اسود القادسيه (الاصليه)

البارت الثاني والخمسون

#البارت الثاني والخمسون
#اسود_القادسيه
بقلمي كاريانا 🌿
ابقى وسط جروحي خنجر
انجان ما ترتاح افتر

.....

شاهين..

سمعت كلامهم ضميت وجهي بصدر رضا ما اريد احد يشوف كسرتي
وهو يردد
"دخيلك يا رب دخيلك ياا الله، ربي احفظها ربي قويها"

هي مجرد لحظات وما حسيت اله صوت رضا يمي بالكوه فتحت عيوني

اشوف بس مو بوضوح سراج ورضا وهود واحس شي بأيدي مشكليلي مغذي ركزت شنو السالفه كمزت بسرعه اصيح
-ليانه ليانتي!

صاح بيه هود لان الكانيولا صارت تسحب دم
هـود :هيووو اثبت

سراج مسح عيونه بقهر واندار وكال بشهكه
سِـراج :ماتت شاهين ماتت ليانك...

ومثل عليه الكلب وضربت راسي لا يا الله بنيتي راحت،ما كدرت انطق رجف فكي وعيوني متشخصه شهل برود العدهم
راسا رضا دنك شال الشحاطه ووره سراج، وطفر يضحك وهود يهز ايده

شاهين :شكد تافهه لخاطر الله!

سراج ميت ضحك
-چا انته بسرعه كمزت

هزيت راسي اتوعدله
شاهين :وحق الله يا سراج إذا كمت!
هود شلونها ليان...

هـود :بعدها على الله وان شاء الله خير...

شاهين :شيل المغذي..

شفته مبينه كسرته، غمضت عيوني بقوه تعبت والله تعبت الفاهيه محور الكون كله بالنسبه اليه..

صاح بيه مزعوج
هود :خلي يكمل لا تتخبل!

شاهين :تشيله لو اشيله اني؟!

شال المغذي وهمه يدردمون عليه ما يدرون روحي معلكه ببنيتي، ليان عشت وياها كل شعور ان اكون اخ زوج اب وابن كلها عشتها بفضلها

شعور جدا جدا جدا سيء تشوف أعز الناس الكلبك تتلوع وانته كلشي ما تكدر تسوي!

دخلت مثل كل يوم ورحت يمها

اباوعلها وكلبي مقبوض كله بسببي اني، لوما اني كلشي ما يصير بيج.. يا وجه العافيه ترفه والله وتحملت هالكد الم الله يعينج باباتي!

اجه الممرض وكال :هاا يابه؟

شاهين :ميصير اتقرب يمها؟

الممرض :يصير راح اكمل العلاج وارجعلك نروح خوش؟

ابتسمت بوجهه ما كدرت انطق ولا حرف مختنك ودموعي تكول هاهيه بعد ما بيها مجال..
بس وصلتها ما كدرت اسيطر على نفسي شكد ضعيف اني..!
يكولون هي ضعيفه بس والله اني الضعيف، صبرت أكثر من اسبوعين وهي ما تدري بيه اصلا وين وتتأمل ارجع وتهدد بيه، وهي كدامي وابجي خرب روحك شاهين..!