نور رجعت غرفتها منهاره فارس عاين ليها بانكسار م عرف يسوي ليها شنو قعد جنبها وحضنها ونور قعدت تبكي لحدي م نامت فارس شالها ورقدها في السرير وبقى بعاين ليها وبعداك نزل لقى عبدالله لسه في الجنينه مشى قعد جنبو عبدالله عاين ليه وسكتت مسافه حتى اتكلم
عبدالله: هل نور كرهتني للدرجه دي؟
فارس عاين ليه ورجع عاين للزرع القدامو
فارس ببرود:ماف بت بتكره ابوها مهما ي عمي عارف العملناهو غلط وانا عارف اني الغلطت في حقكم وهوسي بيها هو الاذاها لكن ي عمي نور محتاجاك نور عاشت ست سنين بدونك انت م عزبت روحك تجي تشوفها ولا تتصل هل متوقعه تجي تحضنك عادي؟ تقول ليك بابا انا اشتقت ليك بالسهوله دي ؟؟
عبدالله عاين لي فارس مسافه وبعداك قام وم اتكلم معه فارس قام مشى غرفت اختو لقاها نايمه في المصلايه وباسدال الصلاه ابتسم ليها حاول يقلعه العبايه لكن م حقدر طلع ليها الطرحه وشالها رقدها في السرير وفتح ليها المكيف وغطاها وبعداك اتزكر محمد طلع من غرفت فريده واتصل على محمد بعد اول رنه محمد رد
محمد: انتو كويسين ؟ فريده حكت لي مرتك كويسه ؟
فارس وهو بتنهد: نور م كويسه ولا انا كويس بحاول اكون كويس عشانها
محمد : كلو بهون يصحبي بس ادعي وهي محتاجاك جنبك
فارس بتعب: عارف بحاول اكون كويس
محمد: يلا امشي ارتاح بكره جاي الشركه؟
فارس : لازم اجي في اجتماعات مهمه حاخلي نور مع فريده بس
وقفلو فارس دخل غرفتو لقى نور نايمه بطريقه حلوه شديد ابتسم وقربه من حضنو ونام بعد يوم طووووويل
..........
فريده صحت الساعه اتنين وهي عطشانه شديد لقت روحه ف سريره وب اسدال الصلاه ابتسمت عارفه ده فارس الشاله قلعت الاسدال ونزلت عايزه تشرب سمعت صوت حاجه بتكركب بره ختت الكوبايه ومشت على جهه الصوت وعايزه تشوف ده شنو فجاه شافت ظل زووول جنب مكتب ابوهاا
فريده برعب : حراااااااااامييييييي ي نااااااااااس اععععععععععع وقعت من كترت الرعب
البيت كلو نور وفارس ونور جو جارين وحبوبه واسيا جو طالعين
حبوبه : استرنا يارب اخر الليل دي
نور وفارس: في شنو ؟؟؟؟؟
محمد : فريده وين الحرامي حرامي شنو ي بتي ؟
فريده عاينت لجهه ابوها الكان قاعده قدام مكتبو وشايل ليه ملفات وعاينت للباقين واستوعبت انو الحرامي م كان الا ابوهاا
فريده بابتسامه غبيه: ابوي حبيبي كنت قايلاك حرامي والله بعدين البجيبك مكتبك بليل الساعه تلاته شنو ؟؟
فارس وبدا يفقد عقلو بسبب اختو: فريييده
فريده عاينت لاخوها لانو فارس م بحب زول يقاطعو في نومو ابدا
فريده : عيون فريده
حبوبه : استغفر الله العظيم يارب اديني الصبر حتقتلوني بجلطه ابو اهلك انتي وابوكي ي فريده ومشت لغرفتها واسيا م كانت فاهمه شي لكن من الانظار الحوليها عرفت انو شي غبي كانت عايزه ترجع فجاه تلقى عبدالله جاي بعصايه وببجامه نوموو وشعرو منكش بطريقه مضحكه
