اسود القادسيه (الاصليه)

البارت التاسع والعشرون

#البارت التاسع والعشرون
#اسود_القادسيه
بقلمي كاريانا 🌼

اسامــر بالحچــو عني
ما چني انه المغدور ما چني

حبايبي هذا البارت اغلبيته سرد شاهين وليان ف خاف تكولون من البدايه بلغت

.....

هود....

انتبهوا كلهم لشاهين الي نظراتهم جانت مليانه حقد

شاهين :حلو تهتم لكلام الناس لعد ليش تحجون عليه ليش طاريي عله كل السان غير انته احد الأشخاص المهمين بعشيرتنه وكله تعرفك ليش الناس تحجي عليه بسببكم مره يكولولي انته صدك مريض عقلي او مريض نفسي مو عيب حفيدك هيجه يكولون عليه ؟؟

وهذا حجي ينحجي يابه من وراكم هلكد ما تحجون عليه ليش ابعده

اول البارحه اني يم طبيب الأعصاب كاعد انتظر دوري ك العاده علمود مراجعتي .. اكو شباب ووياهم زلمه جبير شايفهم الشباب أصدقاء الشيخ فرقان...

سماعتي باذني ونضارتي خليته بسترتي..

عبالهم ما اسمعهم يحجون واحد يكول لثاني هذا يكولون لازم يدخل مصحه والثاني يكله لا اساسا هو يراجع طبيب نفسي

الحجي :ااخخ يا يابه ايا كان هالطول الحلو المعضل الكاشخ هيجه مرضه؟!

شاهين :امم.. كمت كعدت كدامهم سلمت

ردولي السلام

شاهين :تعرفوني لو لا؟

الشباب :نعرفك حفيد الايهم بس ما نعرفك شخصيا
هزيت راسي بايجاب

شاهين :خوش..
انتو أصدقاء فرقان؟

هزو راسهم ايي

شاهين :عمي الحمدلله بحياتي ما دخلت مصحه ولا احتاج عقلي يوزن بلد كامل ولا احتاج طبيب نفسي ابدا وثنينهم مو عيب.. اني مريض صرع مرض عصبي.. خوش

الولد فشلو والحجي ضل يتكرظم

صاحني السكرتير

انداريت عليهم

::-لا تصدكون الي تسمعونه ترا جذب بجذب

واترخصت وطلعت للطبيب منين الناس تعرف؟ وليش الكل يحجي عليه شسويت اني؟ بشنو مأذيكم؟ مو كافي؟ ترا صرت زلمه حته من ترحون تخطبولي يرفضن! ما كلتو ليش؟ علمود الصرع؟ لا والله بس من وره كلامكم الجايف عليه! والف الحمد لله على مرضى ممتن منه لان نطاني شغلتين زينات

اولهم منحني جوهره، شطب ريحان، بنيه كلبها كلب والده تعاملني عبالك ابنها حيل تخاف عليه فدوه اروح لتراب رجليها

الشغله الثانيه هي كره الكل الي او استصغارهم او ما اعرف شنو المهم كلها تكرهني والفضل والتقدير والاحترام والامتنان لحضراتكم...