اسود القادسيه (الاصليه)

البارت الثامن والعشرون

#البارت الثامن والعشرون
#اسود_القادسيه
بقلمي كاريانا 🌿

كالولي هم عطشان
كتلهم هواي
مافهمو المقصود
ركضو على الماي

..

هود :انته المبجيها وتسال؟

هارون :مالك مره يمنه ولي!

رفع عينه خازرهم وكال بهدوء مبطن بالعصبيه

شاهين :الله يحبكم وجبتوها جان موتتكم وحق الله! تعالي باباتي منو مبجي هل عيون الحلوه!

هارون :هااا هااا أكرن!

حط ايده على راسه بالم واردف

شاهين :اخ ذاليني مذله ولد الحلو أعقد واعلمكم بس شبيها

تجتف هارون وكال بجزع

هارون :اسم الله عليك صعدت تبجي وتشهك خاتله بغرفتنه واحنه نايمين فزينه ع صوتها!
تالي طلعت جافصه جفصه صغيرونه وياك وكاعده تبجي!

شاهين :فتحت عيوني بصدمه عله طفوليتها وضعفها!

بابا بنياتي ليش هل دموع ترا ما كلتي شي چا واذا حجيتي بأحد! ما ازعل ابويه انتي يا عيونه لشاهين خرب روح سراج الفضحنه وكال اله نبقه للباب!
بعدين انه ما زعلان لان كلتي هيجه واذا يا بابا چا من نطلع ما نشوف احد! ما نكول فلانه طولها حلو او طالعه حلوه! عبالج منكول نكول واني مضايج منج لان ما كلتي شي ابويه انتي انعل ابو اليزعلج!
لبو اليفهمج غلط ويبجي ها لعيون! لا تضلين تبجين دموعج نار عله كلبي!

يحجي ويمسح دموعي ومبتسم بحنيه اندار عليهم يحجي صاك على أسنانه واني دموعي ما تقبل توكف من الفشله

::-وانتو ثولان غير تفهمونه انو ما بيها شي ولا كالت شي غلط!
وبعدين انتي شتكولين ما ازعل باباتي! شو مسحي دموعج، ما اريد تبجين بنياتي الي يغثج دوسي على راسه وكسري خشمه، واذا ما تكدر يله تصيحيلي افصم ظهره.. باباتي انتي خرب روحي إذا تبجين بسببي كون الله ياخذني!

مسحت دموعي واردفت

ليان :اسم الله عليك..

شاهين :ديلا كومو نتعشه ولا تبجين يروح شاهين، لا تبينين روحج ضعيفه كدامهم وانتي قويه لا تخلين دموعج تغلبج خليج قويه والي يدوسلج عله طرف جن الله ما خلقه، كومي وبالاخص سرى لا تهتمين لكلامها ترا هي بيد امها شلون ما تريد تفرها..

هزيت راسي بايجاب لان كلامه واقعي جدا كال هود وهو يكوم من القنفه

هود :ديلا امشو

ايده شاهين واردف بقله حيله يحاول يسند نفسه بس مدا يكدر

شاهين :تعال هارون ايدك ما أكدر اضغط على رجلي

اندار هود وكال بحيره

هود :شلون اجيت لعد؟

شاهين :رضا جابني سحل والله تملخت بس لعيون بنياتي كلشي يصير...