فريده عاينت ليه وهو عاين ليها منتظر إجابته وهو خايف م عنو هو مراقب حياتها كلها بس كان خايف يكون عندها مشاعر لزول
فريده : للاسف م لقيت الزول المناسب لي
محمد ارتاااح وقرر يعترف ليها قبل م يصلو السودان وكدا
محمد : أنا بكره عازمك حفله رايك شنو نمشي نجيب ليكي فستان
فريده: أنا عندي فستاااان الحفله محتاجه حاجه اوفر؟
محمد : لا ابدا
فريده ابتسمت وهو ابتسم وطلع تلفونو وقال ليها دقيقه وراجع مشى عمل ليه اتصال وجاء راجع وبقو يتمشو ويتونسو وكان عايشين اجمل لاحظاتهم السفره دي جات بحاجه كويسه ليهم
فريده : رايك شنو نمشي حديقه حيوانات
محمد: من بين كل فرنسا عايزه تمشي حديقه حيوانات ؟
فريده: ايواااا
محمد : طيب أرح ومشو ركبوا ليهم تكسي
.....
فارس بقى عاين ل نور ونور كانت خايفه من رده فعله بس الصدمه موافقتو
فارس: حجيب ليك مراه تجي تعمل ليكي رايك شنو ولمن نرجع السودان تخشي كورسات بس ي نور بشرط الميكاب م يتخت الا انا اكون معاك
نور صرخت بفرحه
نور : حاااااضر بحببببك ي فارس وبقت تصورخ وهي م عارفه كلمه بحبك الجات من لسانها عملت لي فارس شنو
فارس جاها ومسكه وقرب ل صدرو
نور باستغراب : مالك ي فارس
فارس: عيدي الكلمه القولتيها اسي دي
نور استغربت بس فجاه اتذكرت الكلمه خجلت
نور: اسفه جات مع لحظه حماس
فارس عاين ليها مسافه وطلع وهو زعلان ونور عرفتو زعلان منها هي بتحبو بس خايفه تعترف ليه يزيد من تحكمو ليها شويه جات مراه عملت ليها ميكاب بسيط عجبها
نور عاينت ل نفسها بانبهار اول مره تشوف نفسها بالمكياج وكانت طالعه مزززه كان كل الميكاب حلو عجبها شديد اتصورت وكانت عايزه ترسلو ل فريده بس اتزكرت أنها زعلانه منها ف م رسلت نزلت تحت لقت فارس قاعد وشارد عاينت ليه بحزن هي عارفه روحه أنها ازتو بس هي خايفه خايفه من العلاقه دي مشت قعدت جنبو هو لا عاين ليها بس حسه انو هي قعدت جنبو
نور : فارس أنا خايفه
فارس استغرب وعاين ليها عاين الحوريه الكانت قاعده جنبو كانت طالعه مزه بطريقه
فارس بهوس :بسم الله ماشاءالله ربنا يحفظك لي يارب
نور خجلت وفارس انتبه ل روحو وابتسم
فارس: خايفه من شنو ي نور
نور: من علاقتنا لو اعترفت ليك بحبي ليك
.......
دوروك دخل البيت وهو بتكلم مع ميرا
دوروك : لماذا ي ميرا لم تخبريني بأمر ذلك الحقير
ميرا : اسفه عزيزي لقد كنت اود اخبارك لكن لم اود ان ازعجك ف أخبرت اخي
دوروك وهو الموضوع مزعلو: أليس أنا الذي سوف أصبح زوجك انظري اعلم اني غيرتي مبالغ فيها لكن اريد ان أعلم م الذي يجري في حياتك ميرا
ميرا بزعل على زعلو: اسفه دوروك أنها اخر مره سوف اخبرك مجددا أن تغازل بي أحد
دوروك : لن يكون هنالك مره اخر عزيزتي ميرا والان هل تجهزتي ل زفافنا
ميرا : أجل لقد جهزت كل شي وسوف ترى اميره يوم زفافنا
دوروك : لكنني أرى اميره الان
ميرا خجلت وبقو يتونسو سوا ( يخوانه علاقتهم كيوت حبيتو ياتو كوبلز ف الروايه ) قفل منها وهو مبسوط دخل لقى امو قاعد تصلي ووشه شاحب لمن خلعو بعد خلصت صلاه
دوروك بخوف عليها : م بك امي م الأمر هل انتي مريضه لماذا وجهك شاحب
اسيا عاينت ل ولده : انظر دوروك سوف اخبرك شيئ لكن ارجوك لا تخرب ع نفسك زفافك
دوروك : م الأمر امي
اسيا : أنا والدك سوف نتطلق
دوروك عاين ليها بصدمه معقوله حتطلقو اي علاقتهم م كانت ناجحه بس الوصلهم شنو انو يطلقو
دوروك م حب يسأل امو: الذي يريحك افعليه امي العزيزه ولا تقلقي لن تخرب مزاجي متى سوف تتطلقان
اسيا : بعد زواجك دوروك
دوروك عاين ليها وابتسم وبقى يواسي فيها وكل كرهو زاد لابوه لانو بكاء امو دي اغلى حاجه ف حياتو بعدو ميرا ونور. شويه انو هدت ونزل بكل عصبيه جاء داخل مكتبو لقاه ماف اتصل على سكرتير أبوه
دوروك : هل والدي ف المكتب جاكسون
جاكسون : أجل سيد دوروك
دوروك : لا تدعه يخرج أنا اتي
وطلع وهو معصب حرفيا
......
فريده ومحمد دخلو حديقه الحيوانات وفريده كل شويه بتعاين لحيوان كانت بتنصدم فيه وبجمالو وبتتصور وكانت زي الطفله أما محمد كان مركز فيها بس ومبتسم وكان بعاين ل ملامح الطفوله عندها بقى سرحان وهو مقرر انو م حيطلع من فرنسا دي الا وهو معترف ليها بمشاعره قطع تفكيرو صوت فريده
فريده : سرحان عبد البصير سرحان وين
محمد بدون م يحس: فيك
فريده باستغراب : فيني ؟
محمد ادارك الوضع
محمد: اها مالك بتناديني
فريده بابتسامه وهي بترجع الكانت عايزه : شوف القرد داك بعمل ف شنو
محمد قبل لقاه شامبنزي
محمد بضحك : ده شمبانزي ي فريده
فريده : لا قرد
محمد : شمبانزي
فريده : قرد قولت ليك
محمد بضحك : سمح قرد قرد
وبقى يعاينو للحيوانات ومحمد كل شويه يكتشف جنون فريده وحبو ليها بزيد
......
فارس عاين ل نور بعد كلامو القالتو عقلو وقف ليه انو هي بتحبو ف لحظه م أدرك أنو نور خايفه منو
فارس : نور أنا بحاول اتغير عشانك م ملاحظه انتي الشي ده
نور عاينت ليه وفعلا لاحظت تغيرو بس كانت خايفه يرجع زي م كان
نور : أنا لاحظت تغيرك ي فارس بس أنا خايفه ترجع زي م انت
فارس وهو بمسك يدها وبعاين ليها جوه عيونها : انتي بس كوني معاي وانا حاتغير ومستحيل ارجع فارس الكنتي بتخافي منو ي نور انتي حبيني وصدقيني متغير عشانك
نور عاينت ل عيونو كانت ف لمعه غريبه ف عيونو حست انو كلامو جاي من قلبو يعني م بكذب كانت عايزه ترد بس باب الغرفه ضرب فارس سب الفي الباب وقام مشى يفتحو ونور بقت تحاول تفكر هل تدي فرصه ولا
......
دوروك كان سائق بسرعه وهو شايف دموع امو هو اكتر حاجه بكره ف حياتو انو يشوف دموع اختو وامو وميرا ديل اكتر تلاته ناس لو اتجاوزت حددوك فيهم يعني موضوعك انتهاء وصل الشركه وهو معصب ودخل سال جاكسون أبوه وين وراه انو ف غرفتو لقى أبوه بيتكلم مع راجل وبقول ليه عايز ورقه الطلاق وصلو الليله
دوروك شال تلفونو ورماه ف الحيطه
دوروك: ما شاء الله مستعجل كمان عايز تتطلقه
عبدالله بعصبيه : ده شنو عملتوووو ي دوروك
دوروك : وانت د شنو العملتوو ي عبدالله انت عايز تخلص من امي صح
عبدالله: امك خانتني ي دوروك مع حبيبها القديم
دوروك وهو خلاص فقد السيطره ع نفسو: امييي م بتخون زول ي عبدالله امي م حتخونك امي لسه بتحبك بس هي م بتوريك عشان انت عملت اكبر غلط ف حياتك انو بعدت ام من بتها أنا م عارف الحصل بينكم شنو بس صدقيني بعد تتطلقها حتندم ي عبدالله حتندم عمرك كلو صدقني وطلع وحلى أبوه حائر م عارف كلام دوروك ده صح ولا الكس الجاه ورواهو صوره ليهم ف المول غمض عيونو واستغفر ربو
اعزروني لو فخطاء إملائي ❤️❤️
