فارس بقى متنح فجاه م قادر يصدق انو اخير حب طفولتو الحبها من اتولدت اعترفت ليه اسي وهم ماشين ع المطار نور استغربت سكوتو أتوقعت انو حيفرح بس سكوتو صدمها
نور : فارس
فارس جاها وبقى يعاين ف عيونها بحاول يوري قلبو انو هي بجد اعترفت ليه البت البحبها من اتولدت طلعت بتحبو هي زاتووو عارف انو اكيد م حتكون حبت من زمان بس احساس انو هي طلعت عندها مشاعر ليه براها بالدنيا
فارس دمعتو جات نازله نور لمن اتخلعت
نور : فارس انت
قبل م تكمل كلامها شالها وبقى يلف بيها بصورخ وهي بقت تضحك ع عملتو
فارس: انتي م عااارفه ي نور انتي سويتي فيني شنووو اخخخ م مصدق انو طلع عندك لي مشاعر يخ بقى عندي سبب قوي بزياده اني اتغييير
نور بقت تعاين ل فرحتووو هي زاته كانت فرحانه عشان فرحتو المهم طلعو والاتنين مبسوطين وماسكين يدين بعض وطلعو لقو محمد وفريده قاعدين بخلطووو لمن شافوهم ماسكين يد بعض
محمد بهظار: اوووه عصافير الحب جو اخيرا
فارس غمز ل محمد ومحمد فهمو وقال ليه مبروووك بدون نور م تلاحظ المهم طلعو ع المطار وكانو كلهم فرحانين عشان هم راجعييين واخيرا بقو منتظرين طيارتهم
فريده جات ل نور
فريده : نوور
نور عاينت ليها وحضنتها
نور: انا م بقدر ازعل منك قدر ده بس تاني م تعيدها والف مبرووووك ع ارتباطك انتي ومحمد يقلبي انتي م عارفه قدر شنو انبسط ليكي
فريده : انا مبسوطه انو سامحتيني والله يبارك فيكييي شايفه ف مواضيع فاتتني شايفه علاقتك انتي وفارس
نور: فريده اقول ليكي شي بس م تفضحينا
فريده : اها انطقي
نور: اعترفت ل فارس الليله اني بحبوو
فريده صورخت صرخه خلتهم كلهم يعاينو ليهم
نور : الليله ي فضحيتنا
محمد وفارس جو
محمد: فريده ف شنو انا عارف ف سبب سخيف
فريده : بوريك بعدين وحضنت نور
فارس: انا مبسوط انو رجعتو صحبات
نور: لا يحبيبي نحن كنا زعلانين بس
فارس تنح مع كلمه حبيبي وغمز ليها ونور خجلت فريده ومحمد كانو مبسوطين ليهم ودعو ربهم انو م يفرقهم ابدا المهم شويه وجات مواعيد الطياره حقتهم وركبو وكل زول مع بعض بس المره دي حرجعو نور وفارس زوجين بحبو بعض وفريده مرتبطه مع الزول البتحبو ليها خمس سنين كانو كلهم مبسوطين
......
اسيا كانت بتجهز في شنطهم لانو كانو حسافرو بعد عرس دوروك ب يوم كانت م مصدقه انو ولده حعرس وم قدره تصدق انو حتشوف بتها بعد ست سنين جهزت شنطها بس كانت حزينه عاينت ل ورقه الطلاق شالت القلم وقعت وشالت ورقه فاضيه وكتبت رساله طوويله عريضه ل محمد ونزلت ختته ف مكتبو ورجعت غرفتها استحمت وصلت ونامت لانو بكره وراها صحيه بدري
عبدالله جاء راجع البيت دخل مكتبو لقاء ف رساله ختها ف الدرج وقفل ولا اشتغل بموضوع الرساله وفتح لابتوبو وبقى يحاول يشغل ف روحو لانو خلاص اسيا حتمشي وتاني بس هي خانتو م بتستاهل انو يفكرو فيها اصلا ( والله زي الكلب تندم بعدين اصبر بس) شويه وقفل لابتوبو وطلع غرفتو استحمى وصلى ونام
