فارس ونور عاينو للزول الكانت اتكلمت وكانت بت جميييله شدييييده لابسه بنطلون جينز ضيق وبلوزه حمره ضيقه وعامله شعرها كيرلي وخاته فل ميكاب
فارس : اهلين ملك كيفك ؟
سلمو على بعض ونور كانت ساكته
فارس : اعرفك ع نور مرتي ونور دي صحبتي كانت معي ف الثانوي
نور بابتسامه: اهلين اتشرفنا
ملك بابتسامه بشوشه: بالاكتر يمزه انا استاذن بعد ده ياريت نتلاقى تاني
نور وفارس : أن شاء الله
ومشت وجاء اكلهم اكلو وطلعو ع البيت
....
مرت شهر وامتحانات الشهاده جات ونور وفريده كانو مضغوطين ف القرايه م كانو بنومو كويس فارس كان بساعد فيهم وبدت علاقه فارس ونور تطور شويه لحدي م جاء اخر يوم من امتحانات الشهاده جو طالعين وكانو الاتنين مبسوطين
فريده: ياخ الليله اخر يوم وحنتحلى من الثانوي الزفت
نور ضحكت ليها : بعدين حتشتاقي ليها لكن
فريده : بري بري
ومشو ودعو صحباتهم شويه وفارس جاء حكو ليه عن امتحانهم الاخير
فارس ببسمه : بالتوفيق وان شاء الله حتخشو الجامعه العايزنها
نور وفريده : أن شاءالله
فارس : ارح عازمكم وعايز احكي ليكم عن مفاجاه
نور بحمااس: بجد شنو هو
فارس ابتسم ليها: خلي الشفقه يمزتي
نور مدت بوزه وهو ضحك عليها المهم مشو atmosphere وطلبوا كل م يشتهوه اكلو واتونسو وبعداك وداهم لذيذ يشترو اسكريم لانو ماف اسكريم يفوز غير حقهم وبعداك مشو الحديقه دخلو لعبو لمن فترو
فريده : الليله كان يوم ظابط يخ شكرا ي احلى اخ
نور عاينت لي فارس بابتسامه: شكراااا
فارس : عفوا يحلوين
مشو الفيلا وهم تعبانين سلمو على حبوبتهم وابوهم (عم نور) فريده دخلت اوضتها وفارس سبق نور ل غرفتو
عم نور : نور انتي سعيده مع فارس ؟
نور سكتت ف لحظه حست انو سوالو ده م عندها ليه اجابه لانو باختصار هي م عارفه هي الشي الكرهاهو فيه تحكمو الزائد عن اللزوم وغيرتو كانت نفسها بس ديل يتغيرو بعد مسافه حتى ردت على عمها وغيرت الموضوع وعمها م ضغط عليها شويه حتى طلعت ع غرفتهم لقت فارس راقد ف السرير وبقرى ف كتاب المهم شالت ليها جلابيه نوم كدا ودخلت الحمام استحمت وطلعت عاينت ل نفسها ف المرايه وعملت ليها ماسك ل شعرها ووشها وكلو وفارس منتبه معاها بعشق كل حركه فيها بعاين ليها بابتسامه وعشق وبفكر بتين حتحبو يخ زهج لييهو تمنتاشر سنه هو بحبها من كانت شافعه لحدي م كبرت بس عمرو م حيتخلى عن حبو ليها
نور لاحظت لي نظراتو عاينت لي نظام مالك ؟
فارس ففهمه : بعاين ليكي ي مزتي
نور : انت صحي م ورتنا المفاجاه
فارس : هيي نسيت وقام مشى عليها وهي بتعاين ليه نظام انت عايزه تعمل شنو حضنها عليه
فارس : نحن بعد بكره مسافرين جزر المالديف
نور انصدمت بس الساعه صورخت صرخه جابت العائله كلها عليها
فريده بخلعه : ف شنووووو
عمها: ياجماعه الله يجعله خيرا
حبوبه : ف شنوووو ي اولاد
نور وفارس بقو بعاينو ل اهلهم كدا والساعه الاتنين انفقعو من الضحك
فريده بغيظ : مالك ي مدام نور بتصورخي بالطريقه دي
حبوبه وهي بتطلع : انعل يومكم انتو الاتنين حجيني جلطه قلبيه بسببكم
عم نور بقى بعاين ليهم بابتسامه
نور : انا اسفه والله بس فارس فاجأني اتخيلي ي فريده فارس مسفرنا جزر المالديف
فريده صورخت صرخه جابت حبوبه تاني
حبوبه : ف شنو ي اخره صبري انتو عايزين ننوم م كل شويه نخت راسنا ف المخده نسمع زول بصرخ زي الضفدع وطلعت خلتهم الاربعه بعاينو ليها والساعه ضحكو عليها كلهم
عم نور : الله يسعدكم ي اولادي
فارس وهو بعاين ل نور البتضحك باعماق قلبها: امييين ي ابوي شويه حتى فريده وأبوها طلعوا
.....
فريده دخلت غرفتها وهي متحمسه فتحت تلفونها لقت رساله من محمد قلبها دق زي الدلوكه (هل سمعت غنيه ل شيرين اسمها قلبي ي قلبي اسفين على المقاطعه بس حسيت السوال لازم يجي هنا😂)
فتحت لقتها بقول اخيرا خلصتو من الشهاده حمد لله عملتي شنو أن شاءالله اشتغلتو كويس فريده ردت ليه كويس وان شاء الله حنجي من أوائل السودان
محمد كان فاتح طوالي رد ليها أن شاءالله وتخشو الجامعه العايزنها (خلي الخفه)
فريده : أن شاء الله وبقو يتونس والاتنين مبسوطين (طبعا محمد حمشي معاهم جزر المالديف بس حب ييعمله ل فريده مفاجاه)
اتونسو لحدي الساعه اتنين وبعداك قفلو ونامو وكل زول مبسوط لانو بدو يقربو من بعض أما هو كان طول الشهر ده بتصل ليها بالرقم الغريب وبشجعها وفريده صاحبتو رغم أنها م عارفه انو ده محمد المهم نامت وهي بتفكر ف محمد وهو زاتو نام وهو بفكر ف فريده
......
نور غسلت شعرها وكان الماسك اداهو مفعول حلو شديد أما فارس كان براقب فيها بهوس وكان نعسان لانو كانت الساعه اتنين صباحا
نور : انت امشي نوم شكلك نعسان
فارس : انتي عارفه اني م بعرف انوم الا وانتي ف حضني ف خارجينا ياخت
نور ابتسمت ليه: طيب انا زاتي قربت اخلص
شويه حتن خلصت واتعطرت بعطرها المفضل وفارس رقد ف حضنها المره دي اول مره تسمح ليه ينوم ف حضنها وهو بستنشق ف رائحتها البحبها
فارس : تصبحي على خير يجميلتي ودنيتي
نور : وانت من اهلو
شويه وغطو الاتنين ف النوم
اصبحنا واصبح الملك لله
صحو الاتنين بخلعه من صوت الباب فارس فتح لقاهو أبوه
أبوه: معلش صحيتكم بس دي حبوبتكم قالت ليكم قومو الفطور وانت الليله م مشيت الشركه مالك ؟
فارس : تعبان
أبوه: طيب قومو افطرو شويه نزلوا التلاته وحالتهم بل بلا فريده كانت شعرها متطاير بما انها شعرها كيرلي أما نور كانت عين فاتحه وعين مغمضمه وفارس كان عايز ليه كوبايه قهوه
حبوبه بخلعه : سلاما قول من رب رحيم اجي ي اولادي مالكم شكلكم ساهرتو
نور :اممم وقعدت ف الطربيزه وفريده كانت بتعاين ل حبوبتها وفارس ولا شغال كلم البت الشغاله تعمل ليهو قهوه
بعد شويه جاء الأكل كان كسره بمويه وهم بحبوها من يد حبوبتهم لأنها بتزبطه والساعه الثلاثي المرح انقظ ع الصحن
حبوبتهم بابتسامه: بالعافيه
نور بابتسامه : الله يعافيك
واكلو وانبسطو من الأكل
عم نور : انتو سفرتكم الساعه كم
فارس : اتنين صباحا
نور وفريده اتخلعو: مش قلت بكره
فارس: م هو ده بكره الساعه اتنين صباحا يحلوين صباح الخير
نور وفريده عاينو ل بعض وجرو ع غرفهم لانو كانو م مجاهزين شنطهم وكانت الساعه تلاته العصر فارس دخل لقى نور بتوضب ف شنطتها
فارس بتحزير : نووور هدوم واسعه وهدوم السباحه الواسعه
نور : عارفه ي فارس وضبت هدومها
فارس عاين ليها ودخل جاب شنطه وبقى يلم هدومو هو زاتو لحدي الساعه تمنيه كدا نزلوا التلاته قعدو شربو شاي المغرب مع حبوبتهم
حبوبه : رايكم شنو نحضر مسلسل
فارس. قام : انا م معاكم انا ماشي ل محمد
فريده قلبها دقه لمن سمعت اسمو
نور : الله معاك
فارس ابتسم ليها وباسه ف جبهته وطلع نور دي خجلت خجل وفريده بقت ماسكه ليها ( الليله دي محمد م كان اتصل ل فريده ) وبقو يحصرو مع حبوبتهم مسلسل هندي (ربابييييييي اكيد نصكم بعرفه)
( يحلوين بما انو م جاني تعليق من زول واحد بس منكم انو انزل بارتين ف الاسبوع ف خلاص حيكون الخميس بسس اتفاعلووو واكتبو كومنت ان شاء الله نفر واحد منكم ومن عيوني الاتنين حيكون ف بارتين ف الاسبوع)
م تنسو بلدنا السودان من دعواتكم
م تنسووو فلسطين وقاطعووو عشانهم ي شباب 💔
اعذروني لو فخطاء املائي ❤️ ❤️
