#البارت السادس عشر
#اسود_القادسيه
بقلمي كاريانا 🌿🌼
يا كلبي وتضل متعوب
لا مرسه ولا معبار لا تحتار!
.........
نزلت فرحانه كلمن خامد بغرفته محد اله حس بس شاهين يفتر بالمطبخ عصبي ويحش بهل جكاير ويتحلف وكلسع هاطر شغله وصاح :اني الكمم
عبرت من يمه هو حاط سماعه ويفتر بعصبيه
طلعت لكيته كاعد ب الحديقه
اول ما وصلته كال
سراج :هلا والله هلا بامالي شلونج حبيبتي؟
اردفت بهدوء
امال :هلا يروح حبيبتك الحمدلله بخير اذا انته بخير؟
جريت كرسي وكعدت كدامه مبتسمه
سراج :بخير ونعمه الحمد لله يالغاليه! شنو الموضوع المهم الي ردتي تحاجيني بي؟زفرت نفس َمسحت وجهي بقله حيله واردفت
امال :سراج حباب وصي شاهين ما يعوف لبوه ترا امي وامه يحجون عليها مشكك بداعتي يا سراج كوله لا يعوفه خطيه ما تستاهل هل كسره!
عكد حواجبه واردف باستهزاء وهو كاعد وحاط رجل على رجل
سراج :امال انتي تخبلتي لو شنو؟شاهين يتبره منه كلنه ويعوفنه وما يعوفه اكلج يكول إذا ماتت انتحر وراها! هاي شجاي تحجين انتي يرجف عليها رجيف بس تتأذه شاهين يأذي نفسه وما ياذيها! ولج شتحجين !
هزيت راسي موافقه ورفعت اديه باستسلام واردفت
امال :اني لي عليه بلغت بكيفكم بعد! بس بلغه عليك الله!
ابتسم واردف بخوف
سراج :صار يروحي، تدرين امال خايف عليهم حيللل حيلللل!
امال :الله يحفظهم لا تخاف!
وافقني ورجع ضيك عيونه مركز بوجهي
سراج :الله كريم حبي، زين كم مره كايلج ما تخلين صخام ع وجهج؟
ضحكت وكلت بفخر
امال :سراج حبيبي الصخام يمشي بدمي!
باوعلي ورفع حواجبه مصدوم واردف وهو يتحلف بيه
سراج :خلي افضالج واصفي دمج حبييي!
ضحكت بقوه واردفت
امال :لا حبيبي تسلم.....
..
شاهين :ليانه بعد اسبوع دوامج! اخذج حته تتعرفين على جنات اخت اشهب
نتر ابويه مو عاجبه
محمد :لا هود يوديه.
هود :يابه انه وصيته....
محمد :حمحم وسكت
ليان :تمام شاهين...
سكتت وضعنا ما يعجب ومزعج الدرجه ابويه وعماني متحلفين بشاهين بحيث إذا سلمت وشاهين رد السلام يسوون مشكله شكبرها شعرضها..
أنت تقرأ
اسود القادسيه (الاصليه)
ChickLitمثل الشيطان بأفكاره الشريرة وكل ملاك بملامح وجهه يفعل المستحيل ليحصل على ما يريد ويعامل كل الناس بطريقة غريبة. ماذا وراء هذا الشخص؟ هل سيكسر قلب أحد أم سيجبر؟ -من أنتَ؟ -انا من وقع على عاتقه ان يأخذ بثأر قديم.. انا من خذله أقرب المقربين انا شبل ل...
