#البارت الثاني عشر
#اسود القادسيه
بقلمي كاريانا 🌿🌼
وجينـه نشتكيـلك عذاب اجروحـنــه ولوعـة هوانــه
..........................
ليان :بس اني احسبك اخوي شاهين!
-صحت بيه :لا تخبليني شلون اخوج؟
اني عيوني صارت دم بساعتها لو ليان بيدي يمكن اموتها وهي شفتها ترجف مستعده لنوبه بكاء ورضا يحجي خازرني
رضا :شاهين أعصابك!
-استغفر الله العظيم واتوب اليه
لبوه اسف بس سمعيني!
اني مو اخوج واقعيا بنيتي يعني حرام اشوف شعرج وحرام تطلعين يمي بعطر وحرام الزمج صح؟ يعني اكو فرق شاسع بيني وبين هود وكلشي بيه حدود بينه؟ موو لو غلطان؟
احجي بتوسل احاول اقنعها، كلبي نار شابه بي وفرقان يباوع بتحدي
ليان :اي صحيح!
شاهين :ومو حرام تكونين زوجتي صح؟
ليان بخجل صح!
شاهين :الي اريده منج شنو؟
ليان :شنو؟
شاهين :تفكرين!
شوفي لبوه اني ما عندي مشكله بوضيفتج او دراستج او حياتج لا ابدا هايه حياتج!
واذا الحجي قبل نطلع ليش لا واذا نبقه باقين تمام؟
وانتي الباقي تعرفينه!
عصبي وقاسي صح لكن يمج كلشي يختلف!
اما بالنسبه لمرضي تعرفيني مريض صرع!
(حجيته والعبره خنكتني!) واذا تحسين اني ما استاهلج او ما عندج مشاعر تجاهي او انو مرضي يأثر على مستقبلج ف يابنت الناس ما اكلج اكمل حياتي لان ما أكدر بس يبقه شاهين اخوج ويمتا ما تحتاجينه هو يمج! وهاي اول مره احاجيج وافاتحج بالموضوع وردت كلشي رسمي!
والج وقت تفكرين يبنت الحلال واما زواجنه ف ما مستعجلين!
احجي بانفعال وعيوني عليها ومختنك اغص بالحرف يالله انطقه المرض ابد مو عيب بس نظرات عمامي جانت جارحه
الايهم :كلت اني مموافق!
انداريت احجي بضجر عكسه هو الصاح بيه
شاهين :حجي اتزوجك الك لو الها؟
الايهم :انجب ادبسزز
شاهين : والله اني اريد ردها هي بس ما يهمني الباقي!
محمد :يعني اذا رفضنه اني واخوته وهي وافقت تمشي ع كلامها؟
شاهين :طبعا وراها لان حياته وهي حره بيه، بعدين ما اعتقد تشيلون خطيته وتحرمونه من بعض! لان كله كم يوم ويلزمكم رب العالمين ينخلكم نخل َ؟ سكتوا واردف هود برزانه
هود :بعد موافقته اني اكلك كبع واخذ ما نلكه احسن منك والله!
نط هارون معارض
هارون :هيووو هود خلي نسأل عليه بالمنطقه خاف عنده سوالف مكسره منا مناك!
أنت تقرأ
اسود القادسيه (الاصليه)
ChickLitمثل الشيطان بأفكاره الشريرة وكل ملاك بملامح وجهه يفعل المستحيل ليحصل على ما يريد ويعامل كل الناس بطريقة غريبة. ماذا وراء هذا الشخص؟ هل سيكسر قلب أحد أم سيجبر؟ -من أنتَ؟ -انا من وقع على عاتقه ان يأخذ بثأر قديم.. انا من خذله أقرب المقربين انا شبل ل...
