عم السكوت بعد كلام اسيا فارس انصدم لمن عرف انها عرفت حاول يصلح الموضوع
فارس:خالتي هذه ليست نور
فجاه اسيا فكت النقاب من نور وشافته وقعدت تبكي
نور بدموع: اميي
وحضنتها لانها كانت مشتاقه لي امها شديددد اشتاقت لي حضنها ولي ريحته اشتاقت لي كل شي فيها
دوروك بدموع: نوور
عبدالله كان بعاين بصمت وببكي وميرا كانت ماسكه عمر وبتبكي هي ذاتها نور بعد حضنت امها عاينت لي ابوها الهو كان بعاين ليها برضو وجرت عليه وحضنتو
نور: اابوييي
عبدالله فرح شديد انها حضنتو وانها بدت تتقبلو وقعدو يبكو بعداك نور عاينت لي اخوهاا
نور: اخوي الحقار
دوروك ضحك عليها وحضنها
دوروك: اخخخ ي شافعه مشتاااقين خمسه سنين يعني خمسه سنين
نور عاينت ليه: لوسمحت انا بقيت مممرضه
دوروك ضحك فيها: قدرتي تعملي حلمك براك
نور: يسس
ورجعو حضنو بعض نور عاينت لي مرت اخوها وولد اخوها نور دمعت لمن شافته
دوروك : عمر هذه عمتك تعال وسلم عليها
عمر كان بعاين لي نور باستغراب لانو اول مره يشوفها وبعداك نزل من حضن امو وجرا على نور ومدا ليها يدو نظام شيلني نور شالتو وبقت تبوووووسو وبتبكي م توقعت تشوف ولد اخوها
نور عاينت لي ميرا وبعداك نزلت عمر ومشت حضنتها
نور: زوجه اخييي الجميله
ميرا ضحكت عليها وحضنو بعض وكل زول م كان قادر يصدق
فارس: ما رايكمم ان نحضر باقي العائله الى هنا
اسيا: فكره رائعه
فارس: نعم لكي يتفاجو ب نور وبالاخص فريده لانها اشتاقت لها
نور ابتسمت لانها برضو اشتاقت ليها
اسيا: ابنتي تعالي لكي اريكي غرفتك
نور مشت معاها غرفتها وانصدمت لمن لقت الغرفه نفس الخلته وهي صغيره بكت لانها م اتوقعت انها حترجع وتلقى غرفتها نفس الخلته والدمى كانت ماليه الدنيا وشافت باربي الكانت بتحبها وهي صغيره وكان دائما دوروك يشيله منها عشان يغيظها ابتسمت ودنقرت شالته نفس الشكل الخلتو فيها وبقت تعاين للغرفه اسيا قررت تخليها براها نور كانت لسه مصدومه بعد حداشر سنه رجعت لي غرفتها رقدت ف السرير واتزكرت لمن امها وابوها كان بجو يرقدو جنبها لحدي م تنوم دموعه نزلت
نور : زكريات مستحيل انساها
ونامت من التعب
...........
محمد ابو فارس كان عندو اجتماع هو وناهد سوا بما انهم بقو شركا وكدا بعد خلصو
محمد ابو فارس: رايك شنو ننزل نتغدا سوا
ناهد : طيب
ونزلو واكلو واثنا م هم بتكلمو قطع كلامهم تلفون محمد عاين ليه لقاهو فارس
محمد ابو فارس: اي ي فارس
فارس: ابوي انا حجزت ليك انت وامي تجو تركيا بكره ضروري
محمد: وانت بتحجز ساي كدا
فارس: ضروري ي ابوي
محمد: الطياره الساعه كم يعني ورطتنا بس
فارس وراه التفاصيل لكن م وراه انو نور جات ولقاها وكدا وقفلو على كدا محمد ابو فارس عاين للتلفون وعاين لي ناهد
ناهد: مالو فارس
محمد حكا ليها كل شي
ناهد: وليه فجاه ديرنا نمشي تركيا
محمد: نشوف الحيحصل شنو وهو عايز شنو
