#البارت الثالث عشر
#اسود_القادسيه
بقلمي كاريانا 🌼🌿
اثاري الدنيه عينج يبعد عيني!
____
ليان..
عيني عليه وهو يرجف ولازم ايد رضا بقوه وعيونه انملت بالدموع غطه عيونه بايده وهو يهمس لرضا ويحجي بتوتر وانفعال واخر كلمات همسها غيرت كلشي بيه اتجاهه
"احبها والله احبها"
حجه جدي بصدمه يحاول يقنعني
الايهم :ليان هذا شاهين خاف متوهمه!
رفعت راسي بشموخ واردفت بنبره قويه
ليان :اي جدي شاهين محمود ايهم نعرفه حق المعرفه واني موافقه!
ضرب عوجيته بالكاع حيل وصاح
أيهم :واحنه بكيفج نمشي مالك مره يمي!
وابويه وكف على حيله ونضراتهه كلهم عتب
محمد :ليش ليان؟ ليش هيجه سويتي!
فرقان :عمي عوفها نايمه رجلينه بالشمس كم يوم يستشهد وترجعلي!
رفعت عيني اله وكلت بثقه وانفعال
ليان :هنيالي اذا اكون زوجه شهيد خاف ما نعيش سوه بالدنيا نعيش بالاخره واحسن ما اتزوج جلب مثلك...
تقدم عمي راجح وعيونه تتطاير شرار!
راجح :ادبسزز ممربايه!
رضا :جتف عمي راجح، جؤجؤ جؤ ابو رياض الي اعرفه عنك ما تطلع منك العايزه!
صاح بيهم سراج مفرفح
سراج :هيووو شبيكم شكالت هيه انطت موافقته شجاكم!
هود سحبني وره ظهره وكال بتهديد
:زلمه ابن زلمه الي يطخه خلي واحد يتقرب لشيل المستحه والأخلاق والحرام ع جهه
صاح بيهم شاهين الي ما كدر يخفي ضحكته
شاهين :يابه شبيكم ترا هواي تدخلتو كلتو بكيفه وهاي هيه ردت شكو نهديتو عليه!
رد جدي معصب ويصيح
الايهم :محمود تاخذ ابنك لو اكبره!
حجاها والشرار يطافر من عيونه
محمود :كافي شاهين! اكطع
سكت شاهين وكال رضا :عيني شجاكم؟ البنيه موافقه والولد شاريه بروحه شكو؟
صاح ابويه وفاجأني بنبره صوته العاليه عكس كل مره
محمد :مياخذها لو يموت!
شاهين رفع ادينه مستسلم ويحجي بابتسامه
شاهين :هاهيه خلص! بس والله ما اعوفهاا ولا اعوفها ولا اتركه لحد اخر نفس بيه لحد ما تغمض عيني ياله واخذها من حلك السبع مو شبل الأسد الي يعوفها واذا ما اصير الي ما اصير لغيري اكتلها ولا اشوفها لغير واحد...
أنت تقرأ
اسود القادسيه (الاصليه)
Chick-Litمثل الشيطان بأفكاره الشريرة وكل ملاك بملامح وجهه يفعل المستحيل ليحصل على ما يريد ويعامل كل الناس بطريقة غريبة. ماذا وراء هذا الشخص؟ هل سيكسر قلب أحد أم سيجبر؟ -من أنتَ؟ -انا من وقع على عاتقه ان يأخذ بثأر قديم.. انا من خذله أقرب المقربين انا شبل ل...
