وصلو البيت نور نزلت من العربيه بسرعه وفريده نزلت وفارس مشى على الشركه حقتو نور دخلت سلمت على حبوبتها واتونست معاها واكلت معاها
حبوبه : اها يبتي بتين حنشوف وليداتكم انتي وفارس
نور خجلت من السوال
نور : لمن اكبر شويه ي حبوبه
حبوبه : ي بتي الحياه م معروفه يلا قومي اطلعي عايزه انوم
نور بهظار : حبوبه بتطرديني
حبوبه وهي بتتغطى ف البطانيه : اي
نور طلعت ومشت ودت العده المطبخ
وبعداك مشت غرفتها استحمت وغيرت وصلت وفتحت المكيف
نور : انا قاعده استهتر بقرايتي بس انوم بعدين إقراء
ثواني ونامت
.....
كانت قاعده ف غرفتها وماسكه تلفونه ف شات زول معين
فريده : ارسل ليه ولا لا
فريده: بعدين يقول عني شنو
فريده : لا لا
وقفلت التلفون وبقت تفكر فيه هي اشتاقت ليه شديد ليها شهر م شافتو بسبب شغلو
المهم نامت بدون م تحس
.......
فارس دخل مكتبوو بعصبية لانو بسبب غباء زول خسر قروش كتييره
فارس : مرييييييم
جات السكرتيره مريم برعب
مريم :ايوا ي استاذ فارس
فارس : نادي لي احمد
مريم بخوف : حاضر وطلعت بعد دقائق جاء احمد
فارس قام اداهو بوكس ف وشو
فارس : انت قايلني م حعرف ي احمد يبقى انت غبي انت كدا ولعت النار
احمد ببرود : ظابط يزول انا ماشي
وطلع
وفارس بقى متعصب ودخل غرفته السريه كانت كلها عباره عن صور نور وهي بتضحك وهي زعلانه
فارس طلع تلفونو وضرب ليها
......
نور ف عز نومتها صحت بتلفونها بضرب
ردت
نور : زفتتتتك انا عايزه انوم
فارس : شنو يمزتي ف زول بقول كدا ل راجله
نور بعد استوعبت انو ده فارس
نور : عايز شنو ي فارس
فارس : عندك نص ساعه تجهزي عندي ليكي مفاجاه بس ي نووووور المح ف وشك ف نقطه ميكاب ليلتك سودا
وقفل فيها الخط
نور بعصبيه : يخ ابو انفصامك ده
نور دخلت الحمام غيرت هدومها ولبسه جينز اسود واسع وبلوزه بيضه وجكت اسود واسع وخلت شعرها فاكي ولبست اكسسوارات وكانت طالعه مزززه بدون اي شي هي مزه جاتها رساله من فارس قال ليها انا تحت
شالت العطر اتعطرت ونزلت
.....
فارس كان منتظره تحت وبعاين ل تلفون فجاه جات فتحت الباب وريحته دخلت العربيه قبلها هو قبل وياريت م قبل لقى حوريه قدامو بس الاستفزو شعرها الخلاه فاكي والاكسسوارات وفجاه انتبه انو هي م لابسه الدبله بتاعته
فارس : ممكن اعرف د شنو ؟
نور باستغراب: ف شنو
فارس : اول شي مش قولنا نلبس طرحه ؟
نور رفعت حاجبه الحركه الهو بكرها فيها بسسس
نور : فارس حاعيد ليك انا مستحيل البس الحجاب عايز تقتلني اقتلني
فارس سكت وبقى بعاين ليها الساعه فتح العربيه ومشى بسرعه نور لمن خافت مشى باعلى سرعه بالعربيه ونور بتصورخ
نور : فارس وقف العربيه
فااارس : نووووور
نور عاينت ليه لقت عيونو بقت احمر
نور خلاص كانت بتبكييي
فجاه فارس هدى العربيه وعاين ليها
