بسم الله الرحمن الرحيم
بدايه جميله
روايه :اسود القادسيه
بقلمي كاريانا ✨
ارتچيت ع القنفه والصوبه كدامي وكوب القهوه بأيدي والأوراق مبعثره، وصوت زخات المطر والرعود الي تشبهه أصوات القصف كانت عاليه ومخيفه، والهواء العالي يسوي صوت..
وفي هذهِ الاجـواء تذكرت حياتي المليئه ب المصائب والاسرار، اخخخ وچم اخخ؟
اويلي منك حيدر انت وراجح شسويتوا بينه خوب زهره بحث ثاني، قاطع أفكاري دمعه نزلت على خدي من القهر..
مسحتها بسرعه واني اكلم نفسي "اوووه ليـان ليش تبچين؟ لا تبچين محد يستاهل دموعج الغاليه..
كضيتي عمرچ كله تبذرين بيهن هاهيه خلص،وبدأت قصتي في يوم ولادتي" ومجيئي إلى هذه الدنيا "
اني ليان بنت محمد وجدي الأيهم عمي الأكبر محمود وهو وعمتي شام تؤام وعمي راجح وعمي حيدر وزوجته زهرة وعمتي الصغيره وردة
امي سارة نبدي وياكم بيوم ولادتي والي بدت طبيعيه جدا الا ان الزمن لهُ رأي اخر...
محمد...
الدنيا تزهو وتبتهج فرحاً بمولودلتنا الجديده، وكلها تشكر الله وتحمده محمد صار عنده طفل بعد عذاب طويل..
رجعت للبيت اخذ كم شغله استقبلني ابوي والابتسامه مرسومه على ثغره
الايهم :الف مبروك وليدي الحمدلله على سلامتهم
ابتسم ما سايعته الدنيا من الفرح...
محمد:الله يسلمك حجي ويحفظك النا
الايهم :شنو مفكر تسمي؟شنو رئيك بأسم عبدالله؟
ضحكت واومأت بالايجاب
محمد : حلو الأسم بس نشوف ام الطفل هيه تقرر وبعدين هيه بنية مو ولد بعد ابوها تخبل بنيتي..
ضحك راجح وهو يهلهل
راجح :كللوش صلاوات على النبي واخيراً بعد 5 سنوات راح يعتقنه استاذ محمد
باوعتله صفح واردفت بانزعاج
محمد :عابت والله ماشفت من شبابي غير علاج وعمليات وصخام وضيم بس من نورت بنت ابوها لا كلشي تغير..
ضحك ابويه وهو يطبطب على كتفي
الايهم :بيه الخير ان شاء الله وليدي.
طفر راجح بينه يضحك
راجح :شبالك تسميها؟
محمد :خلي تطلع بسلامه وهيه تسميها..
هز راسه موافق اخذت الي دزوني عليهن ورجعت للمستشفى
بعد يوم متعب بالمستشفى رجعت ساره وجانت تعبانه ومتألمه، ذبحت على سلامتهم ما صدكت بس يجينا طفل لان احتمال كبير ما يصير عندي أطفال، الفرح والسعادة باينه على وجوه الكل الا زهره زوجه حيدر كانت ضايجه ومزعوجه لان ما صار 15 يوم من ولدت ومحد اهتم..
أنت تقرأ
اسود القادسيه (الاصليه)
ChickLitمثل الشيطان بأفكاره الشريرة وكل ملاك بملامح وجهه يفعل المستحيل ليحصل على ما يريد ويعامل كل الناس بطريقة غريبة. ماذا وراء هذا الشخص؟ هل سيكسر قلب أحد أم سيجبر؟ -من أنتَ؟ -انا من وقع على عاتقه ان يأخذ بثأر قديم.. انا من خذله أقرب المقربين انا شبل ل...
