فارس طلع من مكتبو لقى محمد قدامووو محمد كان عايز يتكلم بس فارس مشى وخلاهو وفارس بقى يجري هو بفكر بس في نور الكانت بتبكي ركب عربيتو واتحركك على البيت سرعه وصل لقى عمو قاعد مع ابوه وحبوبتوو عبدالله وقف وبقى بعاين ليييه
فارس ببرود: السلام عليكم ي عمي نورت
عبدالله بنفس البرود: بنورك
فارس عاين ليه ومشى غرفتو لقى نور قاعد في الارض وسرحانه قلبو وجعو عليها جاء قعد جنبها
فارس : نووور حبيبي
نور عاينت ليه وحضنتو
نور بتعب: فارس سوقني من هنا
فارس : حاضر حبيبي قومي البسي
نور طلعت ليها فستان اسود بسيط ولمت شعرها كعكه ونزلو
حبوبه عاينت ليهم
حبوبه: ماشين وين ي اولاد
نور عاينت ليها لقت ابوها واقف بعاين ليهم طلعت وخلتهم
حبوبه : ماشين ي فارس
فارس جاء باس راس حبوبتو
فارس: حنطلع شويه ونجي احاول اغير لي نور جو وكدا
حبوبه: طيب ي حبيبي الله يحفظككم
فارس مشى لقى نور قاعده منتظراهو شال مفاتيح عربيتو وطلعو
.............
فريده كانت قاعده في غرفتها م مصدقه انو عمها جاء بعد السنين دي كلها تلفونها اتصل كان محمد م عرفت ترد ليه وهي باله كله في نور ومرت عمها لبست عبايتها ونزلت تحت لقت حبوبتها قاعده بتحضر في التلفزيون
فريده : حبوبه وين خالتو اسيا
حبوبه: من الصباح قافله على روحه الاوضه ي بتي حتى م اكلت ليها شي كدي شوفيها
فريده عاينت ليه حبوبتها بحزن ومشت لي غرفه مرت عمها خبتت الباب ودخلت لقتها راقده وسرحانه
فريده بانجليزي : مرحبا خالتي اسيا كيف حالك
اسيا رفعت راسها وعاينت ليهاا بابتسامة وردت ليها
:انني بخير عزيزتي
فريده قعدت كان نفسها تتكلم معاها لكن حالته كانت تحنن شديد
فريده: م رايك ان ناكل معا اشعر بالجوع
اسيا: عزيزتي فريده لا اريد الاكل اريد ان انام اذهبي واسالي جدتك يجميلتي
فريده هزت ليها راسها وطلعت وهي بتفكر في حاله مرت عمها لقت عمها قاعد ف الحوش براهو مشت قعدت جنبو
عبدالله: اخخ ي فريده كبرتي وبقيتي عروسه
فريده ابتسمت ليه: ايوا ي عمو كبرت
عبدالله : نور بتي زاتها بقت حلوه
فريده عاينت لي عمها لقت دموعو نازله
فريده: عمو
عبدالله قاطعه: انا عملت اكبر غلط في حياتي خسرت عائلتي وبتي وولدي واسي مرتي وده كلو بسبب الطمع الفيني انا حبيت القروش اكتر من عائلتي
فريده: ي عمو انت عارف نور كانت مشتاقه ليك طول السته سنين افتقدت حنان الاب هي م بتقول كدا لكن هو واضح فيها
عبدالله عاين لي فريده كان عايز يرد جاء محمد ابوها
محمد: شنو ي اخوي رايك شنو نمشي نتمشى وتشوف السودان دي بقت كيف
عبدالله قام : ارح ي اخوي فريده تمشي معانا
فريده بابتسامه: امشو انتو استمتعو
ومشو وفريده زعلت على عمها وعائلتو
