فارس صحى لقى نور ماف طلع لقاها قاعده ف البلكونه وبتعاين ل برج ايفل ابتسم عليها وبعد داك دخل الحمام استحمى وطلع صلى ولبس ليه بنطلون اسود وبلوزه سودا وجكت جلد اسود وكان طالع مزززز واتعطر وطلع نور شمت ريحتو وقبلت وياريت م قبلت كان طالع مزززز هي بقت فاتحه خشمه مترين جاء خاته يدو ف فمها
فارس :حتخش ليك ضبانه في خشمك وصباح الخير ي كل الخير من بتين انتي صاحيه
نور : لي قريب النص ساعه
فارس : اها طيب ننزل
نور :اشرب ليك حاجه
فارس : انا جعان داير افطر
نور : طيب
ونزلو ف واحد كان اتغزل ع نور طوالي فارس دمو فار ومشى بقى يضرب فيه لحدي م الراجل اغماء عليه ومسك يد نور وطلعو ركب تكسي وبقى معصب نور ولا اتكلمت معاه فتحت تلفونها واتصلت ل فريده(طبعا اشترو شرائح من المطار ).
نور : انتي صاحيه
فريده : اي انا و محمد قاعدين ف مول كدا درعه تعالو علينا
طبعا بتاع التاكسي منتظرهم يقولو ليه ماشين وين وفارس كان اخلاقو ف الراجل الاتغزل ف نور ونور بقت خايفه توري الراجل يقوم فارس يشاكلها بس اتشجعت
نور بانجليزي : بعد اذنك هل يمكننا أن نذهب الى مول *****
الراجل : حسنا
ومشى وفارس حمر ليك ل نور نور خافت لمن قربت يغمى عليها
فارس: أنا قولت ليك شنو ف فكره انك تكلمي رجال غيري
نور : م انت ساكت زي الصنم حيرت الراجل
فارس بهدوء وغضب وغيره : نور م تستفزيني انتي الرجال المفروض تتعاملي معاهم ف حياتك بس انا وتبوك وأبوي واخوك ديل تاني اشوفك تتكلمي مع راجل تاني حتشاكل معلمو
نور بعصبيه: انت باي أساس تتحكم في حياتي وتوريني اعمل شنو ومن اعمل شنو باي أساس تقول كدا
فارس: لانو أنا راجلك وحبيبك وحاتحكم بيك لانو انتي حقتي انا وبس ي نور
نور: انت عندك مرض ي فارس
فارس: م مشكله م دام المرض ده انتي
شويه و التكسي وصلهم نور طلعت بسرعه وفارس دفع ل بتاع التاكسي وم نسى يديه نظره وطلع
الراجل بالفرنسي:ما الذي فعلته لكي ينظر إلي بتلك الطريقة أناس غريبه وتحرك
فارس بقى يحاول يلحق ف نور الداخله وهي معصيه صاروخ بس داخل على المول
فارس: اللهم صبرك ي روح وفجاه كوروك باسمها ونور م عايزه تتلفت ليه فجاه اطاقشت مع زول كان ماسك كبايه قهوه وبلوزته البيضاء كلها اتكبت فيها القهوه وكانت سخنه فارس جاها جاري بعد صرخته
فارس بخوف: نور انتي كويسه؟
نور بركاء: أنا بكرهك ي فارس وعمري ماححبك
وطلعت خلت فارس مصدوم
الراجل: اعتزر لكنها قد أتت مسرعه ولم انتبه لها
( طبعا الراجل بتكلم فرنسي) فارس مشى وبقى يلحق ف نور ونور دخلت الحمام وبقت تحاول تخفف الحرقه الفي بطنها شويه وهدت الحرقه بقت تعاين ل قميصها الوسخان بحزن فجاه سمعت صوت الباب
فارس: نور هاك البسي الهدوم دي
نور ولا صدقت فتحت الباب شالت الكيس من يدو وطلعت لبستو وكان عباره عن فستان احمر واسع ختت هدومها ف الكيس طلعت لقتو منتظرها نور عاينت ليه ومشت وفارس ماشي بوراها نور طلعت تلفونها واتصلت على فريده وسألتها هم وين فريده ورتها ومشو ع الحته واتلاقو معاهم وسلمو فريده لاحظت ل نور وفارس الأمور بيناتهم م تمام ونور عيونها وارمه
فريده : نور ممكن دقيقه معي
نور قامت وفارس بقى يعاين ليهم وهم ماشين
محمد: الحاصل معاكم شنو
فارس حكى ليه
محمد : انت ف يوم حتخسرها بسبب غيرتك دي ي فارس ي صحبي اني من الناصحين اتغير عشان علاقتكم تتغير فارس عاين ليه وسكت وبقى بتزكر ف كلمه بكرهك ي فارس الدمرتو حرفيا
.....
فريده ونور دخلو محل وبقو يعاين
فريده : م نفسك تحكي لي الحصل معاكم شنو
نور عاينت ليها وحكت ليها
فريده : الله يكون في عونك ي صحبتي
نور : امين وبقو يعاينو ف الحاجات ونور مزاجها خرب من الحصل الليله
فريده : نرجع بعد ده
نور :أرح
ورجعو ولقو محمد وفارس طالبين اكل
بدو ياكلو ونور وفارس م اكلو كتيير ومحمد وفريده عاينو ليهم بحزن ملحوظ
.....
جاء راجع البيت لقى أبوه قاعد ياكل ف بيتزا وكولا
دوروك بسخريه : يعني لو اكلت من اكل امي حيحصل شنو
عبدالله: دوروك م تبدأ تزن لي ف راسي
دوروك وهو خلاص ع اعصابو: يخ انت طبيعي بعت بتك لواحد مجنون قبل ست سنين منعت ام من بتها واخ من اختو منعت البت تعيش طفولتها نحن م شايفين نور بسببك ست سنين انا عايش عشان امي واختي وخطيبتي انت عمرك م حتتغير ي عبدالله عمرك م حتفكر غير ف نفسك وطلع غرفتو
دوروك هو معصب من أبوه جات داخله اسيا ليهو لقتو مدنقر راسو
اسيا جات قعدت جنبو وختت يدها ف ضهروه
اسيا: ما الأمر الذي جعلك تغضب هكذا؟
دوروك بانفعال: هذه الإنسان امي هذه الإنسان الذي يسمى والدي هذه الإنسان بارد لا يفكر الا بنفسه
اسيا: دوروك لا تتحدث هكذا عن والدك
دوروك: لماذا امي لقد تعذبنا لمده ست سنوات منذ أن أتت فرصه العمل إلى هنا وقد عشنا أسوأ ايام حياتنا لم اسمع صوت اختي لمده ست سنوات لم أرها لمده ست سنوات ماذا افعل إلى متى يجب علي تحمل هذه
أسيا ودموعه بتنزل : انظر دوروك أنني ام لقد منعني والدك من ابنتي لكن انظر لم أفقد ثقتي بالله انظر بعد أيام سوف نذهب الى السودان لكي نراها
دوروك : ماذا تعتقدي ذلك الحقير فارس قد فعل بها
اسيا: لا أعتقد أنه فعل بها شيئ لانه يحبها (انتي تعالي يحجه وحتعرفي بحبها)
دوروك: اتمنى ذلك اتمنى أن تكون اختي تعيش ايام جميله معه
وختت راسو ف حجرها وامو بقت تلعب ف شعرو لحدي م نام بعداك قامت مشت اتوضت وصلت وبقت تدعي انو سفرتهم للسودان تجي بسرعه عشان تشوف بتها إذا كويسه أو لا
......
بعد خلصو بقو يتمشو ويتفرجو ف المحلات كان ف محل ميكاب نور بقت تعاين ليه مسافه وهي بتعاين للناس الطبيعيه البشتروه فيه ف الميكاب فارس كان مراقبه بقو يتمشو شويه وفارس استأذن منهم دقائق ومشى نور ولا اشتغلت بيه
نور : أنا حامشي اجيب قهوه من استاربكس عايزين قهوه؟
فريده : أنا حاجي معاك محمد عايز حاجه
محمد:لا لا شكرا
ومشت الاتنين اشتروه ليهم قهوه وجوه لقو فارس جاء وكان شايل كيس نور الفضول قتله عايزه تعرف ده شنو بس سكتت بسبب زعلها
فريده م قدرت تكتم فصولها: فارس ده شنو الماسكو ف يدك
فارس: هديه ل نور
نور عاينت ليه وسكتت وقبلت ع الجهه التانيه وبقت تشرب القهوه حقتها (بقول ليك هديه ليك ي استاذه ) فارس زعل من تصرفها ده لكن ليها حق ف النهايه رجعو اتمشو لحدي م تعبوا وقرروا عايزين يمشون مكان تاني بس لقو الدنيا مغيمه عرفو ف مطره قويه جايه رجعو الفندق ونور مشت مع فريده غرفتها وفارس مشى غرفتهم ومحمد نفس الكلام
اعزروني لو فخطاء إملائي ❤️❤️
