" ဒါဆို သားမိဘတွေက ချမ်းသာခဲ့တာပေါ့ "
" ဟုတ်တယ်မေမေ ကျွန်တော်တို့ကံကောင်းသွားတာ မဟုတ်ရင် ဘယ်လိုဘဝရောက်သွားမလဲတောင်မသိဘူး ပြီးတော့ မေမေနဲ့
ရှိုင်းကို တောင်းပန်ပါတယ် "
" ဘာလို့လဲသားရယ် "
" ဒီကိုရောက်လာတာနောက်ကျလို့လေ တော်သေးတာပေါ့ ဒီထက်နောက်ကျသွားရင် မေမေတို့ကိုဒီမှာတွေ့ရပါ့မလား "
" မဟုတ်တာ သားရယ် မေမေတို့က သားအပေါ်တောင်အကြွေးတင်သွားပြီ မေမေတို့ဘဝကို သားကကယ်တင်ပေးလိုက်တာပါ "
ခေါင်းကိုအောက်စိုက်ကာ သူ့ကိုယ်သူအပြစ်တင်နေတဲ့လွန်းကို နှစ်သိမ့်ပေးမိသည်။
" ကုမ္ပဏီကိုပြန်ရဖို့ ရှယ်ယာေတွဝယ်နိုင်တာလဲ သားကြီးရဲ့ငွေတွေကြောင့်ဘဲ သားကိုကျေးဇူးတင်ပါတယ် "
ဖေဖေကပါ ကျေးဇူးတင်ကြောင်းဝင်ပြောလာသည်။
" ဒီကျေးဇူးကိုဘယ်လိုပြန်ဆပ်ရမလဲ မသိတော့ပါဘူး "
" ဟာ မဟုတ်တာမေမေရယ် မေမေတို့က ကျွန်တော့်ကိုငယ်ငယ်လေးထဲက ဂရုတစိုက်နဲ့ချစ်ပေးခဲ့တာဘဲလေ ပြီးတော့ခုကိစ္စက ကျွန်တော့်အမှားလည်းမကင်းပါဘူး မေမေတို့ကညကိုယ့်ကိုကိုယ်အပြစ်မတင်ကြပါနဲ့နော် "
" ဟုတ်ပါပြီ သူဌေးသားလေးရှင် "
မေမေက အနည်းငယ်ပြုံးသွားကာ စနောက်သလိုခေါ်လေသည်။
" ဟာ မေမေကလည်း ဘယ့်နှယ့်သူဌေးသားလေးလို့ပါ့ "
" တော်နဲ့လိုက်လွန်းလို့ပါရှင် ကဲကဲပင်ပန်းရောပေါ့ သွားနားတော့လေ ရှိုင်းသားလည်းနားဦးဒီရက်ပိုင်းကောင်းကောင်းမအိပ်ဘူး "
" ဟုတ် မေမေ "
" လာ ကိုကိုသွားနားရအောင် "
ပြောပြောဆိုဆိုဖြင့် လွန်းလက်ကိုဆွဲကာ အပေါ်ထပ်တက်သွားသည့်ရှိုင်း။ မေမေကတော့ ဖေဖေ့အတွက်စားစရာတစ်ခုခုပြုလုပ်ပေးဖို့ မီးဖိုခန်းထဲဝင်သွားသည်။ ဖေဖေကတော့ ဧည့်ခန်းဆိုဖာတွင်ထိုင်ကာ ကျောမှီရင်း မှေးနေသည်။
အခန်းထဲရောက်သည်နှင့် ရှိုင်းက တံခါးကိုအတွင်းထဲမှ ဂျက်ချထားလိုက်သည်။ ပြီးတော့ ကုတင်နားတွင်အပေါ်ဝတ်ကိုချွတ်နေတဲ့လွန်းနားတိတ်တိတ်လေးသွားလိုက်ပြီး ကုတင်ပေါ်ကိုတွန်းချလိုက်သည်။ ပြီးတော့ လွန်းအပေါ်မှအုပ်မိုးလိုက်သည်။
YOU ARE READING
MY Bad Elder Brother...
Romance" အတိတ်ကအတိတ် ၊ ပစုပ္ပန်ကပစုပ္ပန် ၊ အနာဂိတ်ကအနာဂတ်.. ဘယ်အရာမှ ကျုပ်စိတ်မဝင်စားဘူး... ဒါမဲ့ ခုလက်ရှိမှာ ရှိနေတဲ့ခင်ဗျား ၊ ပစုပ္ပန်ကခင်ဗျား ၊ အနာဂတ်ကခင်ဗျား.. အရာအားလုံးကို မြတ်နိုးတယ် ခင်ဗျားနဲ့ပတ်သက်တာမှန်သမျှ ကျုပ်ချစ်တယ်... " " ... "
