Moonlight 🌘 (මූන්ලයිට්) [COMPLETED]

Part 1

"සර් මම කියන දේ පොඩ්ඩක් අහන්නකො..අනේ මට එක පාරක් ඉන්ස්පෙක්ටර් එක්ක කතා කරන්න දෙන්න. මං ගාව මගෙ අයිඩී, වැඩ කරන තැන අයිඩී එක හැමදේම තියනවා...මම වැරැද්දක් කරේ නෑ අනේ ප්ලී-"

"වැරැද්දක් කරේ නෑ?? එහෙනම් අපේ අතටම මාට්ටු වුණේ බීලා ඩ්‍රයිව් කරනවා...?!"

හෙණ ගහනවා වගේ ඒ කියපු එකටනම් මටත් පොළව පලන් යන්න හිතුනා. එතනම පුටුවෙ ඉඳන් හිටපු කොල්ලටත් ඒකට හිනා යන්න ඇවිත් කට තද කරන් අහක බලා ගත්තා. දෙන්න හිතයි අහක තියන එව්වට කන දාන් ඉන්න එනවට. ඒක එයත් එක්ක පස්සෙ බලාගන්න පුලුවන් ඊට කලින් මේක විසඳන් ඉන්න එපැයි.
"හරි-හරි මේහෙමයි ඩ්‍රින්ක්ස් ගත්තා කියලා මැෂින් එකෙන් කිව්වා තමයි ඒත් මම එච්චර ඩ්‍රින්ක්ස් අරන් හිටියෙ නෑ. ඩ්‍රයිව් කරන්න තියනවා කියලා දන්න නිසාම පොඩ්ඩක් ගත්තේ...අනේ අහන්නකො-"

"ඒක ඉතින් අපි දන්නෙ නෑ සර්. ඉන්ස්පෙක්ටර් දෙන ඕඩර් එකට තමයි අපිත් වැඩ. එතකන් ඔතන ඉඳගෙන ඉන්නකො."

මාත් එක්ක කතා කර කර හිටපු රාළහාමි එහෙම කියලා ඇතුළට ගියා. මං එහෙම්ම එතන තිබ්බ පුටු පේළියේ පුටුවක ඉඳගත්තා...නෙවෙයි ඉන්දවුණා.

ඇයි දෙයියනේ ජීවිතේටවත් පොලිසියට ඇවිත් නෑ, එන්න වෙන තරමේ වැරැද්දක් මං කරලත් නෑ. මදැයි ඒ ඔක්කොටම හරියන්න ඉස් ඉස්සෙල්ලම පොලිසියට එන්න වුණ හැටි...මහ රෑ තට්ට තනියම.

අද රෑ ඔෆිස් එකේ පොඩි පාටි එකක් තිබුණා ඇසිස්ටන්ට් මැනේජර් ට්‍රාන්ස්වර් වෙන එකට. මම සාමාන්‍යයෙන් රෑ පාටීස් වලදි ඩ්‍රින්ක්ස් ගන්නෙ නෑ ඩ්‍රයිව් කරන්න තියන නිසා, ගත්තොත් ගන්නේ මට ගෙදරට යන්න වෙනින් ට්‍රාන්ස්පෝට් එකක් තියනවනම් විතරයි.

අද මට ඩ්‍රයිව් කරන්න තියනවා කියලා දන්න නිසාම ඩ්‍රින්ක්ස් ගන්නෙ නැතුව හිටියා. ඒත් ඇසිස්ටන්ට් මැනේජර් සින්ඩි මම ළඟින්ම හිටපු කෙනෙක්. අනික ගොඩක් වෙලාවට එයා නිසා හිස් වෙන තැන හම්බෙන්නෙ මට. ඉතින් ඔය හැමදේම නිසා එයා පෙරැත්ත කරා පොඩ්ඩක් එන්ජෝයි කරමු කියලා.

අද විතරනෙ කියලා මාත් ඔන්න ඔහෙ පොඩ්ඩක් එයාගෙ ග්ලාස් එකෙන්ම බිව්වා. කවුද හිතුවෙ ඉතින් මේ පොලිස් දූතයො දෙන්නා අදම පාර මැද රැකගෙන ඉඳලා මට අර බෝලෙ පුම්බන්න කියයි කියලා. අදනම් රාහු කාලෙන්ද කොහෙද එළි බැහැලා තියෙන්නෙ.