اسود القادسيه (الاصليه)

البارت العاشر

#اسود. القادسيه
#البارت العاشر
بقلمي كاريانا 🌼🌿

مشاعرنا وطن واثنينا بغربه..
........

رضا:واعرف بيج تحبينه ف كلاواتكم انتي ويا بطلوها خوش؟؟؟

شهكت لطمت خدي بخفه وكلت بانزعاج
-ولك رضا هاي انت الي شايفينك اب هيجه تكول چا شعتب ع البقيه؟
والله اشوفه اخ وحق لا اله الا الله..

ضحك وهز ايده ورجع يباوع للطريق ويحجي بجديه

رضا :لبوه لازم تفهمين ان شاهين مو اخ ولا راح يصير اخ تمام؟؟؟ شاهين يحل عليج ممكن يكون زوج او يعني لا يكدر يلزمج يلمسج يشوفج بدون حجاب الخ..يعني مو حرام إذا جان زوجج؟؟ شنو مشاعرج تجاه شاهين؟

عكدت حواجبي وكلت
-والله رضا ما اعرف بله عوفني انت الثاني!

ضحك وكفخني بخفه على راسي
-ونوب انت الثاني ولج ام لسان، ليان حته شاهين لا تبينين انج تعرفين تمام؟

ابتسمت واردفت
-يجرالك بويه يجرالك

عوده إلى الحاضر :

-وعندي بشاره

-اي بله وشنو بشارتك استاذ شاهين؟

اخذت نفس عميق حجيت بحماس
-ولك واخيرا فاتحت هود بالموضوع! وجان موافق وكلامه ريحني!

ضحك بصوت عالي واردف
- دوم الراحه وطاح حظك اي والله عبالي راح تخطب وكذا ثاري ستوه كايل لاخوها!

هو يضحك على حالتي واني فرحان
شاهين :العافيه درجات شويهب

-الله يحفظك يخوي مثلما اتفقنه اول يوم اجيك وياي جنه؟

شاهين :تمام خويه هسه اروح اني لان وراي طريق..

اشهب :وين رايح؟

-كربلاء، وراح ادعي كون تصير اليه

-ان شاء الله يخوي ان شاء الله مع السلامه.

-في امان الله وحفظه خويه..

سديت الخط من اشهب وظليت كاعد بره لحدما رادت تصير ب ١١ هيج طلع رضا بالسياره مو من عوايده يطلع بهيجه وكت وطلعت ورا بنيه منو هاي؟
مركز احاول اعرفها منوو؟ تشخصت عيوني بصدمه

هاي لبوه! لا يا الله راح يفجره اخوي الله عليك ما تسويها ماكو ربع ساعة ورجعو طلعوا رايحين للأسواق شافوني بره كاعد سالت ليان الي لابسه عبايه جبيره عليه وتخرب ضحك كوه لازم نفسي وما اضحك وهي تباوعلي بشك والجكاره بحلكي

-بيك شي شاهين؟

هزت راسي بنفي وشبح ابتسامه على وجهي
شاهين :لا والله لبوه بس اختنكت وطلعت اشتم هوه.

ليان :ها تمام محتاج شي اني صاعده!

-لا بنيتي يحفظج ويديمج الله بس اذا هود كاعد دزيليا.