فارس خلص شغلو وطلع من الشركه اتصل لي ابوه يشوفو مفروض يتقابلو في ياتو مطعم وفعلا وراه ومشى للمطعم لقى ابوه واموه قاعدين استغرب لانو ليهم زمنم اتلاقو الاتنين مع بعض
فارس باستغراب : مالكم الليله ؟
محمد ابوه: اقعد ي فارس
فارس قعد وطلبو اكل
ناهد عاينت لي محمد وعاينت لي ولده كانت متردده تبدا تتكلم من وين وكدا فارس كان بعاين ليهم وكان واضح التوتر الفيهم
فارس رفع حاجبو ليهم : حتتكلمو ولا؟
محمد ابوه: فارس جاء الوقت انك تعرس مره تانيه ي فارس وتنسى نور
فارس من الصدمه عاين لي ابوه وثم عاين لي امو ورجع بضهرو لي ورا والاكل جابو مسك الشوكه والملعقه وبدا ياكل
فارس وهو بياكل: حاعتبر روحي م سمعت اي شي
ناهد : فاااارس ليك خمس سنين بتفتش فيها خلاص ي فاااارس هي م حترجع نووور م حترجع انساهااا
فارس عاين لي امو ببرود: انا غير نور م عايز ولو لفيت الدنيا دي كلها حلقاها ويعني حلقاها واعرس غير نور دي احلمو بيها
وقام ومشى خلاهممم
ناهد اتنهد : مستحيل ي محمد ولدك ده مستحيل اقنعه استسلم منو
محمد بتنهيده: انا استسلمت ي ناهد فارس مجنون ب نور من زمان نحن اتوقعنا في الخمسه سنين دي انه اتغير بس حصل عكس الاتوقعناه
وبقو ياكلو بهدو والاتنين بفكرو ف فارس بس
.........
ميرا صحت من النوم لقت دوروك ماف عرفت انه حيكون مشى الشغل قامت براحه عشان عمر م يحس ودخلت استحمت وصلت صلاتها ونزلت صبحت على اسيا
ميرا بابتسامه: كيف حالك ي خالتي
اسيا بابتسامه: انني بخير ي عزيزتي هيا ادخلي المطبخ سوف تلقين الافطار هناك اذهبي لكي تاكلي قبل عمر يستيقظ
ميرا ضحكت فيها ودخلت اكلت وشربت الشاي ومشت صحت عمر وحمتو وغيرت ليه واكلتو وقعد يلعب مع حبوبتو وكانت بتعاين ليهم وبتبتسم
..........
نور اول م دخلت المستشفى جاته الممرضه
الممرضه: نور هياااا لقد حصل حادث بين سياره وباص وهناك مصابين كثر هيا
نور غيرت هدومها بسرعه ودخلت للعمليات قضت ساعات وساعات وهي بتحاول ف انقاذ ارواح الناس بس الحادث كان قوي شديد قدرت تنقذ خمسه اشخاص والماتو كانو اكتر نور طلعت بخيبه امل
نور بتعب: استغفر الله العظيم واتوب اليه ربنا يغفر ليكم يارب
زياد من وراها: نووور
نور عاينت ليه وابتسمت : اهلين زياد
زياد : تعالي نقعد شكلك تعبانه
نور : اي والله سمعت بالحادث الحصل ده صح
زياد: اي والله
وقعدو يتونسو وزياد قعد يضحك ف نور ولاول مره نور تحس روحها م وحيده بعد خمسه سنين المرو ديل اعتبرت زياد اخوها القدر يساعده ف اوقات م كان بيعلم بيها الا الله
.......
فارس جهز شنطتو ودخل استحما وغير هدومو ولبس بنطلون اسود وتيشيرت اسود وكان طالع فخمممم فخامه الحارس بتاعو جاء شال شنطتو وداه العربيه ( ي يمه لينا الله نحنا) وانطلق على المطار لمن وصل لقى الناس الحسافرو معاهم كلهم قاعدين حتى السكرتيره حقتو م اشتغل بيهم ودخل وكلهم دخلو بوراه وانتظرو طيارتهم وركبو واتحركو لي لندن
