اسود القادسيه (الاصليه)

البارت التاسع والثلاثون

#البارت التاسع والثلاثون
#اسود_القادسيه
بقلمي كاريانا 🎶🌿

الـــيلة بـــيبان الـــحزن كــلش چـــبيرة

.......
اشهب...

بعدما اجانه الخبر منين؟ من عم شاهين الي اسمه حيدر

حيدر :انته اشهب؟

اشهب :اي عمي طمني عن شاهين ما جاي احصله..

حجه بطريقه مستفزه تنرفز
حيدر :يمكن مات...
عفته وطبيت على جنات نزلت تركض تحجي بخوف وهلع

اشهـب :جنات لبسي عباتج وروحي تأكدي من ليان عليج الله كلبي يوجعني من كلامهم هي هم ما كالت لا ركض طلعت...

جنـات:طلعت بسرعه الله لايكوله لا اشهب يصبر بدون شاهين ولا ليان تعيش بدونه..

من تأكدت من الخبر ما سيطرت على دموعي بعد وهي تهزني تحجي بخوف

ليان :جنات صحيح الحجي

سكتت مدنكه أيدي على عيوني بس اريد اتماسك وهي بيدها كلاص مي وكع تفلش..

رجعت حجت بعصبيه
ليـان :جنات انطقي كولي لا كولي جذب فرقان يجذب مووو

جنات :ااي ايي يجذب طبعا يجذب
اني رايحه باليل اخابرج عيوني

طلعت ركض للبيت ما أكدر اكوللها حبيب روحج الي تدافعيله مفقود وع الاغلب اتوفى مثلما كال اشهب رجعت تلكوني اشهب دموعه بعينه ع دجه الباب كاعد وامي تمسح على كتفه تقنع بي وهو هلكد ما مخنوك ما يكدر يحجي

من شافني كام مستبشر هزيت راسي لا وهو رجع لمكانه يمسح على شعره بقوه يحاول يهدا بس ماكو شيفيد دموعه تنزل عشره عشره ويردد هل كلمتين سحك كلوبنا عليه

::- عضيدي شاهين عضيدي..

الله يصبرهم ويرجع شاهين سالم لاشهب وليان الي الله اعلم شسوت هسه

ليان...

راحت جنات والخوف اخذ ثلثين عمري معقوله؟
معقوله شبل الأسد مات وعافني، الي مستنده عليه راح؟ الي اهدد بي الدنيا وما بيها ماكو..

طبيت وفرقان ساد الطريق دفعته بخفه لزم أيدي بس ما حسيته مجرد لزم أيدي حسيته حرگها لان حيللل حقدت عليه، دفعته بقوه وحجيت بتهديد

ليـان :احترم نفسك لاخر مره اكولها الك..

فُرقان :لا تدخلين للديوان..

نترت بي بعصبيه
ليان :تنجب وما تتنفس لا وحق داحي الباب اكبرك يا فرقان..

تقدم وهو يحجي بتهديد وضخامته تساوي ضخامه شاهين حتى وسامته الا اني اشوفه كتله قذاره
اجذب إذا اكول ما خفت..

فرقان :اني الج ست ليان لاكيه دلال بويه وشبيه اني شبيهههه شناقصني مال وجاه وسلطه وجمال شرايده منو شاهين منووووو لو تموتين عليه هذا العار اخيسه وبعدين دوري!