كان قاعد بدخن وبفكر في شي فجاه جاهو زول داخل الاوضه عاين ليه ببرود ورجع يدخن
محمد ابو فارس: عرس اختك بعد يومين وانت ما ناوي تجي ي فارس؟
فارس عاين لي ابوه ببرود ورجع يتم سجارتو
محمد ابوفارس اتغاظ من حركتو وشال السجاره من يدو وجدعها
فارس بعصبيه: ليييي؟
محمد ابو فارس: انت قاعد تدمر حياتك ب يدك وعرس فريده حتجي زي الفالح ي فارس
فارس : م عايز امشي اي عرس ي ابوي م عايز م حتجبرني
محمد ابو فارس بعصبيه: عرسسسسس اختكككك وصاحبك ي فااااارس
فريده جات على اثر صراخ ابوها
فريده: ابوي في شنو؟
محمد ابو فارس: ولا شي ي فريده ارح ي بتي وطلعو
فارس بقى يعاين لي اثرهم وولع سجاره تانيه ورجع يفكر
في تركياا:
كانت قاعده تعمل في الغده ومندمجه جاها شافع صغير مسك رجلها عاينت ليه لقتو حفيدها ابتسمت ليه وخلت البتعملو وشالتو وبقت تلعب
اسيا: عزيزي عمر ما الذي تفعله هنا؟
بقى يتكلم ف كلام م مفهوم وباشر ليها ابتسمت ليههه ونزلتو وقطعت ليه موزه وقاعد ياكلها فجاه سمعت امو بتناديه
اسيا: ميرا انه هنا معي
جات ميرا ابتسمت لي اسيا وعاينت لي ولدها الكان بياكل ف الموزه
ميرا : اتمنى انه لم يزعجك خالتي
اسيا: لا لم يزعجني عزيزتي
ميرا ساعدت اسيا ف الغدا وشويه وجاء دوروك وعبدالله(طبعا عبدالله اتصالح مع اسيا ف الخمس سنين ورجعو لي بعض ودوروك وابوه علاقتهم اتحسنت )
عبدالله : ما هذه الرائحة الزكيه
دوروك: امممم انني اشعر بالجوع
عمر: ده ده
دوروك عاين لي ولدو وابتسم وفتح ليه يدو عشان يجيه عمر مشى ليه ودوروك شالو وبقى يبوسو ويحضنو وعبدالله بعداك شالو ولعبو مع بعض واسيا وميرا ختو الاكل وقعدو ياكلو وكان مبسوطين بس كانو مفتقدين نور
..........
صحت من النوم متاخر عاينت لي الساعه 12 ضهر دخلت الحمام واستحمت وصلت وقرت ليها شويه قران بعداك نزلت عملت ليها فطور لانها كانت جعانه واكلت وبعداك رجعت لبست هدومها عشان كان عندها شغل بدوام جزئي طلعت ومشت لي المستشفى وبدت تشتغل بكل ضمير( نور بقت دكتوره ) خلصت قريب المغرب وبعداك طلعت طلبت ليها اقرب تكسي ورجعت البيت مرهقه دخلت استحمت وصلت المغرب وعملت ليها عشا وبعداك فتحت التلفزيون بقت تتفرج لحدي م زهجت قامت رجعت غرفتها مسكت تلفونها لقت صحباتها الانجليز كانو مرسلين ليها م اشتغلت بيهم وطلعت بقت تتصفح الانستا شويه قفلت الانستا وقعدت تفكر ف فارس حيكون كيف بقى بعد غياب خمس سنين وبقت تفكر ف أهلها وعمها وفريده وحبوبتها الهي م عارفه انها اتوفت قبل تلاته سنين نامت وهي بتفكر
............
كانت قاعده ف غرفتها وبتتجهز لي العرس بتاعها فجاه تلفونها اتصل ابتسمت لمن شافت الاسم ردت
