كانو بعاينو لي بعض فتره وماف واحد فيهم كان قادر يصدق انو همم مع بعض واخيرا شافو بعض بعد خمسه سنين
فارس بفرحه: نور نور حبيبتي ومسك وشها بيدو بحاول يوري نفسه انها اخيرا قدامو
نور بعدت منو وعاينت ليه ببرود
نور ببرود : م تلمسني لوسمحت انا م مرتك عشان تلمسني
فارس كلامه اثر فيه عشان هي فعلا بقت م مرتو عاين ليها
فارس: نور انا اشتقت ليك انتي م عارفه انا قدر شنو كنت بموت بدونك ف الخمس سنين دي
نور عاينت لي ببرود وغير الفي قلبها لانها كانت برضو مشتاقه ليه وكانت عايزه تحضنو وتوريه قدر شنو هي اشتاقت ليه
نور: بس انا م اشتقت ليك ي فارس
فارس كلامه جرحوو
فارس : نور نور عايني حبيبتي انا والله م قصدي الحصل
نور قاطعتو: م عايزه اعرف الحصل بس كل العايزه منك اني م ديره اشوفك مره تانيه ي فارس وخليني
وكانت عايزه تمشي فارس مسكه من يدها
فارس : لا مستحيل اخليك تسيبيني تاني انا م صدقت لقيتك بعد خمس سنين
نور وهي بتنفض يدها من يدو وعاينت ليه بكل غضب
نور: ايااااك تاني تلمسني ي فااارس انا م مرتك عشان تلمسني انا م حلالك وم يحق ليك تلمسني نهايي
فارس بغضب هو برضو: لا مرتي وحترجعي مرتي وحلالييي غصب عنك
نور ضحكت ضحكه استهتار: لسه انت ف مرضك ده ؟ لسه دير تتحكم فيني اعمل الانت ديره ؟ انت بتحلم ي فارس انا م حرجع ليك لو السماء انطبقت ف الارض مستحيل ده يحصل
ومشت بسرعه فارس بقى ماشي بوره
فارس: م صدقت لقيتكك م حخليك تمشي احسن توقفي عشان نتكلم
وبقت تمشي بسرعه هو بلحق فيها كانت عايزه تقطع الشارع وهي م عاينت
كان ف عربيه ماشه سريع وبتضرب في بوري نور عاينت ليه بصدمه وقفت
فارس بخوووف: نوووووور
وجرا عليها ولزها من العربيه وللاسف العربيه طقشتو هووو ووقع في الارض واغماء عليه
نور بصراخ: فاااااااااااااااااااارسسسسسسس
..........
كانت قاعده في مكتبه بتشتغل فجاه قلبها وجعه بقوه حست انو في شي حاصل بس م عرفت شنو
ناهد بقت تلمس قلبه: ياربي في شنو لي قلبي مولمني بالطريقه دي
قعدت ساعه لكن وجع القلب ابا يزح اتصلت على فريده ف جزر المالديف اتطمنت عليها
وبعداك اتصلت على فارس م رد ليها اتصلت كم مره م ردت قلقت شديد اتصلت على محمد ابو فارس
محمد : اهلين ي ناهد
ناهد: انت الليله اتكلمت مع فارس؟
محمد: اي اتكلمت معه وكان في اجتماع مفروض يكون خلص
ناهد: طيب م قاعد يرد علي وقلبي مولمني حاسه انو في شي م طبيعي ي محمد
محمد : ناهد قولي بسم الله دي م اول مره فارس يسافر وم يرد على تلفونو بكون شغال والتلفون بعيد منو
ناهد : برايك كدا؟
محمد: ايوا م تقلقي بعد شويه برجع ليكي م تخافي
ناهد: طيب حاضر
وقفلت من محمد ورقدت ف الكنبه بقت تحاول تنوم وبعد صعوبه حته نامت
