدمو طلب و المديرة قبلت
صحت بيها ـ و بدون ما تسأل شيقدمون
عفتها و رحت لغرفة المديرة لگيتها رايحة للتربية وية المعاونة الاولى
دورت المعاونة الثانية و سولفتلها عن الرجال ما قبلت تسمع مني و اخذتني لقاعة الاجتماع تراويني شلون يحچون بالحقوق
اخذت المناشير الي موزعيها على الطالبات و راويتها و حچيتلها عنهن بس هَم ما اقتنعت
بهاللحظات بدأ نفس الرجال يحچي عن الثورة النسائية الي حققتها المناظلة سيمون دي بوڤوار
شفت صابرين تصور فادنيت و همستلها ـ كلشي صوري و الله لاغسله غسل
نزت و سألت ـ ها؟
ما رديت عليها و رحت طفيت الداتا شو و شغلت الضوء و وجهت كلامي لطالباتي ـ راح احچيلكم قصة عن مرأة و جاوبوني مكان هاي المرأة السجن لو كليات الحقوق
قاطعني الرجال ـ ما اسمحلچ
و التفت للمعاونها يگلها ـ شنو هالخربطة
ما رديت عليه و اتقدمت لطالباتي و گلتلهم ـ اكو مرأة تگول الزواج هو نعش و الاطفال هم البسامير التي تدق في هذا النعش
و تگول ليش البنات لازم يلبسون الحجاب و يكونون عفيفات
و تگول انو بديل الزواج هو الزنا و انو المرأة من تتزوج تكون عبدة لذلك الافضل ما تتزوج و تمارس الزنا و إذا حبلت خلي تجهض هذا الجنين
