اسود القادسيه (الاصليه)

البارت الواحد والخمسون

#البارت الواحد والخمسون
#اسود_القادسيه
بقلمي كاريانا 🌿🎶

من كون الك بـ الطيف جيه
بشرني أحط حنة بـ اديه
......

رضـا...

رجعت من يم شاهين وراح هـود، هارون وهود متأذين هارون يبجي ويفرفح ويصيح بس يهدأ، هود متحمل وساكت كوه بس عيونه تلمع دائما..

اما شـاهين اخخ يا شاهين كسر ظهري، مكابل الغرفه وكاعد يلوب يروح يفتر ويرجع يكعد ما يطلع باب المستشفى أقصى شي يطلع للحديقه مال المستشفى أو يجي يبدل لو يسبح ومياكل ومياخذ علاج سابي نفسه سبايه..

من يجي الليل الي وياه يتعب وينام وهو يكابل غرفته ويدكها مناحه بدون صوت خاف احد ينتبه عليه ومحمل نفسه الذنب..

صاحتني نرجس شاهين رجع واكيد رجع علمود راجح وحيدر هل مره جدي هنا يذبحهه والله بس يقلل احترام..

نزلنه نركض واشوف عمي بيد شاهين مفرفح يريد احد ينزله صحت بشاهين.

رضـا :شاهين كافي وخر

اندارلي لان جان منطيني ضهره شكله صاير يخوف!

عيونه دممم وجهه مطعون الجوه عيونه اسود كلش شعره مخربط،وايده مزركه هلكد ما لاف الحزام عليها

صاح بيه بعصبيه
:رضا خلي النفس طيبه عليكم ولحد يتدخل يكولون ع رحمه الله لو تعيش لو تموت واني ادري بعزيزه روحي مو ضعيفه بس اكو ناس محتاجه شويه تحترم

ورجع شاهين ضرب عمي حيدر ب الحزام هو ثكيل وشاهين روحه مفرفحه بايد مثبت حيدر والثانيه بيده الحزام ويحجي من بين أسنانه

-توجعع توجع موو؟

حيدر :هدني لك ادبسزز هدني!.
رجع ضربه شاهين :يااا عمي اسف خاف توجعك!

ردت اتقدم لزمني عمي محمد كال ممنوع تتقرب حيدر حيل استهتر...
ما هده شاهين اله انتهه من الكتل..

وهو دموعه ما نشفت

شاهين :ان شاء الله وجع بنياتي بكلبك يا خسيس يا جبان ارجع ونتصافه

محمود :شاهين شنو هل لواص عمك هذا!

شاهين...

ضحكت بصوت عالي وانداريتله اباوع باستهزاء عمي؟ كلت عمي ابو رضا؟ هذا ميستاهل اسم عم هذا قذر والله قذر عمامي مابيهم بس محمد! والبقيه حسافه ينعدون عمام..

رجعت نزلت عمي ودست عله رجله وصاح متألم

-هاا عمو توجع موو؟
كل هذا وكلبي ما برد اله دفره بنص بطنه خليته بحضن ابويه

باوعتله لازم نظارتي بأيدي والجكاره بالثانيه
كض اخوك لا المره الجايه العب السجين على ركبته..