اسود القادسيه (الاصليه)

البارت الأربعون

#البارت الأربعون
#اسود_القادسيه
بقلمي كاريانا 🌿

يالبيه عشت ثنين ضحكي وحزني
مشتاگلك بس الجرح حارجني
______

اني مو شاهين
هنا اني ماكدرت اسيطر عله دموعي كعدت عله حيلي اشهك ما اعرف ليش هل موقف هلكد اذاني وشنو الشي او شنو السر المخفي بشاهين ويخليني هيج احس روحي معلكه بيه..

كعد كدامي خازرني ويحجي بنتر وعصبيه

ريـاض :شبي شاهين وحابج ومتخبل عليج ما اعرف انتي انسانه جدا ضعيفه وما تستحقين ربع حبه الج لو اني منه ولا اباوع بوجهج اصلا بس ما اعرف شنو العاجبه بيج عله شنو تبجين ادعيله بمكان هل دموع..

حاطه أيدي عله حلكي اشهك فات سراج شافنه اجه بسرعه سحب رياض نتر بيه شاله من ياخته ودفعه وهذاك خازرني ويحجي بعصبيه وسراج صاير بيني وبينه تمنيت شاهين موجود والله ما جان قبل على رياض ولا قبل أحد يحاجيني

ريـاض :بطلي طفوليه وصيري قويه لان تظلمينه وياج..

سراج لزمه من ياخته عيونه تجدح نفض رياض وصاح بي .

سِـراج :رياض كافي بس منو نخاك تحاجيها

ورياض خازرني اخذ الملفات سراج من الكاع ولمهن وشمرهن على رياض ونتر بي
سِـراج :وديهن

اخذهن رياض وراح وسراج عيونه شرار بس ابتسم بوجهي ومدلي ايده سحبني كمت طلعنه للكراج كعدنه قريب ع الحديقه الجو حلو همس بهدوء

سِـراج :لبوه؟

لـيان :ها سراج؟
تنهد واردف بتعب وروح مرهقه
سِـراج :شبيج لبوه؟

هزيت راسي برفض والدموع ماليه عيني هو بس اني هيجه ضعيفه لو هي السالفه مو هينه؟

لـيان :ما بيه بس مختنكه حيلل مختنكه

سِـراج :ليان لا تهتمين لكلام رياض خيولي..

عصرت دشداشتي بأيدي حيل وهو انتبه لرده فعلي اردفت بتردد

-لا ما يولي كلامه كله صحيح

سِـراج :ليان اخوي يكره جنس حواء كاملا بس انتي يموت عليج، تدرين ليش؟

رفعت راسي متفاجأه من كلامه بس همست

ليان :لا

سراج :شاهين يحب طفوليتج وخجلج هدؤج وانج ما تتكلفين بتصرفاتج لا تتصرفين باريحيه ويانه معليج برياض يولي.. بس لا تبجين لان شاهين يزعل منج لو دره بس..

اومأت بايجاب واردف بقله حيله

ليان :سراج ما اعرف اذا راح تفهم قصدي او لا بس احس بخنكه وخوف وقلق كلش هوايه ومو بيدي ما أكدر احبس دموعي شنو ذنبه يروح بعز شبابه وفوكاها كلام عمي يخوفني ووصيه بيبي هواي وصتني بشاهين....