اسود القادسيه (الاصليه)

البارت الواحد والثلاثون

#البارت الواحد و الثلاثون
#اسود_القادسيه
بقلمي كاريانا 🌹🌼

شنفضهن نفض
شو كلهن التمن
‏لا عطوة النطني
ولا رضن يهدن
‏شگثر أسهام كلهن
فد وكت هدن
‏سهم وداع
سهم أوجاع
‏وسهم عمري
وشبابي الضاع
‏شنفضهن
ونيابهن حدن !
‌
......

اشهب...

كلنه دخلنه بحاله صدمه وضلينه صافنين شاهين شويه وكانه استوعب الموضوع وكال بالم

::- امي شبيها شلون ماتت امي..

عيونه انملت بالدموع نرجس تشهك عافت ليان وطبت منهاره والنسوان بباب المطبخ تباوعلهم وهو يضغط على رجله حته ما تنزل دموعه
رجع عاين بعدها فاقده الوعي حاول يصحيها يحجي مختنك

شاهين ::- بابا باباتي اصحي بنياتي

هلكد ما كلها تصيح وتبجي ومخبوصين ناوشته ماي يرش على وجهها صحت مفزوعه تباوعلنه وترجع تباوعله وكأنه تحاول تستوعب

حط ايده على حلكه وهمس

::- اشش صوتج ما اسمعه الولد منا...

حاولت تكوم ما تكدر كامت وبسرعه رادت تكع سندها وصلها لباب المطبخ وهو حاني ظهره يغمض عيونه بقوه ويرجع يفتح
عزيناه وكال

::- يلا لهلكم ارتاحوا...

حالتهم تكسر الخاطر فد مره تحسهم يمشون بس ما يدرون وين رفضنه وسرمد كان اكثرنه اصرار

فاهد :لا والله ما نروح شني قابل واذا بقينه

سرمد حضن شاهين يطبطب على ظهره وكال بنبره قويه

:- البقاء لله وحده خويه والبقيه بحياتك بعد اخوك وياك لاخر نفس مو اعوفك بشده

ابتسم شاهين بتعب وراح سرمد يتصل على امه

سرمد :ألوو.. هلا يمه شلونج.. بخير زين.. يمه يومين وارجع.. لالا ماكو شي بس صاحبي عنده فاتحه نوكف وياه.. تمام تمام.. الله وياج

شافنه صافنين زمخ بينه بعصبيه

::-امشينه اشهب انطيني شماغ لان شعري مال هتليه عيب.. ديلا فاهد نروح نبدل

ايدناه رحنه بدلنه ورجعنه واحنه نتناقش علموده لان فد مره حالته...
رجعنه لكيناه كاعد بالطرمه دكم الدشداشه مفتوحه وشماغه بيده المكسوره وحاط ايده الثانيه على راسه وعيونه حمر كلش

تقدم سرمد وهو يحجي عليه

سرمد :كافي شاهين اتقوه شويه شد نفسك!

كومه فاهد يلف الجراويه عله راسه وسرمد يعدل الدشداشه عليه ويدكمله وهو يجر النفس بشهكه صدك يكسر الكلب

جانت الحجيه أعز اعزاز شاهين محد جان اله بس الحجيه وليان واخوانه
اهتمت بي الحجيه شيماء بالوكت الي امه تركته
اخخ صدك لو كالو الام التربي مو التخلف..
وشاهين مكسور على امه...