اسود القادسيه (الاصليه)

البارت الثاني والاربعون

#البارت 42
#اسود_القادسيه
بقلمي كاريانا 🦋✨

شـاهين...

تفاجأت منو يجي هسه الدنيا الظهر طلعت شفت الولد بالباب ضحكت لان ما نسوني وصحت من الباب

::- يا هلااا بالچلاب اقصد هللا باصدقائي...

ضحك فاهد وسرمد يهز راسه متحلف صاح اشهب
اشهب :ابن الحلو راح اكسر ظهرك هل مره.

ضحكت ورحت حضنتهم بقوه مشتاقلهم
فاهد :الحمدلله على سلامتك، والف مبروك والله يتمم لكم على خير ان شاء الله خـويه..

سـرمد : ناقص ما تكوللنه مووو؟؟
ضحك عماد وكال

عماد :خويه هو لهسه والسالفة مخطوره يا اي يا لا..
ضحكوا وطبينه كال فاهد بتعب

فاهد : شنو شعورك شاهين؟
ضحكت واردفت بحماس..

شـاهين :طايرر طيران..
انفجروا من الضحك واني اضحك لضحكتهم..

فاهد :بداعه الطيران بطانيه وماي خلي ننطمر ساعه من الدوام الك..
ابتسمت راحوا الولد جابو ماي وفراش هذوله سلموها تراب كبل نامو ضحكت وكمت وياي سراج..

اجه هارون معنكض وكف كدامي همس وهو يأشر ع الباب مال الصاله

هـارون :جدك بالصاله يريدك عنده كلمتين تشيطك وتخليك تطلك من هسه..

عكدت حاجبي وهو عافني وراح وسراج صافن بوجهي واشر شنو رفعت اكتافي بمعنى ما اعرف..
وخوفي من شروط جدي الي تصفن المطي..

طبيت سلمت وكفت بالباب رد بهدوء

الايهم : تعال اكعد كدامي..

هزيت راسي وكعدت كدامه رفع راسه ونظراته البارده الي تخليك تحير ما تدري شتسوي...

الايهم : اكو شروط حتى انطيك ليان..

هزيت راسي موافق واردفت بهدوء
:- الها العين ومايها ورمشها فوكاهن..

خزرني وهي ابتسمت بخجل.
الايهم : طكطكهن على غيري شاهين، مقدم 10 مليون ومؤخر 25 مليون..

فتحت حلكي على المبلغ الهائل كان المليون مو سهل بالنسبه اليه..
كـ متعين هستوني وعلاج وغيرها فـ مستحيل أدبر المبلغ بوقت قصير ولا ابويه يدفع دينار هذا القانون..

بعدني ما لحكت استوعب شلون راح ادبرها اردف بخبث
:- الك اسبوع فقط والا...

حجيت بعجز : جدي اسبوع واحد منين اجيب هل مبلغ؟

رفع اكتافه بمعنى ما اعرف، وهو يدري ما راح أكدر ادبرها، احتقنت بلاعيمي كوه بلعت غصتي، ليش لازمني من ايدي التوجعني..

همس رضا وهو كاعد بصفي
رضا : لا تبين انك حاير هاي الي يريدونها ماشيهم..

هزيت راسي بايجاب واردفت بقوه
:وبعد؟