اسود القادسيه (الاصليه)

البارت الثاني والثلاثون

#البارت الثاني والثلاثون
#اسود_القادسيه
بقلمي كاريانا 🌿

وجينـه نشتكيـلك عذاب اجروحـنــه ولوعـة هوانــه

_

ولجج ليان ركض شلتها فاقده باوعت لبراء بخوف ورفعت اكتافها بمعنه ما اعرف وكالت بحيره

براء:كوم ناخذها للمستشفى ما اعرف شبيها يجوز هبوط لا تخاف...

هزيت راسي بايجاب وكلت

-بسرعه عبايه رداء ايشي...

راحت ورجعت لابسه ردائها ولبست ليان وعدلت شالها وكالت

براء :شيلها شاهين...

شلتها ونزلت بسرعه ونوب كلهم تكدسن كدامي وعماتي وخالاتي يخزرن بيه وبالاخص عماتي انوب عمتي ساره تبخرت...

انداريت على براء استعجلها

شاهين :بسرعههه براء بسرعههه
نزلت تركض صادفت عمر صحت بي

شاهين :عمر بسرعه افتح السياره بسرعه
اجه سراج وشافها كال بخوف

سراج :اسم الله اسم الله،شكو شبيها وانته شبيك...!

شاهين :تخربطت وامها مدري وين اختفت واخوانها بالچادر ابقه بمكاني هسه نرجع
وافقني وكلت
:ديلا براء
شغلت بصعوبه وحده مجرحه وحده مكسوره وبعدها مشيت الطريق كله اهمس بيني وبين نفسي

-يا ربي دخيلك لا تفجعني بيها...
يا ربي من صحتي لصحتها ومن عافيتي لعافيتها
يا ربي من عمري العمرها...

بس وصلنه المستشفى انداريت شلتها حته نفسها قل عفت براء وكتلها

شاهين :براء هاي نفسها قل اقفلي السياره وتعالي اني هنا بباب الطوارئ انتضرج

خطيه هي هم ما كالت باطل....

اخذوها مني ارتجيت ع الحايط ارجف وبراء تمشي ورايه بهمه خايفه...
يا ربي دخيلك لا تفجعني بيهااا...

وبعد محد منهم بين.. وبراء تحوس خايفه واني بس صافن ساعه وماكو احد طلع طبيب بسرعه كمت

سألته :ها دكتور بشر زينه!

حجيتها بخوف وهو عكد حاجبه وانفجر بالضحك اني وبراء ضلينه واحد صافن بالثاني

الطبيب :يا يابه شبيك خايف ضغطها هبط وفقر دم حاد البنيه متعرضه لصدمه نفسيه ف اليوم تبقه بل مستشفى حالته مستقره عندك احد اتوفى صاير بيكم شي؟

تنهدت براحه احس كلبي هسه ياله رجع ينبض من الخوف

شاهين :اي دكتور اليوم توفت جدتنا الله يرحمها.

هز راسه باسف واردف

الدكتور :الله يرحمها،ابني ادخل انته والبنيه الوياك اكو قنفه جوه احسن ما تبقون بهل حر...