#اسود القادسيه
بقلمي كاريانا🌼
انه اول ابنادم كلبه ما يبرد
انه المبيوع سد بسد
انه الخلص حياته يكول :
چا وحد؟
..
شفت نظرات هود متساعد ع الكلام بس خلاص لازم احجي احسن ما اخسر أخوية
شاهين :هود خويه وحق الله ماكو شي بيني وبين ليان بس اكو شي لازم تعرفه..
تتذكر اليوم العصر كلش لمن رضا كال ابوها لزكك براشدي؟
ضحك من كل كلبه واردف
-هههههه اي والله بس اكيد يشااقه
هزيت راسي نافي وكلت
-لا والله يبعد اخوك تعرف منو الي لزكني الراشدي؟
هود :لا والله اني متعجب انت لحد هسه ما گتلي منو هاي اللي مخبلتك وبعدين نتحاسب ع غير شغله؟!
شاهين :تمام ماكو أشكال بس شكولك بله، الي اكلت منه الراشدي عمي محمد!
صفن هود وكال
هـود :ابوي شعليه حتى يضربك؟
غطيت وجهي بيدي استغفر، هود توقعتك أذكى من هيجه، بصراحه لاردت الموضوع ينعرف ولا اكوله لاحد بس خلص.
شاهين :هود عضيدي اسمعني انت أكثر من اخ انت سندي، توكفلي وكفات محد وكفها الي، خطبتها ورفضوني اهلها ليان وأكثر من مره بس عمي محمد يرفض وليان حتى متدري ب السالفه!
وحتى هاي الفتره ابتعدت عنها كمت ع ايشي ما أوصيها ولا اطلب منه تسويلي شي اساسا معاملتي لليان صايره جافه كلش واحيانا هلشي يجرحها بس ما بيدي شي ثاني بس والله حتى يكفون منها وأنت اكثر شخص تدري لساني متبري مني يكولولي كلمه ارد بميه والحمدلله ع طول الساني يوميه محصل كتله من واحد !
صفن هود عاكد حواجبه بصراحه جانت نظراته مخيفه جدا، وخوفي الأكبر انو اخسر هود واني ممستعد لخساره اخوي لا وأكثر من اخ
هـود :لحظه لحظه البنيه الي انت تحبها ليان؟
هزيت راسي بمعنى اي
هود :وخطبته وابوي رفضك؟
شاهين :اي
هود :كم مره خطبته
شاهين :مرتين
هز راسه بوعيد
-واني ما ادري زين، وحته ليان ما تدري مووو؟
اردفت بهدوء
-هود ما اريد اذيه ليان ف سكتت شسوي بعد؟
بين الغضب على ملامحه صاح بعصبيه صاك على أسنانه
-شاهين احاجيك وانسه اني اخو ليان بس اسمعني واريد الصحيح ترا مو تعتبر وقاحه وصلافه مثلما انت متخيل لا تعتبر صدق المشاعر في حال جذبت يا شاهين تحلم ع شوفه اختي بعد!خوش؟
هزيت راسي بايجاب نظراتي بارده عكسه الجان كلش معصب
-خوش
-انت فاتحت ليان بالموضوع؟
أنت تقرأ
اسود القادسيه (الاصليه)
ChickLitمثل الشيطان بأفكاره الشريرة وكل ملاك بملامح وجهه يفعل المستحيل ليحصل على ما يريد ويعامل كل الناس بطريقة غريبة. ماذا وراء هذا الشخص؟ هل سيكسر قلب أحد أم سيجبر؟ -من أنتَ؟ -انا من وقع على عاتقه ان يأخذ بثأر قديم.. انا من خذله أقرب المقربين انا شبل ل...
