Unicode
မနက်မိုးလင်း နေရောင်ခြည်နုနုက ခန်းစည်းလိုက်ကာပိတ်ဖို့မေ့နေသည့် ကလေးငယ်၏ မျက်နှာတွင် ဖြာကျနေတော့သည်။
" သားရေ ထတော့လေ နောက်ကျနေပြီ "
" ဟင် အင်းးးး မေမေလား ထ..ထပြီနော် "
အိပ်ယာထက်တွင် ဓာတ်ပုံတစ်ပုံအား ရင်ဘတ်ပေါ်တွင်ပိုက်ကာ အိပ်ပျော်နေသော လွန်းငယ်က မေမေ့အသံကြောင့် နိုးထလာကာ မျက်လုံးများအား သေသွယ်သော လက်များဖြင့် ပွတ်သပ်နေလေသည်။
ပြီးနောက် ထထိုင်ကာ ဓာတ်ပုံအား ကုတင်ဘေးရှိ စားပွဲပေါ်တွင် သေသေချာချာ ပြန်တင်လိုက်ကာ ဝဲတက်လာသော မျက်ရည်တို့ကို ပြန်ထိန်းချုပ်လိုက်ရသည်။
" သား အဆင်ပြေရဲ့လား သားမျက်လုံးတွေကို ကြည့်ပါဦး ငိုထားလိုက်တာများ ဖောင်းလို့ ဘာမှမဖြစ်ဘူးနော် မေမေရှိတယ် "
မေမေက လွန်းငယ်အား ရင်ခွင်ထဲ ထည့်ကာ ခေါင်းလေးအား ပွတ်သပ်ပေးလေတော့ ထိန်းချုပ်ထားသော မျက်ရည်များက အတိုင်းအဆမရှိ စီးကျလာကာ မေမေ့ရင်ခွင်ထဲတွင် ရှိုက်ငိုရှာတော့သည်။
" အင်း ဟုတ်တယ် ငိုလိုက် မေမေ့သားလိုက် ငိုချပစ်လိုက် ပြီးရင်တော့ ထပ်မငိုရတော့ဘူးနော် "
နှစ်သိမ့်စကားဆိုကာ လွန်းကျောပြင်အား ပွတ်သပ်ပေးမိသည်။လွန်းတို့အား တံခါးအပြင်ဘက်မှ ခိုးကြည့်နေသူရှိသည်။
" လာ သားထ မျက်နှာသစ်ချည် ပြီးရင် အောက်ဆင်းလာခဲ့နော် မနက်စာစားဖို့ မေမေတို့ စောင့်နေမယ် "
" ဟင့်... ဟုတ် မေမေ "
" တိတ်တော့ ထ "
မေမေက လွန်းမျက်ရည်များအား သုတ်ပေးပြီး ပွေ့ကာ အောက်ချပေးသည်။ပြီးတော့ ဗီရိုထဲရှိ မျက်နှာသုတ်တဘက်အား သွားယူကာ လွန်းအား ကမ်းပေးသည်။
" ရော့ မျက်နှာသစ်ပြီးရင် သုတ်ဖို့ မေမေ အောက်ထပ်ဆင်းတော့မယ်နော် "
" ဟုတ် မေမေ "
မေမေအခန်းပြင်ဘက်ထွက်သွားတော့မှ ရေချိုးခန်းထဲဝင်ကာ မျက်နှာသစ် ၊ အဝတ်အစားလှဲ ၊ လုပ်စရာရှိတာလုပ်ပြီး အောက်ထပ်သို့ ဆင်းလာခဲ့သည်။
YOU ARE READING
MY Bad Elder Brother...
Romance" အတိတ်ကအတိတ် ၊ ပစုပ္ပန်ကပစုပ္ပန် ၊ အနာဂိတ်ကအနာဂတ်.. ဘယ်အရာမှ ကျုပ်စိတ်မဝင်စားဘူး... ဒါမဲ့ ခုလက်ရှိမှာ ရှိနေတဲ့ခင်ဗျား ၊ ပစုပ္ပန်ကခင်ဗျား ၊ အနာဂတ်ကခင်ဗျား.. အရာအားလုံးကို မြတ်နိုးတယ် ခင်ဗျားနဲ့ပတ်သက်တာမှန်သမျှ ကျုပ်ချစ်တယ်... " " ... "
